Autobusak antolatu dituzte Aberri Egunerako
"Nazioa gara. Zazpiak bat. Burujabetzaren alde" lelopean aurten Aberri Eguna ospatzeko Irungo Ficoban Nazio Eztabaida Guneak egingo duen ekitaldirako autobusak antolatu dira Bilbotik. Izena emateko azken eguna martxoaren 17a izango da.
Aurten, berriro ere, Nazio Eztabaida Guneak deialdi bateratua egin du Aberri Eguna ospatzeko. Balkoietan ikurrinak jartzeaz gain, ekitaldi nagusi bat egingo du Irungo Ficoban. Ekitaldira joateko Bilbon eratu den talde bultzatzaileak autobusak antolatu ditu.
Autobusak goizeko 9:30etan abiatuko dira Boulevard tabernaren aurretik. Izena emateko zerrendak zabaldu dira Bastertxu (Santutxu), Kalderapeko (Alde Zaharra) eta Izeki (Deustu) tabernetan. Telefono bat abian jarri dute ere izenak jasotzeko: 94 479 04 30. Izena emateko azken eguna: martxoaren 17a
Idatzi artikulu bat