Euria purifikatzaile zaion egunetan
aspiragailuetatik
ihesean doazen lumen gisara joango da
isilean
ortozik
bere autonomia eraiki eta perfekzionatzeko
puntillismoz
2010/07/24
Puntillismoa
Nork: tt.2010/07/24
Etiketak:
| Permalink
| Erantzunak (0)
| Errenferentziak: (0)
2010/07/18
...
-Ama, egidazu bultza apur bat, faborez.
-Ongi da, baina esku biez gogor heldu,ados?
-Konforme!
-Bat, bi… Oso gora igoko al zaitut?
-Bai.
-Noraino bada?
-Ez dakit, ahalik eta altuen. Gora, gora eta gora... Ilargiraino!
Nork: tt.2010/07/18
Etiketak:
| Permalink
| Erantzunak (0)
| Errenferentziak: (0)
2010/06/12
...
“To be is to do”
Kant
“To be is to be”
Nietzsche
Nork: tt.2010/06/12
Etiketak:
| Permalink
| Erantzunak (0)
| Errenferentziak: (0)
2010/06/08
...
Airea ahitzen zitzaion apurka. Taupada bakoitzeko gero eta nekezagoa zitzaion birikak oxigenatzea. Zeru hodeitsu lausotua besterik ez zekusan eta oraindik amaieran irribarrea galtzeke zuen. Dudarik ez, hura akabera zen. Une batez beldurra sentitu zuen baina aurpegian beldur hura antzeman ez ziezaion ahalegindu zen, arerioak ikusi ez zezan edo. Horren gutxi falta zen non gorputzeko mina oskila eta aldi berean intentsu bezain jasangaitza zitzaion. Ideia huts batek besterik ez zuen sostengatzen, hobeki esanda, damua zuen. Baina jada egin gabeko edota egindakoez damutzea alferrikakoa zen, zentzu bakoa. Jarraian zetorkionaz ezjakin, errezoari ekin zion guztiz inkontzienteki. Ez zen batzuen ustezko Zeruan (edo infernuan) berarentzat lekurik izango ote zen pentsatzen jarri, ezta errenkarnazioan ere. Dena amaitu zedin besterik ez zuen desio baina trantze hark minutu pare bat gehiagoz iraungo zuen, zerraldo geratu arte.
Azkenetan ere irribarrea ahoan, hala hil zen. Oraingoan arerioak ikusi zezan.
Nork: sisifo.2010/06/08
Etiketak:
| Permalink
| Erantzunak (0)
| Errenferentziak: (0)
2010/05/29
...
Esku bat alkilatu zion aspalditxo
gratis
eta isuna iritsi zaio gaur interes eta guzti
epez kanpo itzultzeagatik
egiatan ordea, oraindik ez du itzuli
Nork: tt.2010/05/29
Etiketak:
| Permalink
| Erantzunak (0)
| Errenferentziak: (0)
2010/05/13
...
Denbora dilatatzen da
izarrak josiz animaliak dibujatzera solasten dugunetan
gaua horizontalean erreparatzera paratzen garen bakoitzean
usaintzen
harrapatu ukitu dastatu sentitu gau bat
Orduak eman genitzake zeru puska beraren azpian
eman genitzake nitzake isiltasuna kontenplatzen
eta hodeietan untxiak irakurriz
brisak zelan birigarro balea katakume
bilakatzen dituen imajinatzen
igurikapenak elikatzen igaroko genitzake gauak larre batean botata
ahal izatera
Munduaren tempoa moteltzea posible zaigulako
baina izarrik gebeko gaua da tamalez gaurkoa
Nork: tt.2010/05/13
Etiketak:
| Permalink
| Erantzunak (1)
| Errenferentziak: (0)
2010/05/05
...
Ez ditut ezagutuko koordenadak
arrotzak izanen zaizkit parajeak jendea atmosfera
baina jakin badakit iratzarrik egonen zarela
iratzarrik hor nonbait
eta ohean bueltaka ibili ostean jaikiko zara
badakit bai
badakit zure insomnioaren karia,
beldurra da
baina guztiok gara zer edo zeren beldur
eta ez hitzak orenak pasa ilargi biluzi baten argitan
erantzun bako galderak egiten hire baitarako
alferrikan
Metrikaren baitan egongo da akaso bitartea
tartea
eta era guztietara ere ttipia mundu petral hau
ttipia da benetan
patrikan aise kabitzeko modukoa planeta
ilargia hatz lodiaz tapatzea lortzen baduk
sartuko zaik
Nork: tt.2010/05/05
Etiketak:
| Permalink
| Erantzunak (0)
| Errenferentziak: (0)
2010/05/03
Jolasa1
Fíat lux
ab initio
electa una vía, non datur recursus ad aliam
plus ultra
ad astra per aspera
nune aut nunquam.
Cogito, ergo sum. Alter ego,
maior sum quam qui mancipium sim corporis mei
dtra lex, sedex
modus vivendí
Reductio ad absurdum
Nihil novi sub sole
Nork: tt.2010/05/03
Etiketak:
| Permalink
| Erantzunak (0)
| Errenferentziak: (0)
2010/04/24
...
txolintzea
txolinkeriatan ibiltzea
memelotu lelotu kokolotu
iparra galdu
tenteldu txoriburutu
itsutu
ikusmena galdu
amorostu
Munduak hobeto funtzionatuko luke sinonimoak edota litsak bilatu beharrean, soilik gehiagotan txolin izango bagina.
Nork: tt.2010/04/24
Etiketak:
| Permalink
| Erantzunak (1)
| Errenferentziak: (0)
2010/04/24
...
Ez daude oroitzapenak ezta historia ere
simulazioak bizitzen ditugu
atzo bizi genituen
eta gaur berdin. Gaur ditugu biziko
lehen pertsona singularrean
norbere azalean sentituko
Minuskulaz idatzitako "ni"-en plurala
generalizazioa da
sinplifikazioa da.
Delako.
Ebidentzia erretorikoak ez dira existitzen
ideia aleatorioak uste ebatzi bakoak izan daitezke
frogatzeko daudenak
eta askotan froga ezinezkoak
salbuespenak topatuko ditugu hemen
hor
eta han. Mila.
Erantzun zehatzik
apenas
baina orduan interpretazioetara joko dute
eta hormak purpurinaz pintatuko
monosilabak esaten hasten dira
melodia inkonstanteak irratiz emititzen
isiltasunez eta beltzez idatzitako sinfoniak
desafinatzen hasten dira
baina antza denez horrek ez du inporta
Nork: tt.2010/04/24
Etiketak:
| Permalink
| Erantzunak (0)
| Errenferentziak: (0)
