Azatzak 56: Espaloia kafe antzokia

Argian orain dela gutxi ateratako artikulu batek kafe antzokiak euskal kulturaren oasi moduan definitzen zituen. Oasietan normalean ura egoten da eta basamortuan aritu ahal izateko ezinbestekoak dira. Nik ere oasi moduan ikusten ditut hauek, nahiz eta baten batek nahiago dituen berogailuak. Lehenago Azpeitia eta Bilbon izan gara eta oraingo honetan Debagoienera goaz, Elgetara.



Espaloiak kultura programazio iraunkorra du: musikako hainbat estiloez gain, antzerkia da beste jardunbide garrantzitsu bat. Espaloia Kooperatiba enpresak independienteki kudeatzen du Espaloia Kafe Antzokia. Kooperatiba horren gehiengoa euskara eta kultura elkartearena da, Goibeko kultura elkartearena.

Herri txiki eta euskaldunak arnasguneak dira antza. Baina arnasguneak ere elikatu behar dira, kulturaz eta beste hainbat elikagaiz. Bide horretan Espaloia bezalako egitasmoek hauspoa ematen diote "berezkoak" diren birika hauei.