The Indezents bloga >>

Joan den astelehenean (azaroak 17), hasi zen 2008ko Lekeitioko Euskal Zine eta Bideo Bilera (EZBB). Egun horretatik, euskal sortzaile ezberdinen lanak eman eta eman ari dira eta gaurkoan, guri tokatzen zaigu.

Azken Trena eta Xabiertxo aukeratuak izan dira eta gaur bertan botako dute Xabiertxo eta bihar, Azken Trena. Amateur kategorian argumentuzkoen artean izan dira aukeratuak biak eta egia esan, oso gustora gaude gure lana gure herritik kanpo ikusi behar dela jakitearekin.

Gainera, badut gogo berezi bat Xabiertxon agertzen den inor ezagutzen ez duen jendearen erreakzioa ikusteko orain arte, hori ezinezkoa izan baita. Xabiertxo sasi-dokumental bat da eta bertan garai batean desagertu zen gizon baten bizia ezagutzen dugu bera ezagutu, maitatu eta gorrotatu zutenen ahotik.

Historioa gezur handi bat da baina jendaurrean eskaini dugun bakoitzean ikusleek bertan agertzen den norbait ezagutzen zuten eta ezinezkoa egiten zitzaigun ziria sartzea. Beasainen beasaindarrak ezagutzen zituzten eta Arrasate eta Eskoriatzan bertakoak. Horregatik, irrika sentitzen dut gaurko emanaldiagatik eta benetan espero dut "k se lo koman kon patatas" horixe baita Xabiertxoren helburua. 

Xabiertxo sarera igotzeko egin beharreko moldaketak egiten ari naiz (29 minutukoa da) eta hurrengo astean blog honetan zintzilikatzeko moduan izango naiz. Bitartean, bihar Lekition eskainiko duten Azken Trenarekin konformatu beharko zarete.