Gure oroitzapenak
itsas galeretako oholak bezala
ez dira itsas hondoan
ezabatzen,
ez dute inongo porturik
helburu,
gure oroitzapenak
itsas galeretako oholak bezala
jitoan, uhainek eraginak
desegin ezin eta
xederik gabe.
Lar hurrin kalatxori hezurrez
osaturiko hondartzak.
Joseba Sarrionandia
Posted by: tt.2009/06/29
Tags:
| Permalink
| Comments (1)
| References (0)
Aurkaria ahultzea/ indargabetzea
da estrategia.
Barrikadak mutur aurrean jarri,
Kontenedore orori su eman
Guztiak erre.
Posted by: tt.2009/06/25
Tags:
| Permalink
| Comments (1)
| References (0)
Irakurtzen zenituen liburuez mintzatzen zinen. Korronte minimalista bati jarraituz bezala xehetasun osoz kontatzen zenizkidan guztiak eta nik baietz egiten nizun buruaz. Ulertzearen plantak egiten. Kuriosoa zen, ez bainuen deus entenditzen eta zu zeuk ere bai baitzenekien. Zalantzazko begiradak trukatzen genituenero soa aldentzen nuen disimuluz. Gustukoa zitzaidan halere hitz egiten zenuen bitartean entzutea. Absente. Zeure baitatik kontatzen zenuen baina zeurea izan gabe. Beste bertsio bat zen. Zeurea. Bizitzaren apunteak hartzen zenituen, ortografia akatsez betetako apunteak. Zerbait behar huelako. Helduleku bat akaso.
Helduleku bat bai; palanka bat, Arkimedesen eran.
Posted by: tt.2009/06/24
Tags:
| Permalink
| Comments (0)
| References (0)
Pianoa
perkusiozko instrumentu baten modura jotzen huen,
terapia modura.
Kolpeka.
Eskuak odoletan izan arte.
Posted by: tt.2009/06/19
Tags:
| Permalink
| Comments (0)
| References (0)
Bakean
Normal
Arazorik gabe
Maitagarri
Lagun
Kide
Gizonezko
Lastima eme jaio izana. Hurrengo batean, agian.
Eider Rodriguez, Argia
Posted by: tt.2009/06/03
Tags:
| Permalink
| Comments (2)
| References (0)
Mezu zifratuak bidaliko dizkinat
umetan lez leihotik
abioietan,
jendeak irakur ditzan.
Letra larriz eskribitutako Demokrazia
Bakea eta Anaitasuna
moduko hitzak.
Posted by: tt.2009/06/01
Tags:
| Permalink
| Comments (0)
| References (0)
Umetan
paperezko hegazkinak suizidatzen nituen
leihotik behera,
jausi bitartean so egoteko goitik
Posted by: tt.2009/05/27
Tags:
| Permalink
| Comments (1)
| References (0)
Bitxia da beldurra. Beldur izan, beldurrak egon. Geure parte dira, gu geu. Beldurrak gara bai, eta beldurretan egon egiten da. Permanenteki.
Badira atzean uztea lortzen diren ikarak. Fobiak. Jendeak txakurrei die, iluntasunari nahiz altuerei. Eta gainditu egiten omen dira. Superatu. Beti behar, ahal balitz bezala. Baten ostean besterik badator ordea. Eta beste bat. Eta beste bat. Infinitu beldur daude horrela. Ezagutzeke ditugunak asko. Etiketatu gabeak oraindik. Habitat orora erraz egokitzen den birusa da, ugaldu egiten dena. Eta jan egiten gaitu. Barrutik jan. Kontsumitu, hutsik sentitu arte.
Ezezagunari beldurra, hiltzeari. Eta ausentziei eta ordezkatua izateari, ahantzia… Ikara minari. Minari eta mindua izateari. Iragana zein etorkizunari. Bakardadeari… Estatus bat lortu ezin izateari. Ezinari…
Betiko beldurrak ere badira. Beldur kolektiboak. Humanitatea ahula da, eta ahula delako behar ditu sostenguak. Zeri heldua. Beldur delako. Horregatik sortzen ditu horrenbeste teori. Heldulekuak besterik ez izanagatik. Hipotesiak. Baina zalantzak ezinegona eragiten dio, kaosan pentsatze hutsak, inkognitek. Eta jakin badakigu guztia lotu, justifikatu behar hori sintoma duela. Beldurrarena.
Kamuflajea.
Posted by: tt.2009/05/20
Tags:
| Permalink
| Comments (1)
| References (0)
Bazkaritako eltzekoa
bokadiloan bezala,
irentsaraziak.
Posted by: tt.2009/05/20
Tags:
| Permalink
| Comments (0)
| References (0)
Aje handiegirik ez
Emakumeekin borroka gehiegirik ez
Neumatiko hustu gehiegirik ez
Ez zuen inoiz pentsatu suizidioan
Haginetako mina hiru aldiz gehienera
Inoiz ez zuen otordurik huts egin
Inoiz ez zen kartzelan egon
Inoiz ez maiteminetan
7 zapata pare
Seme bat unibertsitario
Urte bete ez duen autoa
Aseguru-polizak
Etxeko jardin berde-berdea
Zaborrontzi tapaki hermetikodunak
Seguru hautatuko dutela.
Charles Bukowski
Posted by: tt.2009/05/18
Tags:
| Permalink
| Comments (0)
| References (0)
Zamalari izatera kondenatu gintuzten. Kutsatutako ardurak ditugu garraiatzen, ñimiñokeriak sarri, eta nola ez, alderik alde irribarrerik ederrena jalgiz ezkutatzen ditugun penak. Masa bider 9,8N? Utikan Newton! Grabitatea bada bederen zutitutako bakoitzean zapaltzen, hondoratzen gaituena. Finean guztiok gintuzten Sisifo izatera kondenatu.
Babeslea: Casas Rurales Pais Vasco
