Errealitateak ez du puntu finalik,
literaturak ezartzen ditu
(...)
2008/11/22
Literatura distortsionatua
Nork: tt.2008/11/22
Etiketak:
| Permalink
| Erantzunak (0)
| Errenferentziak: (0)
2008/11/22
Trantsizio uneak
Bizitza zer den galdetzen didan zenbaitetan.
Aldean daraman txinatar letra tatuatuaren modukoa dela
erantzuten dinat.
Bakea, Libertate edo Maitasuna zelakoan egin huen
baina bertan ez zuen deus ipintzen.
Bizitza hareazko gazteluak ditun,
uhinek behin eta berriz erautsiak.
Izar gorri bat da,
bizitza
Hilekodun tanpoi bat,
ale galdua, odoldua…
Eta poeta deitzen naun.
Baina poeta banintz orbita, konstelazio eta izarrak
konpartituko nituzkeen inorekin/ norbaitekin.
Dirudi, uste dut, iruditzen zait… oro
Newtonen sagarra lez
zalantzondo batetik jausi zirela
errebelatuko nukeen
asmatutako hizkuntza batez eskribiturik.
Poeta banintz
Carverren idazmakinaren aurrean
kaleko presentzia anonimo oro erreparatzen
kontsumituko nituzkeen orenak.
Luckyak errez.
Sarrionandiaren marinelak ikusiko nituen
moilarantz arrapaladan, ekaitz blindatuen izu.
Zer demontre!
Bukowskiren larruan esnatu gura nukeen,
poeta banintz,
malenkoniak tinda beltzetan disolbatzeaz gain
whiskytan galtzeko.
Putetan trankil egin
eta amorantearen ezpainak dastatzerakoan
hireen zaporearekin amesteko.
Mario Benedettiren lirikaz
atzerrira ihes egin beharrean,
Kontinente Berria ere, berriren bat ere,
konkista nezake. Zergatik ez?
Poeta banintz…
Hondatu dira, ordea, ereduak
lizundu dira ametsak
geografiak nahastu
geometriak malgutu
teologiak moldatu
Metroko kristaletan beltzez tintatutako kronikak ditun egun
poesia.
Gaua artifiziozko esperantzaz adornatzen ditizten
“bi presunto terrorista tiroz hilik”
“demokratak Washingtonen” eta
“Liverpool vs Arsenal” titularrak.
Agortu ziren amodio hitz samurrak.
Mesanotxea okaka dinagu sexurik gabeko gutunez
eta itzaletan masturbatzeaz,
bakarrik
eta hala ere lotsaz gauden.
Portuko barran geratu dira
“I love you” esanahi gabeak.
Zure tatuajeko
Bakea, Libertate edo Maitasuna lez.
Nork: tt.2008/11/22
Etiketak:
| Permalink
| Erantzunak (0)
| Errenferentziak: (0)
2008/11/20
Amodiozko gutunen lehiaketa
Badira hamar urte elkarrengana bildu ginenetik. Bitxia zen hasierako ezjakintasuna: bi ezezagun hezetasun bila, nondik hasi ez genekiela, mingain eta esku, eskean beti. Denborak eman zigun gure loturaren ezagutza. Beldurrak sendatu eta harremana sendotu genuen. Eta gero, bat gehi bat, hiru bihurtu ginen. Eta beranduago, bat gehi bat, lau. Baina zure izateari begira, gaur ere, mila ezaugarri aurki ditzaket Ana harenak. Zuk, ordea, amatasunera mugatu duzu Anatasuna, eta barruti horretan niretzako lekurik aurkitu ezinda nabil.
Nork: Alaitz Sarasola.2008/11/20
Etiketak:
| Permalink
| Erantzunak (1)
| Errenferentziak: (0)
2008/10/22
Baldintzapean
Bakeak amnistia deklaratu du.
Baldintzapekoan irten da.
Nork: sisifo.2008/10/22
Etiketak:
| Permalink
| Erantzunak (8)
| Errenferentziak: (0)
2008/10/21
Oteiza
No soy el que era
tampoco el que ahora soy
incendio de amor
mi arado de madera
mi viejo corazón de palo
escribo que me voy
portazo
con mi puerta de papel
Jorge Oteiza
Nork: sisifo.2008/10/21
Etiketak:
| Permalink
| Erantzunak (0)
| Errenferentziak: (0)
2008/10/21
Eskultura handi bat jaio zen duela mende bat
Zuloak egiten zituen txikitan harean, espazioa handitu nahian, espazio zehazgabetua zedarritzekotan. Olatua etorri baino lehen hitzak izkiriatuko zituen harea horretan zentzua topatzeko, plastizitatezko hitzak eta sentimenduak.
Nork: sisifo.2008/10/21
Etiketak:
| Permalink
| Erantzunak (0)
| Errenferentziak: (0)
2008/10/20
Xaukena xauk
Bizitza aldean daraman txinatar letra
tatuajearen modukoa da.
Bakea, Libertate edo Maitasuna zelakoan egin huen
baina bertan ez zuen deus ipintzen.
Bizitza hareazko gazteluak dira,
uhinek behin eta berriz erautsiak.
Izar gorri bat da,
bizitza
Hilekodun tanpoi bat,
ale galdua, odoldua…
Nork: sisifo.2008/10/20
Etiketak:
| Permalink
| Erantzunak (0)
| Errenferentziak: (0)
2008/10/06
Tximeleta hori bi
Tximeletak
mitxeletak
pinpilinpauxak,
txilipitainak
tximirrikak
mitxirrikak
Nork: tt.2008/10/06
Etiketak:
| Permalink
| Erantzunak (3)
| Errenferentziak: (0)
2008/09/05
Errumania
“Navegar é preciso; viver não é preciso”
Fernando Pessoa
Nork: sisifo.2008/09/05
Etiketak:
| Permalink
| Erantzunak (1)
| Errenferentziak: (0)
2008/08/30
Trantsizio uneak
Zenbaitetan denbora hautsiko nuke,
korridoreko erlojua txikitu.
Ostikadaka. Harik eta
mila zatitan deuseztatu arte.
Ezerezean pentsatuko,
ezer ezean, ezerezean ere ez.
Eta jauzi egingo. Bai,
jauzi eta ez jausi.
Nork: sisifo.2008/08/30
Etiketak:
| Permalink
| Erantzunak (1)
| Errenferentziak: (0)
