Urteroko gisan aurten ere Aste Santua “ospatu” dugu. Oso fededuna ez banaiz ere urtero-urtero Aste Santua behar moduan disfrutatzen ditut, hobe esanda, martxoa/apirileko 15 eguneko oporrak behar bezala disfrutatzen ditut.
Iaz Holandara egin genuen eskapada, nire neba, Aiur, han ikasten dabilela eta hari bisita egitera. Aurten ere inguru haietan dabil, eta iazko aitzakia berarekin eskapada egin dugu. Baina, aurtengoan desberdintasun batekin: ez gara Holandan elkartu Alemaniako hiriburuan baizik, Berlinen. Amak aspalditxo zuen Berlin ezagutzeko irrika, eta beraz, bi nahiak uztartuz, Berlinen egin dugu topo Aiur eta etxekook.
Bertako historia oso presente izan dugu Alemaniar hiriburuan ibili garen denboran. Hango txokolatea eta garagardoa ere probatu ditugu, baita hango saltxitxak ere. Berlingo harresia, Shanshenhausen kontzentrazio gunea, Brandenburgoko atea, Alemaniako parlamentua, Postdam-eko gazteluak… gauza mordoa ezagutu ditugu. Baita, hango trena, autobusa eta metroa, eta, zentro komertzial handiak, ere.
Hiri erraldoi horretan iruditutako gauzarik bitxiena edo ulertzeko zailena, berriz, historian duten gertaeren samina oso presente dutela eta, aldi berean, duela 70 urteko gertakarien aztarnetatik bizirauten duela egungo turismoak. Hau da, gertakari historikoaren dolua duten bitartean negozio bide gisa ere badutela. Ez dakit, ez da errez ulertzen.
Halere, asko gustatu zait, Berlin. Gauza gutxi utzi ditugu ikusteke, baina berriz ere itzuliko naiz gustu handiz garagardoaren hiriburura.
Portuberri-Berlin map
Idatzi artikulu bat