zapata azpietan ibiltari dabilen fresazko txikleari

Txikleak beraien izaera jostakorrari heziak jartzen dizkieten plastikozko kaioletan jaio dira. Behin askaturik, beste kaiola heze eta zikin batean sartzeko non nahieran mamurtu eta desitxuratu ostean, munstro batek beraien gozotasun eta magia guztia zurrupatu ta gero, bustirik eta zaharturik, kale gorrian uzten dituzten beste munstro izugarri mugikor batek, humilazioarekin jarraitzeko, zapaltzeko. Eta berriro zapaldu. Eta beste behin zapaldu. Eta... Nire hagin, mihi, listu, dastamen guruin zein zapatazpiek maltrataturiko txikleentzako bloga da hau. Neure burua identifikaturik sentitzen baita nonbait. Munduari egiten ari gatzaiona ez baita txikle gozoei egiten diegunaren oso desberdina. Gizartea ere, mounstroren baten aho barnean dagoen susmoa baitaukat. Orain bai, eta orain ere, zaporea, magia, gozotasuna,naturaltasuna... galtzen dabilelarik. Gitxika geztuz, gitxika gristuz.