The Indezents bloga >>

Dagoeneko martxan da Imanol Aizpuru besaindarraren lehen exposizioa orain bost bat hilabete artearen munduan bizia bilatzera joan zen tipo bat besozabalik jaso zuen Bartzelona inguru hartan. Gure Imanol tipo handia da, sekula ezagutu dudan marrazkilaririk hoberena izateaz gain. Gainera, erabateko artista dugu Imanol, aura berezi bat duen tipo horietakoa, magikoa. Ezagutu bezain pronto konturatzen zara mundutik ankapunttetan pasatuko ez den horietakoa dela Imanol; marrazkilaria, musikaria eta lagun ona. Azken hauxe da hala ere harrotasunez gehien betetzen nauena; laguan dudala alegia, hori eta hogeitabost zerbeza ordubetean irensteko gai dela (importante).

Spurium talde beasaindarra Goierriko herrietatik hotsa ateratzen ibili zen garaian Imanol gure baterijolea zen, horrela ezagutu ginen. Ni segituan konturatu nintzen kantatzea ez zela nire punturik fuerteena baina de balde afaltzea eta barra librea izatea tentazio handiegiak ziren hamasei ureteko gazte batentzat. Imanol aldiz, krack bat zen, zen eta da. Gau egun Continuo Renacer talde def-metal-trash-jazz-fussion-progresive- ph neutro-arikitraun-ean jarraizten du jotzen eta egia esan nahiko ondo doazkie gauzak.

Kontua da, Imanolek Arte Ederrak ikasi zituela Bilbon eta bukatu bezain pronto (esateko modu bat, behar zuena baino urte bat gehiago behar izan zuen ;)), Bartzelonara joan zen ikasten jarraitu eta arte munduan bere lekutxoa egitera.

Unibertsoaren ekilibrioa justua delako, ez du gehiegi itxaron beharrik izan eta Urtarrilaren 12an ireki du bere lehen expoa den “Hola Barcelona”, Bartzelonako Almazen gune kulturalean (hauei ere zetak gustatzen zaizkie). Expoa Otsail bukaera-Martxo hasiera arte egongo da irekita beraz, Bartzelonatik pasa behar denak ezin dio hutsik egin Beasaindar artista honen lanak ikusteko aukerari.

Imanolen lanak leku ezberdinetan argitaratuak izan dira baina azkena, bat aipatzearren, The Balde aldizkariko harpidetza fitxa izan da .

Horretaz gain, joan den urteko Euskadiko Graffitti lehiaketako finalera iritsi zela ere esan beharra dago. Final hartan, sprayekin joan beharrean, pintura poto eta ixipuekin joan zen bakarra izan zen; ba horixe, artista bat.

Bartzelonak urrutiegi duenarentzat Imanolen marrazkiak bere flogean daude ikusgai (egin hemen klik). Hala ere, hementxe jartzen dizkitzuet bere marrazki batzuk. Marrazki hauek edozein leku alaitzeko balio dute, ez dadila gutxiago izan blog hau. Animo Manolete!!