2006-2007 denboraldian burututako I. Ezker Hormako Emakumea Pilotari txapelketaren ostean, II. edizioa martxan da dagoeneko. Hona hemen txapelketa honen ezaugarririk nagusienak:
- Pilotariek ez dute euren elkarte/kluba ordezkatzen.
- Bikote orekatuak osatzeko, maila irizpidetzat hartuz, rankin bat osatzen da bai aurrelari eta bai atzelarietan. Aurrelaririk "onena" atzelaririk "txarrenarekin" jartzen da, eta horrela hurrenez-hurren bikote guztiak osatu arte.
- Txapelketan pilotari titularrez gain ordezkoek ere parte hartzen dute, jardunaldietan arrazoi ezberdinak direla medio sor daitezkeen hutsuneak betez.
- Pilotariak bi mailatan bereizita daude: sei bikote 1. mailan eta beste sei 2. mailan.
- Txapelketako partidu guztiak larunbat arratsaldetan jokatzen dira, egoitza berean, arratsaldeko 15:30etan hasita.
- Aurten 36 pilotari (24 titular + 12 ordezko) ari dira lehian urriaren 6an hasita.
Donostiako Kirol Etxean urriaren 5ean egindako aurkezpeneko irudia da honako hau:
Aurrez aipaturiko ezaugarri guzti horiek betetzen ditu aurtengoak ere. Hona hemen jardunaldien inguruko informazioa:
| Jardunaldia | Lekua | Eguna | Ordua | |
| 1 | Beotibar, Tolosa | 2007-10-6 | 15:30 | |
| 2 | Altza, Donostia | 2007-10-20 | 15:30 | |
| 3 | Jostaldi, Hondarribia | 2007-10-27 | 15:30 | |
| 4 | Ederrena, Urretxu | 2007-11-10 | 15:30 | |
| 5 | Auzoeta, Ataun | 2007-11-17 | 15:30 | |
| 6. Finalderdiak | Usurbil edo Zubieta | 2007-11-24 | 16:30 | |
| 7. Finala | Hernani | 2007-12-1 | zehazteke |
Txapelketaren inguruko informazio zehatzagoa (emaitza eta sailkapenak) Gipuzkoako Euskal Pilota Federazioaren webgunean dauzkazue (ikus esteka).
Idatzi artikulu bat