Altzan eta euskaraz

Bizarrain kultur elkarteak solasaldi-sorta antolatu du, urritik abendura bitarte. ‘Mintzamina’ deitu diogu mintzamenarekin eta herriminarekin lotura eginaz.

Solasaldien helburuak hainbat dira:

• Batetik, kultur arloan Altzan dagoen mota honetako eskaintzaren gabezia nabarmentzea eta ahal den neurrian osatzea. Udalaren zein entitate pribatuen hitzaldi, eztabaida eta proiekzio gehienak gaztelaniaz eskaintzen dira Altzan eta altzatar euskaldunok Donostiara edo inguruko beste herrietara joan beharra dugu kultura jarduera horiek euskaraz nahi baditugu.

• Bestetik, altzatar euskaldunen artean sarea osatzea, euskal-jendartea trinkotu eta elkarren arteko sinergiak lantzera begira.

• Eta azkenik, Altzan euskarak bizi duen egoeraren inguruan gogoeta egitea.

Egitaraua irailean aurkeztuko bada ere, aurrera dezakegu soziolingusitika gaiei buruzko tailerra eta hitzaldia, eta ‘mintzodromoa’ antolatuko direla.

Altzako jaietan, ekainean, sinadura bilketak egingo ditu Bizarrain elkarteak, publizitatea euskaratzeko eskatzeko hainbat entitateri.

Gerturatu zu ere eta eman zure sinadura eskari honen alde!

Larratxo auzoan “Lehen hitzetik Zerbitzua Euskaraz” kanpaina martxan jarri dute Bizarrain kultur elkarteak, Auzoa merkatarien elkarteak eta Altza Euskaltegiak. Kanpaina hau Kontseiluak Euskal Herri osoan aurrera daraman jardunaren barne kokatzen da.

Establezimenduetan euskararen ezagutzaren inguruko galdeketa egin ostean, honakoak dira datuak:

Larratxon jendaurrean lan egiten duten %46k bezeroari euskaraz ulertzeko ezagutza nahikoa dute eta %42k aldiz, baita euskaraz erantzutekoa ere.

Kanpaina honen bidez, jendaurreko zerbitzua eskaintzen duten langileen euskalduntzea eragin nahi da eta langile eta bezero euskaldunei dagokienez,  euren arteko euskararen erabilerari bultzada bat eman nahi zaio. Horretarako, datuak ezagutarazi eta erosketak euskaraz egitera gonbidatzeko kanpaina egingo da. Beraz, Altzan ere Lehen Hitzetik Zerbitzua Euskaraz!

Ezker eskuin, Izarne Zelaia (Bizarrain), Maialen Isasa (Altza euskaltegia) eta Begoña Palos (Auzoa merkatarien elkartea)

NoticiasdeGipuzkoa    euskaraz.net   merkatari.net  udalblog

Sari-banaketa apirilaren 17an, larunbatean, egin da Altzako X. Bertso Asteko bertso afarian, Altzatarrak elkartean. 100 lagun elkartu gara, Aitor Sarriegi eta Jexux Mari Irazu bertsolarien saio bikainaz eta sukaldariek prestatutako jaki ederrez gozatzera. Saioaren atsedenerako tartean banatu zaio saria Iñigo Legorburu oreretarrari.

Bizarrain kultura-elkarteak antolatu duen II. Bertsopaper Lehiaketa amaitu da. Guztira, sei lan jaso ditu elkarteak eta lehiaketaren irabazleak erabaki ditu. Aurten bi gai proposatu dira, aukeran. ‘Altza Donostiari anexionatu zioteneko 70. urteurrena’ gaia eman gabe geratu da, aurkeztutako lanek ez dutelako aski kalitaterik erakutsi. Gai librearen irabazlea Iñigo Legorburu Arregi errenteriarra izan da, Txirrita Altzan da berriro lanari esker (iaz ere bera izan zen irabazlea). Sari-banaketa apirilaren 17an, larunbatean, egingo da Altzako X. Bertso Asteko bertso afarian, Altzatarrak elkartean.

Lehiaketako epaimahaikideak Juan Mari Irigoien idazlea, Unai Elizasu bertso gai-jartzailea eta Bizarrain elkarteko Luis Mari Ralla izan dira.