Hauek dira Alleriko etxebizitzen proiektuari aurkeztu dizkiogun alegazioak:

http://docs.google.com/View?id=dc7qv5mf_16gg62k5gv

http://docs.google.com/View?id=dc7qv5mf_17c34tp7nn

Ondarroako udalaren gezurrak salatzen eta geure alternatiba erakusten jarraitzen dugu:





Ikerketa honetan Ondarroako biologo batek Alleri zelan berreskuratu proposatzen du:

http://www.euskonews.com/0251zbk/gaia25102eu.html

"Euskal Autonomi Erkidegoko Hezeguneen Sektorekako Lurralde Planaren Aurrerapidean (1998) berreskuratu beharreko gune bezala definitzen da. Antzina kultibo-lur bilakatu ziren lur sailak padura legez berreskuratzearekin, hedadura 8 hektareatara igoko litzateke. Horrez gain, bere sasoian eraiki ziren dike eta lezoien erauzketaz, padura osoan zehar ur-dinamika berrezarriko litzateke, habitat dibertsifikazio bat eraginez. Era honetan, landare eta lurzoruko ornogabe komunitate ezberdin ugariren garapena baimenduko litzateke, azken hauek paduretako hegaztien eta batez ere limikolen agerpenaren estuki erlazionaturik daudelarik. Ahalegin honen helburua, padura batek herriari eskain diezaiokeen gune sozial eta kultural bat berreskuratzea litzateke."

--------

PRENTSAN:

El plan de la Gestora de Ondarroa para edificar 480 pisos siembra recelos y altera la marisma de Aieri (irakurri osorik)

(ALLERI ZAINDDU! PLATAFORMAREN KOMUNIKATUA ALLERIKO 480 ETXEBIZITZEN PROIEKTUAREN ONARPENAREN INGURUAN)

Aurreko astean Ondarroako Udal Kudeaketa Batzordeak Allerin 480 etxebizitza egiteko proiektua onartu zuen. Egun hauetan proiektu horri buruzko informazioa biltzen eta aztertzen ahalegindu gara eta ondorio hau atera dugu: proiektu horrek ikuspegi ekologiko eta sozialetik ez dauka ez hankarik ez bururik.   

Udalak etxeetara bidali duen proiektuaren inguruko propagandak dio 480 etxebizitza egitearekin batera padura berreskuratuko dela. Baina proiektuaren planoak ikusi dituen edonor ohartuko zen padura erdian 480 etxe eginda marismaren ekosistema zatitu egiten dela: babestutako animaliek moztuta daukate euren migraziorako bidea; 480 familia eta beste hainbeste kotxe paduretara bizitzera eramanez gero kutsadura anbientala, zarata eta kutsadura luminikoa izugarri gehituko dira eta horrek airea eta ibaiko uren kalitatea eskastuko du eta bertako animalien erritmo biologikoak nahastuko ditu espezie batzuk bertatik desagertzeraino.

Baina udalaren proiektuak ondorio sozial larriak ere ekarriko ditu eta Ondarroaren etorkizuna hipotekatuko du. Padura zementoz betetzen bada, Ondarroak etorkizunean itsas mareen igoerari aurre egiteko daukan espazio naturala ere galduko baitu.

Unibertsitateko adituak aldaketa klimatikoari eta itsas mailaren igoerari aurre egiteko marismak zaintzea garrantzitsua dela esaten ari diren honetan, Ondarroan Alleri zaintzea geure etorkizuna bermatzea ere bada. Izan ere, Alleriko padura gehiena lehortuta dago lurrezko hormen bidez, abeltzaintzan erabiltzeko. Ibai ondoko lurrezko horma hauek botako balira, ura filtratu eta padurak bere tamaina hirukoiztuko luke. Eta, berriro diogu, marismaren tamaina handituta etorkizunean itsas mailaren igoerari aurre egin geniezaioke. Paduran zementua botatzen bada, ordea, berme horiek galdu egingo ditugu.

Etxebizitzen arazoari herri barruan aurkitu behar zaizkio irtenbideak: etxe hutsak betez, orube hutsetan eraikiz... Herri barruko espazioa hobeto aprobetxatu behar dugu. Ezin gara gero eta lur gehiago urbanizatzen ibili, hain zuzen ere, lur horiek ez direlako amaigabeak. Gainera, azken urteetan herrian bertan etxe piloa eraiki dira, eta oraindik beste hainbeste ari dira eraikitzen. Herri barruan egin diren etxe tasatu berri asko ezin beteta badabiltza, Allerin beste 330 etxe tasatu egin nahi izatea zentzugabea da!

Udalaren gezurrak ere salatu nahi genituzke. Alleriko lurren %81 ez dela ikutuko dio Udalak, baina proiektuaren fotomuntaia ikusi duen edonork daki hori gezur galanta dela. Bestalde, herritarren gehiengoa proiektuaren alde dagoela dio, baina aldekoen portzentaiarik ez du eskaini. Eta ondo dakigu egin zuten galdetegiak zelako galdera tranposoak zituen. Gainera, herritarren gehiengoa alde badago, zertarako halako publizitate kanpaina erraldoia? Eta publizitatea egiten hainbeste diru publiko erabiltzen bada, zergatik ez dira kontuan hartzen proiektuaren aurkako iritziak ere?

Amaitu aurretik, ondorengo asteetan deituko ditugun aldarrikapen ekintzekin bat egiteko deialdia zabaldu nahi diegu herritarrei.

Alleri zainddu eta berreskuratu, osorik!

Ondarroako Udal Gestorak onartu du Alleriko paduretan 480 etxe egitea.
http://www.ondarroa.eu/albisteak/480-etxebizitza-sustatzeko-aieriko-gunearen-plan-bereziaren-onespena

Hori dela eta, Alleri Zainddu! plataformak batzarra deitu du datorren barikurako (apirilak 24), arratsaldeko 5etan, Ondarroako Gaztetxean.

Bertan erabakiko da hurrengo asteetan zeintzuk pauso eman.

Etorri danok!

Alleri zainddu!
Gure azken gune naturalak ez ikutu!!

Hamen datoz ladrilluk atzeabe!

Urtarrileko ur handiak eta gero, otsailean ere uxolak egon dira, eta Allerin berriro ere ibaiko urek gainezka egin dute.



Allerik uxoletatik babesten gaitu!
Alleri zainddu!

hamen datoz...

Urtero bezala heldu dira neguko euri jasa handiak, eta ibai askok gainezka egin dute. Eta ibai ondoetan eta paduretan etxeak eraiki direnez, horrek arriskutsuago egiten ditu neguko uxolak.

Hala ere iritzi kritiko oso gutxi entzun da:

Deberíamos pensar si el enemigo es el tiempo o nuestro modelo de desarrollo Me llamaban diciendo que Salburua, en Gasteiz, se inundaba. Claro, si es una zona de descarga natural del río... otra cosa es hasta qué punto la expansión urbanística hacia esa zona y la impermeabilización del terreno influyen en que se inunde. El uso del cemento es en buena medida lo que nos lleva a estas situaciones. Irakurri dana

No es posible secar las nubes ni atar al viento No está dentro de las capacidades humanas reducir a cero los riesgos inherentes a la naturaleza y menos cuando han sido los humanos quienes han invadido todos y cada uno de los espacios reservados por la naturaleza para liberar sus tensiones. Irakurri dana

Eta Ondarroako paduran 500 etxebizitza?



Artibai ibaiari azken urteetan kendu zaizkion metro piloa dela eta, ibaiko urak gero eta biziago dabiltza, barruko olatua barrurago heltzen da...

Allerik uxoletatik babesten gaitu! Alleri zainddu!

Eurite handiei aurre egiteko padurak beharrezko direla dio Eguzkik Hezeguneak edo padurak zaindu beharreko lekuak direla dio Eguzki ekologista taldeak, eta «tamalez» gehienek inter urbanistikoak direla-medio arriskuan jarraitzen dutela. Horregatik, Ondarroako Alleri paduran egin asmo duten urbanizazio plana geldi dezaten eskatu dute. Irakurri dana

2009ko urtarrileko ur handien argazki gehiago. Errekak ez zuen hartu beste askotan bezain beste indar, eta hala ere ura gainezka egitekotan egon zen. Alleri, uxoletarako babesik onena!

---

Azken berriak: Norbait Alleriko etxebizitzen inguruan inkesta bat egiten dabil telefono bidez. Informazio gehiago hemen.

---

Eta bitartean Ondarroan eraiki diren etxe asko ezin beteta dabiltza

Las renuncias a los pisos protegidos crecen un 70% en Euskadi por la crisis La Corporación de Ondarroa se ha visto obligada a convocar un segundo sorteo para una promoción de 19 viviendas tasadas, ya que de los agraciados en la primera ronda -había 75 aspirantes-, sólo cinco llegaron a firmar el contrato. Irakurri osorik

ALLERIREN BABESA ZABALTZEKO ESKARIA

Allerin notario baten aurrean egindako azterketa batek erakutsi du ur gazia babestutako eremua baino barrurago sartzen dela (etxeak egin nahi dituzten lekuraino).

Hori dela eta, Ingurumen Ministerioko Kostaldearen Delegaritzari honako eskari hau bidali diote eskualdeko ekologista taldeek, babes eremua zabal dezala eskatuz:

http://docs.google.com/Doc?id=dc7qv5mf_8gw8ktmc5

-------------------
KLIMA ALDAKETA ETA MARISMAK

Egunkarietan agertutako albiste hau oso interesgarria da: