Berbaizu Euskara Elkartearen bloga

     Ez dakigu orijinalegiak izan diren. Ez dakigu poetikoegiak izan diren. Ez dakigu idazle-bertsolari ezkuturen baten eskua deskubritu dugun. Baina badakigu deustualdeko (eta beste hainbat lekutako) euskaldunek piropoak barruan dituztela. 100 piropo pasatxo bildu ditugu hamar egunetan, haietatik 5 internet bidez helduak, eta pozik egoteko moduko sorta da. Hala ere, benetan pozik zeudenak irabazleak izan dira, gustora jaso eta erabili dutelako haien saria txosnetan. Piropoen kontura jai egin. Ez da pagotxa makala!

    Epaimahaiak hamar onenak hautatu eta horiek ikusi ahal izan dira kale, taberna eta txosnagunean. Hona  hiru lehenengoak:

• 1. go saria: "Han edo hemen ibili, ni zurekin Mari Pili!".                                     
• 2. saria: "Zure kuleroak, nire ikurriña!"  (honen "Zure gaiunboak, nire ikurriña!" bertsioa ere erabili dugu kalean ikus zedin).
• 3. saria: "Zeu zara nire pottoka. Polita, basatia eta euskalduna".

Aukeratutako hamarren multzoa osatzeko, hona besteak:

• "Elkarrekin gauden bakoitzean, planetaren beroketan laguntzen dugu".
• "Munduari buelta emango nioke helmuga zeu izango bazina".
• "Ni su, zu gar, ni ta zu, su ta gar".
• "Nor litzateke ilea zure gorputz atal intimoetan kili-kili egiteko!".
• "Ederra dozu azala, gorria masaila, eta leuna soa, txanda ostean nora hoa, Deustuko tomate bikaina?".
• "Zu zara maite dudan neskatxa bakarra, eragiten didana irri eta negarra, zeru oskarbiaren izar goiztiarra, zuk markatzen didazu bihotzean iparra".
• "Zuregatik balea bat txankletaz hilko nuke".

Egondako partehartzea ikusita, datorren urtean errepikatzeko moduko leihaketa dela pentsatzen dugu. "Irain leihaketa" antolatzea ere bururatu zaigu, baina tira, beste baterako gaia denez, oraingoz piropoei eutsiko diegu. Mila esker partehartzaile guztiei, baita piropo zibernetikoen bidaltzaileei ere!