Euskara erabiltzeko motibazioa sustatzeko trebakuntza saioa

2009/02/26 14:22:46.265 GMT+1

Euskara erabiltzeko motibazioa sustatzeko trebakuntza saioa

UEUk antolatzen dituen ikastaroen artean hauxe dago:

Aski ezaguna dugu euskalgintzan gabiltzanok “jakiteak ez du erabilpena bermatzen” esaldia. Euskara jakiteaz eta erabiltzeaz ari gara, noski. Euskaltzaleak, euskararen kontrakoak, edukazioagatik gaztelaniaz egiten dutenak, nahi eta ezin dutenak , ahal eta nahi ez dutenak... horiek guztiok, gutxienez, osatzen dugu Euskal Herrian bi garenon “fauna”. Erabilpen horretan eragitea da tailer honen helburua. Horretarako, norbanakoaren hausnarketatik abiatuko gara, euskararekin bizi izandako harremana nolakoa izan den aztertu dugu. Horrez gain, gure ingurunean bizi dugun errealitatearen hausnarketa ere egingo dugu. Era berean, aurrera begira jarriko. Hau da, gure egungo praktikak, arazoak eta beharrak mahai gainean jarri ondoren, etorkizunera begira zer ildo landu gaitezkeen identifikatzen saiatuko gara. Hori da trebakuntza saio honen helburua, euskara erabiltzeko motibazioa sustatzea. Horretarako, eraldaketa-prozesu bat bizitzera gonbidatu nahi zaituztegu.

Lekua:	UEUren Ikastetxe Nagusia. Otaola hiribidea, 1. 20600 EIBAR
Nori zuzendua:	Euskara erabiltzeko motibazioan erabilteko interesa duen edonor: euskara teknikariak, euskara irakasleak, irakasleak oro har, aholkulariak...

Gainontzeko Informazioa
Helburuak Tailerraren helburua hizkuntzarekiko jarreren inguruko eraldaketa-prozesu bat bizitzea da. Jarrera positibo kontzienteak aktibatzeko ezinbestekoa da prozesua bizitzea eta bertako subjektu aktibo izatea. Metodologia Metodologia erabat praktikoa izango da. Horretarako Reflect-ekintza ikuspegi metodologikoan oinarrituko gara. Metodologia horri jarraituaz, urratsez urrats joango gara hainbat ekintza gauzatzen. Urrats eta ekintza horien bidez parte-hartzaileen subjektibitatea eta erreferente etikoak landuko ditugu eta zeharka prozesu osoan zehar izango ditugu presente jabetza, generoa, parte hartzea, adiskidetasuna/maitasuna, poztasuna eta desinhibitze fisikoa. EGITARAUA Egunak: maiatzaren 15a eta 22a (ostiralak) Ordutegia: 9:00/14:00 Egitaraua: Taldearen espektatibak lantzea Balioak lantzea Euskara eta ni Euskara eta gu Euskararen erabileran egunerokoan ditugun praktikak, arazoak eta beharrak aztertzea. Gure inplikazioa aztertzea eta konpromisoak hartzea Etengabeko balorazioa egitea. Ordu kopurua guztira: 10 ordu. Ikastaro arduraduna: Aizpea Otaegi Mitxelena. Elhuyar Aholkularitza. ARGIBIDEAK MATRIKULAZIORAKO: Matrikula egin: orri honen behekaldean izena eman dezakezu. Matrikula-prezioak: Orokorra: 65,00 euro. Ikasle eta langabetuak: 58,50 euro eta UEUko bazkideok 48,75 euro. Matrikularen ordainketa: Matrikula egitean web gunean bertan agertzen dira matrikula ordaintzeko argibideak. Matrikularen onarpena: Matrikula ez da onartuko ordainketa egin arte. Ordainketa jasotakoan, matrikula onartuta dagoela jakinaraziko da posta elektronikoz. Partaide kopurua: 15 lagun gutxienez, 20 gehienez. Izena emateko epea: martxoaren 30era arte.