Ibiltarixanak

Gaur goiz jaiki gara, 06:30ean gosaldu eta gero traste guztiak autobusera. Honek Errusiako mugara (60km.) eraman gaitu. Goizeko bederatzietan atera gara. Etapa gogorra eta nahiko luzea 63Km.



Eguraldia ez da izan txarra, baina lainotua, eta elurra ere egin digu; ez egun osoan. Tenperatura -10 eta -5 gradu bitartekoa,  gorabehera handiekin.



Niri nahiko luzea egin zait, baina nahiz eta ia ilunduta (17:30ean iritsi naiz Kuusamora) iritsi naiz eta ez da gutxi. Euskaldunon taldekook ondo bukatu dugu denok. Ea biharko ondo errekuperatzen naizen. Horretarako, Pakek emandako errezeta erabiliko dut. Biharkoa ere 65 Km.koa da baina ez dirudi hain aldapatsua denik. Ia egia den.