Gaurkoan iphone-ren inguruko hiruzpalauboseizazpi (horrela zioen lagun batek) gauza azalduko ditut klasean garatuko dugun blog honetan. Aski ezaguna egin den mugikorrak gauzak asko erraztu dizkit azken urte erdian. Gehienbat ikus-entzunezko desberdinak, izan argazki, bideo edo soinu, lagunei edo modu profesional batean erakusteko orduan, eta internetak berak ematen dituen aukerak ikusita.

Hala ere, iphone-ri buruz hitz egin baino, mugikorraren edo Apple etxearen inguruan dauden atariak aipatuko ditut. Zurrumurruak, albisteak eta ikerketak burutzen dira blog eta atari hauetan, eta negozio bilakatu dira jende askorentzat. Azalduko ditudan atariak, denak, gazteleraz daude, zailtasunak baititut ingelesezko atariak bereganatzeko. Goazen beraz, iphonea eta Apple gehiago ezagutzera.

Lehenengo ataria Applesfera da, Apple-en inguruan gaztelerez dagoen ataririk esanguratsuena dela esan genezake. Egunero sartzen da sarrera bat edo gehiago eta bertan. Apple-en software-aren inguruan hitz egiteaz gain, beste dispositibo batzuen inguruan ere hitz egiten da; ipod, iphone, macbook, imac... Oso interesgarria den orrialdea, duda gabe. Apple-en inguruko beste blog famatu bat Macuarium da, baina egia esan azkenaldian zaharkitua gelditzen ari da.

Iphone-an murgilduta, zenbait orrialde aipatuko dizkizuet jarraian. Iphonizados Arrasateko lagun baten eta katalan batek eginiko orrialde da eta bertan modu xumean iphonenaren inguruko albiste eta zurrumurruak azaltzen dituzte. Agian ezagunena den iphoneari buruzko ataria Iphoneros da. Egunero berritzen duten ataria eta oso modua sinplean gauzak azaltzen dutena. ActualidadIphone berriz handitzen ari den ataria da. Azken honek ere askok erabiltzen dituzten zozketak burutzen dituzte, horrela iruzkinak bereganatuz. PlanetaIphone beste bat gehiago da, askotan beste orrialdeetako artikuluak erasteko fama duen ataria. Iphonefan-ek eskaintzen duen gauzarik interesgarriena bere irudia da, erantsitako artikulukoak iphone handi baten barruan baitaude. Irudia zaindua dago beraz, eta hori asko eskertu ohi du macero batek. Azken ataria Esferaiphone da eta esan berau dela denetan gustukoen dudana, izan ere bertan aplikazio berriei zuzendutako tartea dago, oso erabilgarria duda gabe.

Harrituta nago azken aldian Euskal Herrian musikaz gozatzeko ditugun aukerak ikusita. Bertakoak nahikoa ez izanda (maila benetan altua dugu etxean), azkenaldian kanpoko taldeek Euskal Herrira etortzeko duten joera benetan adierazgarria da. Atzerrikoak izateak baino taldeen izenak harritzen naute. Izen handiko taldeak dira, mundu osoan zehar ezagunak diren taldeak. Adibidez nagusiak aste bukaera honetan BBK Live Festivalen barruan Kobetamendiko zelaian jo duten R.E.M, Lenny Kravitz, The Police edo Morcheeba. Argi dago talde hauek Euskal Herrian jotzeko nahia baino diruak bultzatuta etortzen direla hona.

Izan ere Bilbon diru ugari utzi da musika talde hauek ekartzeko. Aipatutakoez gain, Kobetasonik izenpean  KISS edo Judas Prist bezalako taldeek jotzea ere benetan harritzekoa da. BBK-k diru ugari utzi du talde hauek Euskal Herrira ekartzeko. Diru hau orain bi urte Bilboko kaleetan egin zen Formula 3000-ko lasterketako bigarren edizioa ez burutzean, musikan gastatzea erabaki zen. Bilboko kasuaz gain, aipagarri Donostian Bruce Springsteen edo Rolling Stones bezalako taldeak jotzea. Benetan garestiak diren taldeak dira, sustatzaile desberdinek beraiengatik asko borrokatzen duten taldeak. Hiri handiez gain, herriko jaietan ere udaletxean diru mordoxka bat gastatzen ari dira erdi mailan dauden talde internazionalak ekartzeko. Diru kantitate ez oso handi batekin herria bera salduko duen musika talde bat ekartzea ez da horren zaila gaur egun.

Musika talde handiak ekartzeko joera honen aurrean kritiko azaltzen denik ere badago, etxekoa ahazten dugula kexu eginez. Modu batera arrazoi dutela uste dut, baina era berean joera hau tarte txiki batean biziko dugula uste dut, ez baita erreza maila hau mantentzea.

Larunbat goizetik igande goizera bitartean 24 orduko futbito txapelketa ospatu da Arrasateko Uarkape pilotalekuan Ino udaletxera itzultzeko aldarrikapena jarraituz. Guztira 27 taldek izena eman dute, denak Arrasatekoak. Koadrilakook taldea atera eta bertan parte hartzera animatu gara. Gaur goizean bukatu da txapelketako ibilbidea, final-erdietan alegia. Azken partidua Pantumaka izeneko taldearen aurka galdu dugu 10-5. Azken partiduak oso gogorrak izan dira eta azken hau ez da izan salbuespen. Atezaina jokalari lesionatua, atzelari gabe eta partiduan zehar minutu bakar bat deskantsatzeko aukera gabe, borroka egin dugu gorputzak zituen indar apurrak xahutu arte.

Txapelketa Arenkes de Kuku (argazkian urdinez) taldeak irabazi du, bigarren urtez jarraian. Hala ere ez dut uste txapelketaren esentzian murgildu direnik. 24 ordu jarraian izanaz, batzuk gauerdian izan dute partidua eta hurrengoa goizeko 8etan. Tarte horretan lo egitera joan da talde osoa, kanporaketetan geunden talde asko edo frontoian bertan edo tabernetan geundenean. Modu batera, abantailekin jokatu dutela esan genezake. Guk ordean izan genezaken ordutegirik txarrena izan dugu, izan ere azken lau partiduak gaueko 10etan, goizeko 4etan, goizeko 9etan eta 11etan jokatu ditugu. Gorputza hoztu eta horren jokalari gutxi izanda, taldeak asko sufritu du.

Gorputza horrenbeste derrigortzeak bere ondorioak dakartza eta gaur taldekidekoak ditugun axubetak benetan handiak dira. Oinazpiak eta hankak orokorrean asko sufritu dute.

Hala ere, esan bezala, esperientzia oso polita izan da eta taldekideok egindakoarekin oso pozik gaude. Benetan harro.

Komunikazioa eta informazioaren munduak aldaera handia izan du azken urteetan. Teknologia berriek asko erraztu du informazioan ari diren langileen lana. Kazetaria da efektu honen ondorioak zuzenean ezagutu dituen indibiduoa. Egunkarietan lan egiten duten kazetarien pertsonala gutxitu egin da nabarmen azken hamarkadan. Egunkariak ez dira lehen bezalaxe saltzen eta editorialek saltzeko beste aukera batzuk ikusi behar izaten dute. Interneten papera kontu honetan oso garrantzitsua da. Informazio digitala errealitate bat da gaur egun eta generazio gazteenen artean gero eta erantzun handiago izaten ari da.

Ez dut inolako dudarik, etorkizunean euskarri honetan informatuko garela esaterakoan. Egunkariez gain, gaur egun telebistak duen formatua ere zahar gelditzen ari da informatzeko orduan. Hartzaileak ez du jada informazioari itxaroteko denborarik izaten, informazioa bera edozein momentutan jasotzeko aukeraz baliatzea nahi du. Horrela argitu daiteke azken urteetan sarean dauden informazio atarien arrakasta. New York Times egunkariaren atariak ehuneko berrogeita bosteko gorakada izan du. Horrela zenbait egunkarik egin dute gora beraien online atarian.

Aldaketa honen arrazoi nagusia teknologia berrikuntza eta teknologia hau denon eskura izateko aukera izan arren, talde lana, planifikazioa eta irizpide editoriala ere eskatzen du kazetaritza berri honek. Euskarri desberdinetan erakutsi daiteke lana, baina produktua aurkezteko beharrezkoa da landuta izatea. Lantze horretan komunikatzeko forma berriek asko lagunduko dute.

Eskualde honetako informazio iturri diren Goienako hedabideek egonkortu eta sendotu egin dute irakurle eta ikus-entzuleekiko harremana. Hori bera dio Goiena.net atariak, kooperatibako web orrialdeak alegia. CIES-ek eman du aditzera 2008ko datuetan idatziko eta ikus-entzuneko euskarriek gorakada izan dutela bete tokiko telebista eta egunkariekin alderatuta.

Iturrien arabera Goiena Telebistak %13ak ikusten du, datu benetan interesgarria kontuan hartuta gaur egun telebista jasaten ari den konpetentzia. Baliabide gutxi eta are pertsonal txikiagoarekin lanean diharduen telebistarentzat emaitza onak dira kontuan hartuz gainontzeko telebistek dituzten aurrekontuak. CIES Goitb-eko dautuak aztertzen hasi zenetik izan duen emaitzarik hoberena izan da. Gertuko informazioa izateak badu arrakasta honen errua, nola ez. Herritarrek herrian bertan pasatzen diren gertakarien inguruan gehiago jakiteko nahia izaten dute eta bertako telebistak ederki asetzen du eskaria. Baina zergatik ikusten da gehiago? Agian arrazoi nagusia gaur egun dagoen horrenbesteko eskaintza da, eta honen aurrean ikusleak duen jarrera pasiboa. Horrenbeste gauza edukita, eta nahaste horretan murgilduta nahiago du bere bizitzan asko ikusi ez duen herriko telebista ikusi. Arrazoia jakitea ez da erreza, baina kuriositatez betetzen gaitu.

Kooperatibaren egunkariari dagokionez, Goienkaria, liderra da eskualdean. 37.000 irakurle ditu Debagoienean , bigarrenari, El Diario Vascori, alde handia atereaz. Hala ere informazioa hau baldintza bat kontuan hartuta jaso behar da, Goienkaria dohain dela alegia. Debagoiendar danok buzoian jasotzen dugu egunkaria eta beraz audientzia biztanleria ia guztira luzatzen da.

Kanta egun berezi horretarako atera genuen.

Askozaz ere aukera gehiago ematen ditu Firefoxak, pluginen erabilera kasuko, baina oraindik ez da gizartengana guztiz moldatu. Internet betidanik ezagutu dutenek, Explorerra erabili dute eta ez da horren erreza aldatzea askorentzat.

Microsoft-ek merkatuan duen boterea izugarria da, Windows oro Internet Explorer batekin dator, bina hala ere Firefox erabiltzen duten erabiltzaileen kopurua etengabe igotzen ari da. Toki batzutan %50eko merkatu kuotara heltzeko zorian egon da. Gainera, Firefox 3 heltzea espero da eta nola ez, sekulako ikusmina sortzen ari da.

Hala ere Operak badu oraindikan gauza asko esateko. Hirugarren nabigatzaile honek  antza denez ez ditu gauzak oso erraz ipiniko. Alphabertzioan dagoeta  benetan sekulako emaitzak lortzen ditu eta erabilgarritasun berriekin dator.

Hala ere nik oraingoz Firefox berria probatzeko gomendatzen dizuet.

Informazioa gaindituta gaudela esan zuen. Ezagutzaz betea dagoela mundua baina uste ez arren horrenbeste informaziok gizartea kaltetu egiten duela esan zuen.

Askotan ikusten duguna ez da uste duguna.