Baretutako otso bat

Aurreko ostiralean Donostian gertatutakoa dagoeneko ezaguna zaigularik, txiripaz bertan gertatutako gauza baten berri izan dut eta larria oso: ertzain bat bostekoa ematen Falangeko beterano bati.


Aurrera doan herria.

Berria eta argazkia urriaren 13ko Diario Vascon azaldu ziren.

Ertzaina den tipo horrek egindakoa OSO larria da. Ertzaintzarekiko, instituzio bezala hartua,  eta bere uniformearekiko iraintzat hartzen dut agente horrek egindakoa, are eta gehiago, bere jarrera auzo lotsa sorrarazteaz gain EZ DUT ONARTZEN.

Ertzaina den tipo horrek mundu guztiaren aurrean duintasunik ez duela agerian utzi du eta ridikuluan utzi ditu kide den instituzioa eta uniformea. Tipo horrek Falange zer den ez al daki? 1936/37 urteetan bata eta bestea zein lekutan zeuden ez al daki? Edo badaki eta ez zaio ajola? Susmoa dut azkeneko hau izango dela.

Herrizaingo Sailak bere kideen artean garbiketa sakona egin behar du. Azkenaldi honetan bere jarduerak herritarrekiko irudi penagarria erakusten ari da eta gizartearengan Ertzaintzarekiko mesfidantza punttu bat somatzen hasten hasi da eta hori arriskutsua da oso. Perzepzio hori gizartean hedatzen hasten bada, azti ibili daitezela Herrizaingo Sailean.

Porzierto, oraindik esan ez badut ere, ni herritar soil bezala ertzaina den tipo hori Ertzaintzatik kaleratzea eskatu eta EXIJITZEN DUT.

Bitartean, Siniestrillas eta bere akolitoei Donostiako jugada bikain atera zitzaien: Ziskoa Euskal Herrian sortu, euskaldunak beraien artean mokoka jarri eta beraiek pozaz txoratzen Espainiako bidean. Euskaldunok guregan ohikoa dugun ergelkeria beste behin agerian utzi genuen.

     

...TSJPVren erantzunkizuna gertakari guzti hauetan beste baterako utziko dut, gartzelara joateko asmorik ez baidut.


Urriaren 15eko eguneraketa: Izaronews-en ere aipamena egiten diote "affaire" honi.

Urriaren 16ko eguneraketa: Sustatuko lagunek blog hau portadan jarriaz aipamena egiten diote berriari.