Bizkarrari bizkar

garaigoikoa 1456132721854 Garaigoikoa | 2009-04-22 19:52

Pasa den hilean lan kontuak direla-eta, behin baino gehiagotan joan behar izan dut Gasteizera. Eta autobusez joan naiz. Azken bi egunetan bueltako autobusean nire ondoan jezarri dira Hispaniar Filologiako zenbait ikasle (4 neska hobe esanda).
 
Lehen egunean, gutxi. Baina bigarrenean eskolari buruz izan ziren berbetan ia bidaia osoa. Ekaina aurretik egin behar duten lan bati buruz, hain zuzen ere. Eta harrituta geratu nintzen.
 

Zaloa Etxanizen argazkia (CC lizentziatik hartua)

Hemen bertan bizi arren, ze urrun gaude elkarrengandik. Ahozkoan egiten diren akatsei buruz izan behar da lana, eta bakoitzak akats bat hartu behar zuen lana borobiltzeko: dequeismoa, leismoa eta halakoak. Eta euren komentarioak: zer txarto egiten dugu berba eta abar (jakina gaztelania hutsez eta gaztelaniari buruz).
 
Eta, orduan, irakurtzen ari nintzen liburua utzi eta pentsatzen hasi nintzen. Gurean Amonarrizek eta konpainiak zuzentasuna baztertu eta egokitasuna goratu zuten. Eta ondoan ditugunak oraindik zuzentasunarekin jo eta ke. Guk gainditu dugu hein handi batean ("euskararik onena egiten dena"), baina bi komunitateen artean dagoen amildegiaz ohartzeko nahikoa da. Zuek imajinatzen al duzue Euskal Filologiako ikasle bat beste bati esanez txarto egiten duela berba euskalkian ari delako? 

Datsegit

hizkuntzaren komunitateak sl soziolinguistika soziologia

Iruzkinak


Utzi iruzkina: