The Indezents bloga >>

Orain gutxi blog honetan aritu nintzen Peachy Joke tolosarren Kindergarten's Flight diska berriaz.

Lan berriaren zabalkundearekin jarraitzen du taldeak eta lehen bideoklipa prestatu dute. Diskaren gai zentrala haurtzarotik heldutasunerako jauzia dugu eta ideia horrekin jarraitu dute diska isten duen Cold Tea kantuaren bideoklipean.

Tolosako Laskurain ikastolan grabatu dute bertako haurren laguntzarekin eta emaitza duina da. Hala ere, ideia on bat garatu nahian bidean galdu direnaren sentsazioarekin geratu naiz. Ea zuei zer iruditzen zaizuen.

Azken bi asteak Kalifornian igaro ditugu Like A Rolling Stone tarte honetan. Egia esan, eguzkiak ederki berotzen du inguru honetan eta hondartza ederrak daude gainera.

Hori kontuan izanda, eta azkenaldian, trilogiak modan duden gauza bat direla jakinda, Los Angelesen geratzea erabaki dugu horrela, Kaliforniako trilogia osatzeko.

Rage Against The Machine eta Incubusen ostean, Red Hot Chili Peppersen txanda dugu Like A Rolling Stone tartean.

1.- RED HOT CHILI PEPPERS eta FREAKY STILEY

Red Hot Chili Peppers 1983an sortu zen Los Angelesen nahiz eta hasieran beste izen bat zuten: Tony Flow and The Miraculously Majestic Masters of Myhem. Harapazak.

Sortzaileak, Fairfax High Schoolean ikaskide ziren Anthony Kiedis, Hillek Slovak, Jack Irons eta Michael Balzary “Flea” izan ziren.

Garai hartan Los Angeleseko Punk zirkuitoan mugitzen ziren baina Anthony eta Fleak garbi zuten beste zerbait egin nahiz zutela. Beraien lehen kontzertuan punk, rap eta funk nahasketa bitxi bateki atera ziren jendeaurrera eta lokaleko jabeak ere espero ez zuen harrakasta izan zuten. Kontzertu berezia izan zen zerbait esatearren. Garai hartan, biluzik ateratzen ziren eszenatokira potroetan galtzerdi bat besterik ez zutela.

Gauzak horrela, izena aldatu (ez zegoen izen hura oriotzeko gai zen inor) eta taldeari Red Hot Chili Peppers jarri zioten.

Kontzertu batzuen ostean EMIrekin kontratu bat sinatzea lortu zuten baina aste horretan, dena ez ziren berri onak izan. Hillel eta Jackek talde paralelo bat zuten, What is This? Eta talde honek ere kontratu bat lortu zuen MCA disketxearekin. Bi taldeen artean aukeratu beharrean bai kitarjoleak eta baita baterijoleak ere What is This? Aukeratu zuten.

Flea eta Kiedis taldekide berrien bila hasi ziren lehen diska kaleratu ahal izateko. Ordezkoak Cliff Martinez eta Jack Sherman izan ziren.

Formazio berriarekin estudioan sartu ziren eta Red Hot Chili Peppersen lehen lana grabatu zuten. Anthony Kiedisek True men Don’t Kill Coyotes jarri nahi izan zion baina EMIk, diskak taldearen izen berbera izatea inposatu zuen eta horrelaxe izan zen.

Porrot izugarria izan zen 1984ean argitaratutako debut lan hau eta 25.000 kopia besterik ez zituzten saldu. Hala ere, berri guztiak ez ziren txarrak Hillel Slovak What Is This? Taldeaz nazkatu eta taldera itzuli baitzen.

Taldeak burugor jarraitu zuen aurrera eta urte bete beranduago, 1985an hain zuzen ere, Freaky Stiley argitaratu zuten eta emaitza antzekoa izan zen. Kopia gutxi saldu zituzten eta bira ere, ez zen batere produktiboegia izan.

Freaky Stiley diska hartakoa dugu Jungle Man hau.

2.- THE UPLIFT MOFO PARTY PLAN

Porrot honen ostean beste berri on bat izan zuen taldeak eta Jack Irons taldera itzuli zen. Gauzak horrela bi diskaren ostean, berriz ere, hasierako formaziora itzuli zen Red Hot Chili Peppers.

Gauzak ordea, ez ziren ondo joango denbora luzez. Anthony Kiedis heroinarekin arazo larriak izaten hasi zen eta taldetik bota zuten. Hala ere, honek ere ez zuen gehiegi iraun hilabetera berriz ere Red Hot-en onartu bait zuten.

Taldea hirugarren diska grabatzen hasi zen eta kantuak modu askoz naturalagoan sortzen zituzten. Betiko funk erritmoak landu zituzten baina kitarrak punk edo metal estiloetatik gertuago zeuden.

1987ko irailean argitaratutako diska hark The Uplif Mofo Party Plan izena zeraman eta lehen aldiz arrakasta minimo bat ekarri zien Red Hot Chili Peppersekoei. Lehen aldiz zerrendetan saru ziren eta taldearen izena ezagun egiten hasi zen.

Diska aurkezten zebiltzan arrakasta lortu berriaz disfrutatzen eta 1988ko uztailean taldearen ibilbidea ia betiko moztu zuen gertakari bat jazo zen. Hillel Slovak heroína gaindosi batez hil zen.

Slovaken azken diska hartakoa da Fight Like A Brave kantua

3.- MOTHER'S MILK

Hillelen heriotzaren ostean Anthony Kiedisek ihes egin zuen eta ez zen bere hileta elizkizunean egon. Mexikora joan zen eta hilabete batzuk egon zen bertan desintoxikatzen.

Jack Ironsentzat ere kolpe handia izan zen Hillel Slovaken heriotza eta taldea betiko uztea erabaki zuen. Ez omen zuen nahi bere lagunak akabatzen ari zen talde batean jarraitu nahi.

Denborarekin eta behin drogak utzita, Anthony Kiedis Los Angelesera itzuli zen eta Flearekin batera, talde bersortzen hasi ziren. Hasiera batean, Dead Kennedyseko D.H. Peligro baterijolea eta DeWayne McNight kitarjolea kontratatu zituzten baina gauzak ez omen zuten behar bezainbesteko txisparik eta biak kaleratuak izan ziren.

Halako batean Flea bere lagun batez oroitu zen eta Red Hot Chili Peppersek bere historiako erabakirik garrantzitsuena hartu zuen. John Frusciante gaztea taldean sartu zen.

Baterijole bat besterik ez zitzaien falta eta lagun batek Chad Smith izeneko tipo bat gomendatu zien. Proba bat egin zioten eta hiru kideak aho bete hortz geratu ziren. Nazioartean ezaguna egingo zen Red Hot Chili Peppers habian zen.

Taldea estudioan sartu zen eta Michael Beinhorn izan zen ekoizpenaren arduraduna. Bere proposamenetako bat John Frusciantek heavy riff eta doinuak jotzea zen baina Johni ez zitzaion batere gustatu inposizio hau eta nahiko blokeatuta egon omen zen bere bizitzako lehen grabazioan zehar.

Mother’s Milk diska 1989an argitaratu zen eta lehen aldiz zerrendetako lehen hamarretan sartu zuen kantu bat red Hot Chili Peppersek. Knock Me Down izan zen eta Hillel Slovaki eskainitako kantu bat zen. Diska honetakoa da baita ere Higher Ground handia.

4.- BLOOD SUGAR SEX MAGIC

Mother’s Milk lanaren arrakasta handia izan zen baina taldekideak ez ziren kontziente beraien hurrengo lanak suposatu behar zuenaz.

Ekoizpen arduraduna aldatzea erabaki zuten Michel Beinhornekin nahiko presionatuak sentitu zirelako eta Nick Rubinengan jarri zuten konfidantza.

Honek, askatasun guztia eman zien kantuak sortu eta grabatzeko bere hitzetan horixe bait zen diska errepikaezin bat sortzeko modu bakarra.

Askatasun honetan taldea lehen aldiz libre sentitu zen eta emaitza ezinhobea izan zen.

Blood Sugar Sex Magic diskak 1991ko irailean ikusi zuen argia. Diska honetakoak dira Red Hot Chili Peppersen kantu antologikoetako batzuk. Adibidez, Under The Bridge hit-a, Breaking the Girl, Suck My Kiss edo jarraian entzungo dugun Give it Away.

5.- ONE HOT MINUTE

Blood Sugar Sex Magiken arrakasta izugarria izan zen. Nazioartean izen bat egin zuen taldeak eta bira amaiezin horietako bat burutzeko aukera izan zuten. Hala ere, oraingo honetan ere zoriontasuna ez zen luzerako izan.

John Fruscianteri handi etorri zitzaion arrakasta eta ezin izan zuen egoera jasan. Drogekin arazoak zituen honek ere eta depresio batean erori zen. Ezin zuen egoerarekin jarraitu eta bere bizia bide zuzenera itzultzeko modu bakarra taldea uztea zela konturatu zen nahiz eta hau, munduan gehien behar zuen gauza izan.

Taldearentzak galera handia izan zen hau berak eraman bait zuen azken diskako konposizioan pixu gehien baina garbi zuten oraingo honetan ere aurrera aterako zirena eta beste kitarjole baten bila hasi ziren.

Proba ezberdinen ostean, Jane’s Addictioneko Dave Navarro izan zen aukeratua.

Diska berrian lanean hasi ziren baina gauzak berriz ere okertzen hasiak zeuden. Kiedis drogetara itzulia zen nahiz eta bere taldekideek ez jakin, kantatzeko arazoak izaten hasia zen.

Asko kostatzen ari zitzaion taldeari kantu berriak sortzea eta hori gutxi balitz, taldekide berria ez zegoen gustora taldean. Arrotz moduan sentitzen omen zuen bere burua eta askatasunik gabe jotzen omen zuen kitarra.

Bi urte luze kostatu zitzaien diskarako kantuak prestatzea eta 1995eko irailean One Hot Minute diska kaleratu zuten.

Harrera eskaxa izan zuen diskak eta bai zale eta baita kritikoen aldetik ere egur galantak jaso zituen Red hot Chili Peppersek. Diska ezberdina da bai, psikodelikoagoa, distortsionatuagoa baina egia esan kantu itzleak ere aurkitu daitezke bertan eta gainera, hasieratik bukaerara entzuteko moduko diska horietako bat da.

One Hot Minute hartakoa da Aeroplane hau.

6.- CALIFORNICATION

Taldeak ez zuen Dave Navarroren fitxaketarekin asmatu eta dagoeneko desintoxikatua zegoen John Frusciantez oroitu zen. Red Hot-era itzultzeko eskatzen deitu zioten eta Johnek pozez negarrez erantzun omen zien baietz.

Indarrez gainezka itzuli zen John eta Red Hot Chili Peppersen ibilbidea aldatuko zuen diska idazten hasi zen Anthony Kiedisekin batera.

Oraingo honetan ez zuten ekoizleen presiorik izan eta 1999ko ekainerako prest zuten berriz ere olatuaren gailurrera altxatuko zituen Californication diska oroitua.

Diska honetan funk doinuak mantentzen jarraitu zuten baina punk kutsua betiko desagertzen hasi zen. Anthony Kiedisek ederki ulertu zituen John Fruscianteren riff melodikoak eta naturaltasun osoz sortu zuten pasa den mendeko diska hoberenen artean oroituko dugun Californication hau.

Diska horretakoak ditugu Scar Tissue, Californication, Otherside, Parallel Universe, Road Trippin edo jarraian entzungo dugun Around The World

7.- BY THE WAY

Californicatonen ondorioz Frusciantek indarra hartu zuen taldearen sorkuntza prozesuan eta ordurarte hainbeste garrantzia zuen Flearen baxua desagertzen hasi zen.

Hala ere, bere protagonismo uneak izaten jarraitzen du eta 2002an argitaratu zuten By The Way laneko By The Way edo Can’t Stop kantuetan argi geratzen da hau.

Diska honekin Californication diskarekin lortutako nazioarteko izena mantentzea lortu zuten eta egoera Greatest Hits diska bat eta zuzeneko beste bat argitaratzeko probestu zuten.

Aipatu berri ditugun hiru diska hauetan agertzen da By The Way kantua.

8.- STADIUM ARCADIUM

Hiru diska hauek argitaratzeko esfortzuaren ostean, taldeak esfortzu bat gehiago egitea erabakitzen du eta Stadium Arcadium diska bikoitza kaleratzen du.

Gaur arte Red Hot Chili Peppersen azken diska den hou 28 kantuz osatzen da eta ordurarte sekula lortu ez zuten lorpen bat posible egin zuen.

Diska honetako lehen hiru singleei esker, Dani California, Tell Me Baby eta Snow (Hey Oh!) hain zuzen ere, Red Hotek hiru single ezberdinekin zerrendetako lehen postuan egotea lortu zuen.

Hauxe duzue hiru number one horietako bat izan zen Tell Me Baby.

Horrelaxe amaitzen da gaur arte Red Hot Chili Peppers taldearen ibilbidea eta betiko, formazio zehatz honena John Frusciantek orain gutxi adierazi baitu taldea utziko duela bere bakarkako ibilbidearekin jarraitzeko.

Bere lekua Josh Klinghoffer kitarjoleak hartu du eta ez da kitarjole ezezagun bat gainontzeko taldekideentzat. Orain arte kontzertuetan taldearen bigarren kitarra izan da eta modu honetan, taldekide izatera pasako da. Ea zer moduz ateratzen den asmakizuna.

Guk, gure aldetik tarte hau isten joan behar dugu eta badakizue horretarako talde honekin harremana duen baina taldearena ez den kantu bat aukeratzen dugula eta gaurkoan, derrigorrezkoa iruditu zaigu John Fruscianteren kantu bat aukeratzea kitarjole hau ezaguna egin duen taldetik behar den bezela agurtu ahal izateko.

Zuekin, Curtains diskatik, John Frusciante eta The Past Recedes.

Ordiziko Gaztetxeak 24 urte beteko ditu aurten eta makina bat ekitaldi antolatu ditu urteurren honetarako. Hala ere, 25. urteurrena ere gertu dago eta mende laurdena ospatzeko ideia bikain bat izan dute Ordiziko gazteek.

Talde goierritar ezberdinen artean CD bat argitaratzea otu zaie eta horretarako gure eskualdeko bakarlari zein musika talderi parte hartzea eskatzen diete.

Animatzen direnek Beasain eta Lazkaoko entsegu lokaletan dute izena emateko aukera eta Gaztetxeak argi utzi kantuak grabatuta ez dituztenei, espreski diskarako kantuak grabatzeko aukera ere emango diela.

Lehen diska hartan guk ere hartu genuen parte (Spurium garaiak…) eta egia esan, esperientzia ederra izan zen. Lehen aldiz estudio batean sartu ginen eta maketa atera genuen arte talde hartaz izan genuen oroitzapen fisiko bakarra izan zen.

Helbide elektroniko bat ere jarri dute martxan gehiago jakin nahi duenarentzat beraz, badakizue, bakarlaria bazara edo talde batean jotzen baduzu, idatzi 25urte@gmail.com helbidera eta animatu zaitez zu ere diska izugarri honetan parte hartzea.

Aurrekoan demonocrazyren blogean binilo eta musikari buruzko post bat irakurri nuen. Bertan, musika, musika entzuteagatik soilik entzuteari utzi diogula defendatzen zuen eta ados nago berarekin.

Hala ere, ez dut uste azkenaldiko kontua denik ez baitut uste sekula musika entzun besterik egin dudanik, beste ezertan aritu gabe esan nahi dut. Nahiko hiperaktiboa naiz (txikitatik dakit hori) eta ez dut uste sekula gauza bat bakarrik egiten aritu naizenik…

Horrek gauza onak eta txarrak ditu baina azkenaldian alde txar batez konturatu naiz, tabakoa hain zuzen ere. Musika entzuten ari naizen bitartean beti beste zerbait egiten ari naiz; idatzi, sukaldatu, etxea garbitu (behar baino gutxiago…), kafe bat hartu, lagunekin egon, lan egin…

Kontua da, tabakoarekin gauza berebera gertatzen zaidala; idatzi, etxea garbitu (ez da oso higienikoa badakit…), sukaldatu (hau gutxiago, baina zer egingo diogu ba?), kafe bat hartu, lagunekin egon… lan egin? Ba ez! Lan egin ez, lanean ezin daitekeelako erre. Lanean atsedenaldi bat hartu eta kanpora irtetean erretzen dudan zigarrilloa ez dut gozatzen. Zergatik? Ez naizelako beste ezertan ari… erretzen ari naiz.

Gauzak horrela, pentsatuko duzue, horrek esan nahi du tabakoa ez duzula behar. Ba berriz oker, hiruko erregela horrekin musika ere ez nuke beharko! Eh, eh! Harrapatu zaituztet. Ba hori, erretzen jarraituko dudala eta bitartean, bizitzaz gozatzen jarraituko dudala idazten, etxea garbitzen, sukaldatzen, kafe bat hartzen, lagunekin egoten eta nola ez, garagardo hotz bat edaten.

Abisatuta zineten inora ez zijoan alperrikako hausnarketa bat zena... 

Azkeneko Like A Rooling Stone tartean Rage Against The Machine taldeaz aritu ginen eta Los Agelesera jo genuen laukote indartsu honen bila.

Aste honetan, talde berri bat hobeto ezagutzea tokatzen zaigu eta behin Californian egonda, ba hemen bertan geratzea erabaki dugu.

Makina bat talde ezagun atera dira lurralde honetatik azken hamarkadetan eta horregatik, zaila izango zaizue gaurkoan zein taldez arituko garen asmatzea. Hoberena, buelta gehiago eman gabe gaurko gonbidatuak aurkeztea izango dugu.

Gaur, Like A Rolling Stone saioan, Incubus.

1.- FUNGUS AMONGUS

Incubus 1991n sortu zen Californiako Calabasas herriko garage batean.

1990ean Jose Pasillas baterijoleak, Mike Einzinger kitarjolea ezagutu zuen. Azken honek, Alex Katunick baxujolearekin entsailatzen zuen eta interesgarria iruidtu zitzaien hiruen artean beste talde batzuen bertsioak jotzen hastea.

Gauzak horrela, Megadeth eta Metallica bezlako taldeen bertsioak jotzen hasi ziren baina Pasillak ez zuen oso gogoko errepertorio hau eta taldekideak beraien kantuak sortzera bultzatu zituen.

Kantari bat behar zuten eta Pasillas bera, haurtzaroko langun batez oroitu zen, kantari doai izugarriak omen zituen eta bere izena Brandon Boyd zen. 15-16 urte besterik ez zituzten garai artan

Taldea gorputza hartzen ari zen eta kontzertu txikiak ematen hasi ziren festa txiki eta klub ezezagunetan.

Taldea izenik gabe ari zen eszenatokira igotzen eta egun batean Mike-k Incubus hitza aurkitu zuen hiztegi batean eta definizioa irakurri zien bere taldekideei. Incubus, Erdi Aroko kondairetan agertzen zen deabru bat da. Gauetan emakumeen ohera gerturatu eta lo zeuden bitartean harreman sexualak izaten omen zituen beraiekin. Egun hartatik aurrera, Incubus moduan izan dira ezagunak.

Taldeak kontzertuak ematen jarraitzen zuen eta pixkanaka ezagunak egiten hasi ziren bere inguruan.

Halako batean, Mark Shoffner managerra ezagutu zuten eta bere estudioan kantu batzuk grabatzen utzi zien inolako kontraturik gabe. Grabazio haien emaitza izan zen Incubusen debut lana izan zen Fungus Amongus. 1995eko azaroa zen.

Diskak nahiko arrakasta lortu zuen eta DJ Lyfe batu zen taldera. Honekin, Inmortal Records disketxearekin sinatu Enjoy Incubus diska argitaratu zuten Fungus Amongus debut laneko kantuekin eta bi kantu berriekin.

Diska hartakoa da jarraian entzungo dugun kantua: You Will Be a Hot Dancer

2.- S.C.I.E.N.C.E. 

Fungus Amongus diskak nahiko buelta eman zituen nahiz eta kopia gehiegi ez argitaratu eta horietako bat Korn taldearen eskuetan erori zen. Izugarri gustatu zitzaien Calabasaseko mutilen lana eta berain bira europeorako telonero moduan eraman zituzten.

Bultzada izugarria suposatu zuen honek Incubusentzat eta beraien bigarren lana argitaratzeko probestu zuten aukera. SCIENCE izena jarri zioten eta 1997an ikusi zuen argia.

Bigarren lan honetan Incubusen musika gaur egungo Incubus soinura geturatzen hasi zen gerora Nu Metal deitu zitzaionaz hurruntzen hasiz.

Diska hau aurkezten ari zirela arazo ezberdinak izan zituzte DJ Lyfe diskjokeyarekin eta DJ Chris Kilmore sartu zen bere ordez taldean.

S.C.I.E.N.C.E. honetako dugu Jazz-funk-metal doinuko Deep Inside hau.

3.- MAKE YOURSELF

Bigarren lan hau argitaratu ostean konztertuak jo eta joa ritu zen taldea eta berriz ere, dagoeneko ohikoa zen moduan, kontzertuak emateari utzi zioten hurrengo diskan lanean hasteko.

Make Yourself izan zen Incubusen hirugarren diska eta berari esker lortu zuten gaur egun duten nazioarteko sona.

Diska honen 2.000.000 diska saldu ziren mundu osoan zehar eta hori, ez da edonork lortzen duen marka. Incubusen zaleak segunduero biderkatzen ari ziren eta zale berri hauek Fungus Amongus eskuratzeko modua eskatzen ari ziren. Hori dela eta, taldearen lehen lana berrargitaratu zuten 2000. urtean.

Incubuseko kideen bizia aldatu zuen Make Yourself diskakoak dira artzean Stellar, saio honetan mila aldiz entzun dugun Make Yourself edo jarraian entzun ahal izango dugun Pardon me.

4.- MORNING VIEW

Make Yourselfen nazioarteko arrakasta izugarriaren ondoren taldea bizkor hasi zen hurrengo diska grabatzen eta 2001eko urrian Morning View diskako lehen singela aurkeztu zuten.

Diska askoz helduagoa izan zen Morning View, landuagoa eta esan dezkaegu gaur egun duten soinura diska honetan iritsi zirela.

Gauzak ederki ari ziren ateratzen salmenta eta arraksatari dagokionean baina taldean arazo txiki batzuk garrantzia hartzen hasiak ziren.

Alex Katunich baxujolea ez zegoen gustora taldearen musika hartzen ari zen bidearekin eta taldea uztea erabaki zuen. Bere ordez, Ben Kenney sartu zen eta ez zuen gehiegi behar izan taldean ongi lan egite hasteko.

Horretaz gain, garai hauetan Mike Einziger, Jode Pasillas eta Ben Kenney proiektu paralelo batean lanean hasi ziren. Time Lapse Consortium da taldearen izena baina ez omen du talde izaerarik. Einzigerren hitzetan, lasaitasunerako terapia bat besterik ez omen da.

Morning View honetako dugu Wish You Where Here hau

5- A CROW LEFT OF THE MURDER

Baxujole berria erabat integratuta zutela, hurrengo diska grabatzen hasi ziren eta 2004ean A Crow Left Of The Murder argitaratu zuten.

Lehen singlea atzean dugun Megalomaniac izan zen eta nahikoa polemika sortu zuen bideoklipean Hitler eta Bush agertzen zirelako. Hala ere, taldekideei ez die polemika honek sekula lorik kendu.

Diska honekin bira europear berri bati ekin zioten eta tartean Donostiako Belodromoan izan ziren A Crow Left Of The Murder hau aurkezten. Kontzertu bikaina izan zen.

Diska honetako singleak aipatu dugun Megalomaniac, Talks Show On Mute eta A Crow Left Of The Murder izan ziren baina guk beste kantu bat aukeratu dugu lan hau hobeto ezagutzeko: Sick Sad Litle World.

6.- LIGHT GRANADES

2006an A Crow Left Of the Murder bira utzi eta gaur arte beraien estudioko azken lana dena prestatzen hasi ziren: Light Grenades

Diska honetan buelta bat gehiago eman zion Incubusek bere musikari eta konposizio zein doinu aldetik, are landuagoa bazen ere, hitzetan, A Crow Left or The Murderren agertzen hasi ziren jarrera batzuk nabarmenak izaten hasi ziren.

Diskaren izenburuak adibidez intentzio eta esanahi garbi bat ditu. Gure irudimena eta inteligentzia omen dira mundu honen gaitz guztiak apurtzeko dugun armarik garrantzitsuena eta horiek omen dira beraien azken lanari izena ematen dien argizko granada hauek.

Diska honetakoak dira atzean dugun Anna Molly edo jarraian entzungo dugun Oil and Water kantua

7.- MONUMENTS AND MELODIES

Diska honen ostean taldeak atseden bat hartzea erabaki zuen. Taldekideetako batzuk familia izan zuten eta denbora beste gauza batzuetan pasatzeko gogoa azaldu zuten. Brandon Boyd adibidez, artea ikasten hasi zen unibertsitatean eta Mike Einziger kitarjolea musika konposizioa ikasten hasi da.

Hala ere, bilduma bat argitaratzeko denbora bilatu zuten eta 2009an kaleratu zuten Monuments and Melodies.

Bi CDz osatutako lana da. Lehen konpaktuan beraien arrakasta handienak aurkitu ditzakegu bi kantu berrirekin batera. Diska irekitzen duen Black Heart Inertia eta isten duen Midnight Swin.

Bigarren konpaktuan aldiz bertsio eta rareza batzuez disfrutatzeko aukera izango dugu.

Monumets ad Melodies hau hobeto ezagutzeko lehen CDa irekitzen duen kantua aukeratu dugu: Black Heart Inertia

Ba horrelaxe amaitzen da gaurko Like A Rolling Stone tartea orain arte, Incubus taldeak ez duelako diska gehiago kaleratu.

Hala ere, ziur gaude hemedik gutxira beste diska batekin agertuko zaizkigula.

Bitartean, eta saio hau isteko, lehen aipatu dugun Time Lapse Conortium talde paraleloaren kantu batekin agurtuko gara. Bertan, Incubuseko taldekide guztiek hartzen dute parte Brandon Boyd kantariak ezik eta zuzeneko diska bakar bat dute.

Live At The Roxy Theatre horretakoa da Grimace hau.

Egia esa, ez dakit noiz demontre prestatu nuen post hau baina denbora gehiegi pasa da. Igande arratsaldeetan entzuteko hamaika disken ondoren, dantzarako hamaika diska gomendatu nahi nituen eta azkenean (gaur gogoratu naiz flickrrean sartzean), hementxe dituzue.

Hezurrak astintzeko hamaika diska!

1.- CHEMICAL BROTHERS - SURRENDER

Ez da agian kritikak gehien txalotutako diska baina bai taldea ezagutzen lagundu zidana eta horrek, beti laguntzen dio diskari gure bihotzean lekutxo bat lapurtzen.

Badira kantu hobeak beste diska batzuetan baina Hey Boy, Hey Girl handiak oroitzapen asko ekartzen dizkit eta horrek asko balio du.

2.- DELOREAN - AYRTON SENNA

Egia esan, gertuago gaude Subiza esku artean izatetik baina zerrenda hau osatu nuenean izugarri gozatzen ari nintzen Deli edo Moonson bezalako kantuekin.

Zalantzarik gabe, Euskal Herriko talderik handiena nazioarteko sonari dagokionean behintzat.

3.- FAT BOY SLIM - YOU'VE COME A LONG WAY BABY

Norman Cook handiaren diskarik borobilena. Ezagutzen ez baduzue ere, kantu gehieneta sentsazio mitiko hori izango duzue " Ah! Hau ere tipo honena da?".

Garai batean FIFAn jokatutakoak bazerete hare gehiago

4.- FAITHLESS - REVERENCE

Teknoa ez da nire eremu kontrolatuenetako bat baina ziur nago Faithelesek estilo honen jaiotzan dakidana baina garrantzia gehiago izan zuena. Milaka aldiz entzun ditut beraien kantuetako zatiak munduko DJ hoberenen kantuetan.

Lehen diska hau da agian gogoratuena (ezinbestekoa Imsomnia kantua) baina merezi du Forever Faithless bildumari errepaso bat ematea Faithless tekno soila baino gehiago dela konturatzeko (adibide bat).

5.- JAMIROQUAI - THE RETURN OF THE SPACE COWBOY

Dantza egiteko beste modu bat, alaiagoa, afroagoa baina gizon zuri txiki txapeldun baten ahotsean.

Oso zaila egiten zait diska batekin geratzea baina agian bat aukeratu beharko banu, hauxe.

6.- LCD SOUNDSYSTEM - SOUND OF SILVER

Zenbat parranda pasa ote ditugu Time To Get Away izugarri hori kantatzen Siskaaauskassssska. Ez saiatu ulertzen. Talde erabat gomendagarria.

7.- MENDETZ - MENDETZ

Aurreko urtean, Jazpana ostean, We Are Standard edo Deloreanetik tiraka ezagututako talde bartzelonarra. Diska izugarria dugu taldearen izen berbera daraman hauxe.

Dantza zein ohiurako latza. Lastima Souvenir diska berrian rock kutsua galdu duten... Hala ere, debut lan izugarria.

8.- RINOCEROSE - MUSIC KILLS ME

Hauetako talde asko irratiari esker ezagutu ditut gehixeago kareta edo kuñak egiteko altxor hutsa direlako.

Horren adibide dira Montpellierreko bikote hau. Goierri Irratia entzuten dutenei ezagun egingo zaizkie kantu bat baino gehiago.

9.- THE PRODIGY - THE FAT OF THE LAND 

Berriz ere nerabetasuneko oroitzapen ugari... Besterik gabe, diska honek oraindik ileak puntan jartzen dizkidan kantu bat baino gehiago ditu.

10.- WE ARE STANDARD - WE ARE STANDARD

Jazpana Fest Jaialdira ekarri genuen lehen talde handia. Horrekatik bakarrik beti izango dute lekutxo bat nire iPodean.

Horretaz gain, diska hau juerga hutsa da. Uhuhuhuuuu!

11.- THE BLUES BROTHERS - OST

Dantza egiteko beste modu bat ere badelako eta azken finean, horixe ateratzen zaidalako berrenetik.

Beti pentsatu dut 70. hamarkadan jaio eta beltza izan behar nuela...

Azken aldian dexente ibili naiz gaztelianazko blog ezberdinak irakurtzen (meneame bidez geienak) eta harrituta geratu naiz interneten dagoen modarik inozoenetariko batekin.

“Lehendabizi ni!” izena jarri diot (proposamenak onartzen ditut) eta bere funtsa hurrengoa da. Edozein blog post, youtubeko bideo, flickrreko argazki edo zer dakit nik publikatzean erantzuten lehena izatea (tontokeria dirudi ezta? Ba bai, tontakeria bat da…).

Kontua da, lasterketaren arrazoia ez dela argitaratutakoari erantzun on bat ematen edo osatzen lehena izatea baizik eta, soilik eta inozoki, lehena izatean (bai, nik ere ez dut ulertzen…). Lasterketa surrealista hauen ondorioz horrelakoak ikusi ditzakegu milaka web-guneetan: “Yo prime!!!!” Edo, “He sido el primero, no me lo puedo ni creer”. Edo, “Yo primero!!” jarri eta beste bat aurreratu zaiolako hurrengoan “Mierda te me has adelantado”. Edo okerragoa dena: “Segundo en comentar, no puedo con la emocion”.

Jendea asko aspertzen da, eta mota honetako jarrerak ez ditut sekula ulertuko. “Lehendabizi ni!" Modalitade honetako artaburuak egun osoa fake-ak salatzen pasatzen dutenen mailan jarri ditzakegu eta hauek guztiak, friki kategorian sartu ditzakegu.

Hala ere, hau idazte ari naizela burura etorri zait. Tontokeria honetaz idazten ari banaiz… Ez ote naiz ni frikia? Baaa, ez dut uste. Beno, hori beste baterako utziko dugu…