Beste
batzuetan,
berriz,
nire
bizitza
bide
bazterrean zabortutako ametsen prozesioa da
aukera
galduen ilara luze herdoildua
prozesionari
sakabanatu eta noragaldua.
Gaur
bezalako gauetan
Ilargiaren
aurpegi menstrualak
horrela begiratzen didanean,
bihotzaren
taupadak
eztanda
inkontrolatuak dira,
eta
nire hanken trikuharritasun megalitikoa
gepardoen
ziztuaz blaitzen da.
Horrelakoetan,
pentsatzen
dut ezin dela
hutsa
hutsitu,
okerrenak
eman
gabeko urratsak direla,
eta
egin
ez ditudan akatsak
madarikatzen
ditut:
istripu
guztiek
bidaia
bat dute
euren
baitan.
Porrot
bakoitzaren
putzuan
makurtu
eta
isuritako
malko erreak
miazkatuko
nituzke,
arnasa
kometen
lehengai bihurtuta.
Badakit,
bai,
heriotza
etzaleku
abegikorregia
dela
nire
eldarnioetarako,
nire
ametsak
hegazti
migrariak direla,
baina
gaur
bezalako gauetan,
Ilargiaren
begiradak
nire
odola menstruatzen duenean,
gauza
naiz
lotuta
naukaten beldurren kateak urtzeko lurruntzeko
mututurik
naukaten izerdiak hozteko izozteko
balen
norabidea desbideratzeko
udazkenak
udaberritzeko
zulo
beltzak bonbillaz apaintzeko.
Berba
bitan:
maite zaitut
esateko.
Gaur
bezalako gauetan,
nire
odol ilargitsuaren
bor-bor
menstrualak
gainezka
egiten duenean.
Josu Uruburu
Idatzi artikulu bat