Debako mendi-lasterketa ere izan da gaur, 16,2 kilometroko proba gogorra. Debako udalak "Ekin euskaraz kirolari" ekimena jarri du martxan, eta hiru proba izango dira horren harira: gaurko mendi-lasterketa, uztailaren 19an igeriketa-zeharkaldia eta abenduaren 31n herri-lasterketa. Gaurko mendi-proban 805 metroko desnibela izan dute lasterkariek. Beroak asko gogortu du proba eta gogotik sufritu dute lasterkariek. 64 lagun izan dira guztira, eta Juanjo Igarzabal zumarragarra (1:22:17) eta Ismene Salegi debarra (2:05:52) izan dira azkarrenak. Jon Revert elgoibartarrak 5. egin du.
Orozkoko mendi-lasterketa izan zen atzo, ekainak 28. Partaideek 3034 metroko desnibel gogorra gainditu behar izan zuten 24 kilometroan. Walter Becerra sestaorrak (1:52:37) irabazi zuen proba eta Elgoibartik bi lagun izan genituen.
Gaur, ekainak 28, Torreauzko herri-lasterketa ere izan da, Oñatin. 106 lagunek hartu dute parte, 7,6 kilometroko lasterketan. Manu Hurtado beasaindarra (25:42) eta Isabel Ramos oñatiarra (33:04) izan dira garaileak. 6 elgoibartar izan dira bertan.
Lehia eta ikusmin ikaragarria izan dira aurten Nahaste Borrasteko protagonistak. Ikusleek ere bikain erantzun diote probari eta arrakastatsua izan da berriro Kimetz elkartearen lasterketa.
David Condek irabazi du triatloia, bizikletan galdutako postuak korrika aurreratuz. Atzetik orpoz orpo izan ditu Ibon Gabilondo eta Iñigo Lariz, baina Sigmakoak txapela eta errekorra eraman ditu aurten.
51 lagun bildu dira Nahaste Borrasten, eta emakumerik ez. Nik neuk lanagatik egin dut kale aurten.
3,8 kilometroan 1092 metroko desnibela egin zuten atzo, ekainak 21, Anbotoko II. kilometro bertikaleko korrikalariek. Zinez da proba zaila, eta 168 mutilek eta 18 neskak amaitu dute aurten. Zago Didier izan zen azkarrena (38:36) eta nesketan Oihana Kortazar elgetarrak (49:41) beste garaipen bat erdietsi zuen aurtengo denboraldirako. 2 elgoibartar izan ziren lehian.
Larunbatean, ekainak 20, zikloturisten tourra korritu zen Sabiñanigon: Quebrantahuesos handia. 7220 lagunek amaitu zuten proba eta guztietan Angel Vazquez txirrindularia izan zen azkarrena (5:43:35). Txirrindulariek Portalet, Somport eta Marie Blanque mendateak igaro zituzten 205 kilometroko ibilbide gogorrean eta aurten ere festa handia izan da proba. Elgoibartarretan Ibon Gabilondo triatleta izan da azkarrena eta nesketan Koro Gabiolak oso denbora ona egin du. Zorionak guztioi!
POSTUA IZENA DENBORA 69 Ibon Gabilondo 6:10:36 255 Carlos Rodriguez 6:24:28 519 Gorka de la Horra 6:35:07 538 Gorka Gonzalez 6:35:54 558 Jonatan Romera 6:36:31 761 Aitor Romera 6:43:47 1398 Aitor Loidi 7:01:02 1586 Alberto Mugika 7:05:32 1601 Javier San Andres 7:05:43 2415 Iñaki Intza 7:24:05 2626 Jon Urbieta 7:29:31 2648 Andoitz Agirregomezkorta 7:29:53 2875 Juan Carlos Urbizu 7:35:39 2892 Alberto Seijas 7:36:04 3154 Josu Mendikute 7:42:44 4222 Koro Gabiola 8:09:19 4221 Iñaki Iraola 8:09:19 4720 Iker Amutxastegi 8:23:22 4744 Iñigo Iturbe 8:24:13 4882 Mikel Gabilondo 8:28:52 5887 Ricardo Huidobro 9:06:19 6801 Martin Bernedo 10:05:30
Urtero bezala, atzo izan zen Euskadiko Triatloi Zirkuituko triatloi sprint (750-22-5) nagusia; Lekeitioko triatloia. Giro aparta eta partaidetza ikaragarria izan zen, 50etik gora neska eta 400 mutil inguru. Mikel Elgezabalek garesti zeukan garaipena baina uretan galdutako postuak bizikletan berreskuratu eta jaun eta jabe izan zen berriro. Nesketan, Ainhoa Murua olinpikoak ez zuen areriorik izan, eta bera izan zen probaren hasieratik onena. Urgaziko bi kide izan dira aurten, Mikel Calvo eta Iker Aranzibia. Pena handiz baina aurten kale egin dut, dortsala izanagatik gorputzak atsedena eskatu dit. Datorren urtean, berriro seguru!
Atzo, ekainak 14, Gipuzkoako Triatloi Sprina (750-20-5) izan zen, Donostian, Hondarretako hondartzan. 278 mutil eta 51 neskak amaitu genuen proba, eta jendetza handia bildu zen ikusten ere. Zarauzko probaren ondoren izanagatik, larunbateko jende askok hartu zuen parte mutiletan, eta nesketan, berriz, Zarautzen horrenbeste bildu ez zirenez, aurten lehia estua izan da. Aritz Egeak (1:00:31) irabazi zuen proba eta nesketan Irati Etxaburu (1:04:00) izan zen garaile. Aritzek gainera, Zarautzen 14. egin zuen bezperan, ikaragarria!
Elgoibartik ni neu bakarrik. Lehengo urtean sentsazio berezia geratu zitzaidan Hondarretako triatloian, eta atzo baieztatu zidaten: uretan 750 metro baino gutxiago izan ziren, bai horixe! izan ere, atzo bai, atzo 750 izan ziren, eta nabaritu genuen azken denboretan. Lekeitiokoa eta Debakoa ez bezala, atzokoa ez zen niretzat egokia, bizikletan ez baitago mendaterik eta beraz, uretan galdutako denbora serie luze batean berreskuratzen saiatu nahi nuen. Azkenean, bizikletan 35-36 km/h batez bestekoa egin ostean, 10 bat postu aurreratu nituen. Ondoren, 5 kilometroan ere sorpresa hartu nuen 2-3 neska aurreratuta.
Azkenean pozik, 15 egunez oporretan egon ostean, entrenamenduen martxa apur bat etenda, oso sentsazio onekin amaitu nuen.
Mila esker animoak ematera etorri zineten guztiei!
Atzo, ekainak 13, Zarauzko triatloi handia jokatu zen. Emakumeen Birako etapa Elgoibarren hasi eta amaitzen zela eta, biak uztartzea zaila zen, baina merezi izan du. Neskak ikusi eta ziztuan joan gara Zarautzera. Hau sorpresa Aiara iritsi garenean, oraindik ez da inor bertatik igaro! Eneko eta Hektor Llanos elkarrekin atera dira uretatik eta bizikletan ere elkarrekin egin dute ibilbidea. Atzetik, Mikel Elgezabal indartsu dator, minutu eta 10 segundora, igerian galdutako 3 minutuen tartea pixkanaka laburtzen. Nesketan, berriz, lehia handirik ez. Ainhoa Murua olinpiko handiak 10 minutuko errenta dauka bigarrenarekiko, bai uretatik aterata, bai Aiako mendatean gora bizikletan ere. Lehen 40 lagunak bizikletan igaro direnean arrapaladan jaitsi gara herrira. 20 kilometro luze dituzte korrika egiteko, baina lehenengoek ziztuan egiten dituzte, eta ezin Aian amaierara arte geratu. Eta azkenean gure aurreikuspenak bete egin dira! Hektor atzean utzi du Eneko anaiak, eta Mikel Elgezabalek aurrea hartu dio azken kilometroetan! Ikaragarria. Enekok lehengo urteko denbora baino minutu bat gehiago behar izan du, eta handik minutu batera sartu dira anaia eta Elgezabal. Lehia bizia benetan. 391 lagun guztira eta lehen 20 postuetan izen ezagun asko.
Nesketan, berriz, Ainhoa Muruak 4 ordu eta 31 minutu behar izan ditu, aise eta bakar-bakarrik helmugaratu da. Ondoren behea jo du, esfortzuak gain hartuta, baina merezi izan du. 6 minutura sartu da Martina Dogana eta hirugarren, 13 minutura, Ana Casares. Nafarrak badaki zer den Zarautzen irabaztea baina aurtengoan gogorra izan da lasterketa.
Elgoibartarrik ez da izan aurten Zarautzen, baina bailarako hainbat eta hainbat ezagun bai. Hona hemen horietako batzuen denborak:
Postua
Izena
Denbora
34
Igon Mancisidor
4:28:45
53
Joseba Mikel Agote
4:33:28
71
Iñigo Agirre
4:39:18
194
Josu Gisasola
5:00:41
199
Alejandro Altuna
5:01:02
Berriro ere, handietan handiena Zarauzko triatloia. 65 urtetik gorako lehiakid dexente, eta ikusle geundenok, aurten ere, oilo-larruari eutsi ezinik. Zorionak denoi!
Bizikletan, korrika eta igerian. Halaxe ibiltzen gara gehienetan. Urgazi Triatloi Taldearen bloga duzu hau, gustuko ditugun kirolei eta taldeari buruzko informazioa jasotzeko txokoa. Ez dira bazter geratuko hala ere, triatloiaz gain, bestelako lasterketak ere. Artxibategian makina bat kontu aurkituko duzu.
