Ibiltarixanak

Izen xelebre honekin deitzen da Finlandian iraupen eskiko proba luze hau

Errusiako mugatik Suediako mugarainoko luzera du, guztira 440 Km. Astebetean egin behar da, egunean 65 Km inguruko etapak eginaz. Etaparik luzeenak 82 Km ditu. Etapa bakoitza egiteko 8 edo 9 ordu bahar dira eta eguraldi txarra izanez gero auskalo zenbat irauntzen dugun. Orain dela hilabete erabaki nuen parte hartzea. Antton Dorronsoro, beasaindarrak eman zidan bere asmoen berri eta berarekin joateko prest nengoela azaldu nion hurrengo egunean. Prestaketa egoki bat egiteko beranduegi, baina ni ezagutzen nautenek badakite zelan hartzen ditudan erabakiak. Aspalditik nuen proba honen berri baina iaz sartu zitzaidan egiteko gogoa, lau eibartarrek -tartean Josu Elejalde nire laguna- egin zutela jakitean. Eibartarrrek egin badute zelan ez du egingo elgetar batek! esan nion neure buruari. Hilabete honetan prestakuntza egoki bat egiten saiatu naiz, Sonport-eko pistetan eskiatuz eta Elgoibarko kiroldegian eta Mintxetan orduak sartuz. Ez dut prestaketa berezirik egin baina saiatu naiz ia egunero zerbait egiten eta intentsitatea igotzen.