Baretutako otso bat

Bale, bale... aurreko batean hauteskundeei kaso gehiago ez niela  egingo agindu nuen baina Sustatuk publikatu duen berri baten ildotik hauteskundeen aurretik egingo dudan azkeneko posta jartzen dut blogean.

Aurreko asteazken arratsaldean Barakaldoko IKEAn lagun batekin batera buelta bat ematen jardun nintzelarik, kanpokaldean lurrean botata azpikaldeko argazkietan agertzen den Patxi Lopezen triptikoa ikusi eta etxera ekarri nuen.


Argazkiak.org | Patxi Lopezen propaganda 02 © cc-by-sa: xa2


Argazkiak.org | Patxi Lopezen propaganda 01. © cc-by-sa: xa2

Portugaleteko PSOEk Patxiren irudia goraipatzeko laudorioz beteriko triptiko bat baino ez da, bertan ez dezute PSOEren programa politikoaren aipamenik aurkituko, Patxi, Patxi eta Patxi baino ez.

Hala ere, triptikoan aurkitu dudan gauzik bizarroena azpikaldeko argazkian agertzen den testu hau da:

"El amor a nuestra tierra le lleva a participar activamente en la vida social y cultural de Portugalete, como miembro de su grupo de danzas y su "cuadrilla" de toda la vida. "Nunca falta a la Virgen de la Guía"

Geure lurrarenganako maitasunak Portugaleteko gizarte eta kultur jardueretan aktiboki parte hartzera bultzatu du, bai dantza-taldeko kide izanez zein bizi osoko koadrilarekin egonez. "Inoiz ez du huts egin Gidako Ama Birjinaren jaira"

WTF!!! Nunca falta a la Virgen de la Guía??? Gidako Ama Birjina??!!! Ez ginen geratu PSOE alderdi laikoa zela?


Argazkiak.org | Patxi Lopezen propaganda 03 © cc-by-sa: xa2

Buffff... "dantzaria", herriko ospakizun erlijiosoetara ez du hutsik egiten...

Triptiko hau ere, Lazkaoko Beneditiarren artxiboko Juan Jose Agirreri eramango diot azken aste hauetan jaso ditudan paper eta kartelekin batera.