Urgazi Triatloi Taldea

Ekainaren 6an Aramotz mendi-lasterketa izan da Zornotzan. 26,5 kilometroko ibilbidea eta tartean 3.200 metroko desnibela. Leungane gainetik igaro ziren lasterkariak (1.006m), eta guztira 174 lagun izan ziren. Tartean Josu Mendikute Azkue elgoibartarra.

Postua	Izena	Denbora
126	Josu Mendikute	3:43:04

Sailkapen osoa: http://www.herrikrossa.com/clasificacion_aramotz.htm

Iñigo Larizek irabazi du aurtengo Nahaste Borraste lasterketa. Gogotsu zegoela esan zidan aurretik. Esan eta egin. 7 km bizikletan, plazatik irten eta lehertzeko moduko abiaduran. Ondoren, 500 metro 25 kg-ko hareazko zakua bizkarrean hartuta eta azkenik, 3 km inguru korrika. Hasi eta amaitu, lasterketa itogarria. Martin Dominguezek proba gogor honetan ezarritako marka (18:35) ez du inork usaindu azken urteetan baina Larizek ondu egin du aurten: 18 minutu eta 33 segundo.
 
Jose Antoni Ruiz eta David Conde izan dira bigarren eta hirugarren, hurrenez hurren. Bi neskak hartu dute parte eta 44 lagunek guztira.
 

Sailkapenaren zati bat:

1. Iñigo Lariz	18:35'
2. Jose Antonio Ruiz	18:41
3. David Conde	18:50
4. Jon Revert	19:05
5. Martin Dominguez	20:02
6. Gorka Iriondo	20:17
7. Josu Artetxe	20:26
8. Javier Fernandez	20:30
9. Beñat Zafra	20:44
10. Iker Leonardo	20:48
11. Ainhoa Lendinez	20:55
12. Iñai Ulazia	21:06
13. Alberto Zelaia	21:19
14. Ignacio Perez	21:19
15. Jesus M. Agirretxe	21:19

Honi lotutako berriak: http://www.elgoibarren.net/content/view/1069/1/
http://www.diariovasco.com/20080628/bajo-deba/bodas-plata-20080628.html
http://www.elcorreodigital.com/vizcaya/20080701/guipuzcoa/gran-participacion-buenos-tiempos-20080701.html

Urtero bezala, eguzkipean egin dituzte ekainaren 29an 115 km ehunka "byker" zorok Bardeetako paraje ederrean. 16,5 km goraka, 9 sakan eta 1240 metroko desnibela. Gogorra da gero Extreme-Bardenas lasterketa. Guztira 20 elgoibartar izan ziren:

Izena	Denbora
1. Aritz Sorazu	5:51
2.Iñaki Ulazia	6:00
3.Ibon Serrano	6:00
4. Zigor Azkoaga	6:14
5. Andoni Etxeberria	6:15
6. Jesús Gomez	6:27
7. Ernesto Ezenarro	6:23
8. Unai Uzkudun	6:25
9. Jesús Gomez	6:27
10. Iñigo Iturbe	6:28
11. Ramon Mugica	6:30
12. Roberto Garcia	6:33
13. Adolfo Martin	6:35
14. Asier Lasuen	6:49
15. Unai Arakistain	6:53
16. Ion Bastida	7:00
17. Iker Araujo	7:04
18. Gotzon Arrieta	8:12
19. Aitor Salaberria	8:30
20. Antxon Etxaniz	-----

Ekainaren 29an Camille Extrem lasterketa korritu zen Izaban. Mendi lasterketa gogor hau, Izaban hasi eta bertan amaitzen da, baina tartean Ezkaurre tontor garaia (2047 m) igotzen dute lasterkariek. 31 km eta 400 metroko ibilbide gogorra,  3.900 metroko desnibel metatua. 183 lagun izan ziren guztira, eta Josu Mendikute Azkue elgoibartarra tartean. 110. postuan sailkatu zen.

Sailkapen osoa: http://www.herrikrossa.com/clasificacion_camille_extrem.htm

39 mutil eta 4 neska bildu ziren Azpeitiko Sanjuandegi krosean, ekainaren 29an. Bi elgoibartar izan ziren tartean:

Postua	Izena	Denbora
22	Aitor Osoro	1:06:57
39	Txema Elustondo	1:33:07

Sailkapen osoa: http://www.herrikrossa.com/clasificacion_sanjoandegiko.htm

51 neskak eta 319 mutilek hartu dute parte Euskal Herriko zirkuituko triatloi gogor eta politenean. Lekeitioko probak aurten ere ez du huts egin eta marka guztiak hautsi ditu. Bero sargoria, hondartza jendez gainezka eta ikuskizun paregabea.


 
Emakumezkoetan Ana Casares eta Zuriñe Rodriguez triatleta handiak ziren faborito. Mutiletan, berriz, Jaimie Rhodes australiarra, Jon Unanue zarauztarra eta Mikel Elgezabal bizkaitarra. Eta ohi bezala, aurreikuspen guztiak bete dira. Zuriñe Rodriguez (1:13:13) eta Jaimie Rhodes (1:02.51) izan dira garaile.


Elgoibartik hiru lagun joan gara aurten, Imanol Rodriguez, Javi Fernandez eta ni neu, Ainhoa Lendinez. Imanol erori egin da lehen trantsizioan eta bertan behera utzi behar izan du lasterketa.

Javi Fernandezek oso lasterketa ona egin du, beroa etsai handia du eta ongi egin dio aurre (1:21:41).



Ni neu beldurtuta nengoen igerian egiteko, eta egiari zor, urtetik urtera Lekeitioko faroa urrutiago dagoela iruditzen zait. Baina atera naiz uretatik, 20. postuan, eta nire harridurarako, Ana Casares 19. atera da!

 

Bizikleta hartu eta orduan hasi naiz benetan gozatzen. 22 kilometroko ibilbide aldapatsua, Milloi mendatea bitan igotzeko, aproposa da niretzat. Postu batzuk aurreratu eta lau laguneko taldean iritsi gara azken korrikaldiari ekiteko.



Baina profesionalak ez garen seinale, anekdota txiki bat izan dut gaur: korrika egiteko zapatilak ez neuzkan prest! poltsatik atera gabe nituen! Ondorioz, nire laukotea galdu dut: Irati Etxaburu, Gurutze Frades eta Cristina Zurbitu.



Bizikletan erreleboak eman dizkiogu elkarri eta haiei eusteko gai nintzen ikusi nahi nuen korrika baina zapatilak atera ditudanerako korrika ziren hirurak. Azkenean, 7., 8., 9. eta ni 10. Oso pozik, batez ere lehengo urtekoa 4 minutu hobetu dudalako (1:20:04). Harrituta nago, nekatuta ere bai, urte osoan entrenatzen ari garelako, baina batez ere ikaragarri pozik.



Triatloia kirol gogorra da, zaila, gorabeheratsua, baina ikaragarria, kirolari baten gorputz osoa neurtzeko aproposa. Gaur ere hainbat oihu egin didate ibilbide osoan zehar, Milloiko gainean, bidean, korrikaldiko saioan... eskerrik asko guztioi!

Neskak:

Postua	Izena	Denbora	Igerian	Bizikletan	Korrika
1	Zuriñe Rodriguez	1:13:13	12:10	43:12	17:51
2	Ana Casares	1:14:31	14:08	42:46	17:37
3	Estefania Gomez	1:14:44	12:25	43:31	18:48
10	Ainhoa Lendinez	1:20:04	14:35	45:29	20:00

Sailkapen osoa: http://www.triatloi.org/clasificaciones2008/lekeitio_archivos/femenina.pdf

Mutilak:

Postua	Izena	Denbora	Igerian	Bizikletan	Korrika
1	Jaimie Rhodes	1:02:51	9:43	36:32	16:36
2	Jose Manuel Tovar	1:02:59	10:10	37:28	15:21
3	Jon Unanue	1:03:15	10:09	37:32	15:34
205	Javi Fernandez	1:21:41	15:07	46:05	20:29

Sailkapen osoa: http://www.triatloi.org/clasificaciones2008/lekeitio_archivos/MASCULINA.pdf

Gaur, ekainak 22, Atleta osoa lasterketa izan da Hernanin. Lasterketa berezi honetan, 5,4 kilometroko zirkuitu bati bi buelta ematen dizkiote korrikalariek. 25 kg-ko zaku bat hartu eta 6 aldiz altxatzen dute sorbalda gainera, 5,3 km korrika (tartean Urumea ibaiaren 100 m zeharkatuz) eta azkenik, 5,4 km egiten dituzte bizikletan. Guztira, 16,2 km bizikletan eta 5,8 km korrika.

Nabari da Elgoibarko Nahaste Borraste proba asteon izango dela, Atleta osoa proba gogor honetan Nahaste Borrasteko espezialista eta Urgaziko kide Martin Dominguez izan baita. 36 lagun bildu dira aurten eta Martin 8. izan da. Irabazlea ere Urgaziko kide ohi bat izan da: Alexander Agirretxe.

Postua	Izena	Denbora
1	Alexander Agirretxe	47:13
8	Martin Dominguez	50:59

Sailkapen osoa: http://www.herrikrossa.com/clasificacion_atleta_osoa.htm

2 elgoibartar izan ziren Irati Extrem martxa zikloturista ezagunean. Ekainaren 16an, 128 km inguru egin zituzte Iratiko paraje ederrean hainbat lagunek. Otsagabian hasi eta amaitu zen lasterketa, eta tartean hainbat mendate gogor igo zituzten txirrindulariek: Jaurrieta, Erremendia, Abaurreagaina, Irati eta Larrau handia, besteak beste. Horrez gain, Larrauko 11,8 km-ko kronoigoeran parte hartu zuten 358 korrikalarik, tartean bi elgoibartarrek:

Postua	Izena	Denbora
16	Iñigo Ortuoste	52:54
112	Jorge Gonzalez	1:07:17

Hauek dira Larrauko gain gogorraren ezaugarriak:
Garaiera: 1579 m
Luzera: 11,8 km
Desnibela: 944 m
Batez besteko malda: %8
Koefizientea: 297
Sailkapen osoa: http://www.iratixtrem.com/generalcrono_3.htm
Argazkiak: http://www.fotosr.com/lista_colecciones.php?page=1&col=518

Ekainaren 15ean, igandea, Gipuzkoako triatloi sprina (750-20-5) jokatu zen Donostian. Zarauzko triatloi handia larunbatean bezperan izaten denez, Gipuzkoako triatloiak maila apalagoa izaten du. Hala ere, mugaz bestaldeko triatletak eta Euskal Herriko beste makina bat bildu dira aurten ere.

Hondarretako hondartzatik atera eta 750 m igerian egin ostean, Usurbileraino 20 km bizikletan eta azkenik, Kontxako badia ikusgarrian 5 km korrika. 230 mutilek amaitu zuten proba eta lehia estua izan zen buruan zihoazenen artean. Azkenik, Jaimie Rhodes australiarra gailendu zen korrikaldian, eta denbora paregabean amaitu zuen proba: 57 minutu eta 6 segundo. Nesketan 39 lagun atera ginen eta Nuria Blanco madrildarra izan zen azkarrena (1:06:33).

Lasterketa hasierako bideoa:


Elgoibartar bakarra ni neu, Ainhoa Lendinez. Beti bezala ikaratuta atera nintzen igeri egitera, hori baita nire kirol ahulena, baina egia esan, atzokoan disfrutatu ere egin nuen nolabait. Ura bare-bare zegoen eta mutilekin atera ginen arren, lekutxoa egin eta aurrera. Bizikletan arnasa hartzeko astirik gabe uretan galdutako zenbait postu aurreratzen saiatu nintzen, baina 20 km oso tarte txikia da sailkapenean aurrera egiteko. Korrikaldian ere hortzak estutu eta azkenean, 7. postuan sartu nintzen Hondarretan.

Lekeitioko nazioartekoa ate joka dugu eta garrantzitsua zen atzokoa, indarrak nola dauden ikusteko. Familiakoak, lankideak, lagunak... babes-talde handia atzo ere Donostiako proban. Eskerrik asko guztioi!

Mutilak:

Postua	Izena	Denbora
1	Jaimie Rhodes	57:06
2	Peru Alfaro	57:12
3	Iñigo Eizagirre	57:25

Sailkapen osoa: http://www.triatloi.org/clasificaciones2008/gipuzkoa_archivos/MASCULINA.pdf

Neskak:

Postua	Izena	Denbora
1	Nuria Blanco	1:06:33
2	Judit Saizar	1:07:00
3	Irati Etxaburu	1:07:25

Postua	Izena	Denbora
7	Ainhoa Lendinez	1:11:11
Igerian	Bizikletan	Korrika
12:35	38:49	19:47

Sailkapen osoa: http://www.triatloi.org/clasificaciones2008/gipuzkoa_archivos/datos.html

Euskaldunak beti izan dira apustuzaleak eta aspaldiko erronka bati erantzuna emateko 1987an sortu zen Euskal Herriko mendi martxa nagusia: Hiru Handiak famatua, alegia. Bi urtez behin, gure herrialdeko hiru mendi garaienak lotzen dituzte mendizaleek, 24 orduko denbora-mugan.

Ostiralean, gaueko 12:00etan atera ziren mendizaleak Zalduondotik. Aizkorri, Anboto eta Gorbeia igarota, Otxandion amaitu zuten lasterketa larunbatean. 100 km mendiz mendi oinez, eta 9000 metroko desnibela.

Zalduondotik irten eta Aizkorriko gaina hartu zuten lehenengo. Urkillako eta Elgeako mendi-lerrotik igaro eta Ventrafrian lehen anoa-postua izan zuten. Ondoren, Jarindo eta Orixol mendietara jo zuten, Ipizteko magaletik Anboto gainera. Beherakoan Urkiolatik Otxandiora. Gorbea igo eta berriz ere Otxandiora.

33 emakumek eta 605 gizonek amaitu dute aurten. Elgoibartarrik ere izan da tartean: Joseba Elustondok eta Jon Ulibarrik, esaterako, 21 ordu pasatxo behar izan zituzten. Aurki emango ditugu horien guztien denborak eta sailkapenak. Mendi martxan Jone Pelaez (17:05:38) nesketan eta Jose Luis Albizuri joan den urteko garailea gizonezkoetan (11:57:11) izan dira azkarrenak.
Sailkapen osoa: http://www.manueliradier.com/hh/hh08/hh2008.pdf