Amets, zatoz nigana

 
Kaixo guztioi! Gaurko saioan postcad-ak nola egiten diren ikasi digu. Lehenengo testu bat irakurri dugu audacityrekin, gero mp3ean bihurtu dugu eta ondoren Boom mp3 programan bihurtu dugu blogean txertatzeko. boomp3.com

Zuregatik Iosu! Apirilaren 17an, Ikus-entzunezko komunikazioko hirugarren mailako ikasleoi bihotz zati bat lapurtu ziguten. Goizeko ordu txikitan joan ziren zure bila, ehiztaririk koldarrenen antzera, eta gauaren iluntasunean eraman zintuzten. Telebistan garaikur gisara erakutsi ondoren, bost egun eta bost gau luzez eduki zintuzten euren hatzaparretan; mehatxuz, burlaz eta jipoiez jositako 120 ordu amaigaberen agonian. Orain, Alcala Mecoko espetxean zaude, Euskal Herritik ehunka kilometrora; baina, halere Iosu, jakin ezazu urruti egon arren gurekin zaudela, gu zurekin gauden bezalaxe. Zaila zaigu denbora batez elkar ikusiko ez dugula onartzea. Jakin badakigu aurrera egingo duzula: ezinezkoa delako itsasoari mugak jartzea bezala arrano bat lau pareten artean giltzaperatzea. Hasieratik gelakideok zure hutsunea nabari dugu, Txus. Hiru urte dira elkar ezagutzen dugula, eta lehenengo egunetik igarri genuen ez zarela gizarte-sistemak eskaintzen duen besaulki erosoetan lasai jesartzen den horietakoa: egunero hankarekin egiten dituzun kolpetxoekin sumatzen genuen zure egonezina. Jada klase arteko zigarretak ez ditugu lehen bezain gustura erretzen eta atsedenaldietako jeladun ebakiei ere zure esentzia falta zaie. Ziberbandalismoak ere behera egin du asteotan. Bihotzaren zati bat kentzeaz gain, bertso afarietako laguna urrutiratu digute. Txomintxapel fakultateko egunean, zure omenez egingo dugu topa; harro baikaude zurekin konpartitutako une guztiez eta zu lagun izateaz. Klaseetan aspertzen garenean ere gelako ormetan jarri dugun zure argazkiari begiratu eta, ziur, gure ezpainetan irudikatzen duzun irribarreak gailenduko duela. Zuk bakarrik bete dezakezun hutsunea utzi duzu gugan, Iosu. Ez dugu etsiko berriz ere gure artean izan arte. Besarkada bero bat zuretzat eta beste bat gureentzat Eskoriatzatik. Zaindu sorbaldak, ez galdu irribarrea eta egin beti aurrera! Maite zaitugu Iosu! Aritz Sue Maldonadok Ikus-entzunezko komunikazioko 3.mailako ikaskideen izenean.

Zestua izan ginen lehengo ostiralean ni eta beste koadrilako bi fenomemo. Buelta txiki bat emateko asmoarekin hurbildu ginen bertara. Arratsaldeko zortziretako autobusa hartu, afaldu, tanborrada ikusi eta bueltatzeko asmoarekin  ginen. Ohartzerako, ordea, goizeko bostak iritsi zitzaizkigun. Giro bikaina zegoen urola kostaldeko herri txikian. Halere, gehien arritu zidan gauza bertako tanborrada izan zen. Sekulako "desmadrea"!! Ikaragarria! Baina, xarma berezia zuen. Zeinen ongi ari ziren pasatzen! Benetan, ikuskizun ederra! Ikustekoa, merezi du!

Horrela, etxera itzuli eta ametsetan egin nuen ohean. Amets horietako batean tanborradan tanborra jotzen nintzen...

Datorren maiatzaren 30ean Ken Zazpikoek bixitatuko dute Zumaia. Kontzertua Maria eta Jose ikastetxean izango da. Hortik pentsatzen dut nahiko kontzertu lasaia izango dela, baina aukera polita izan liteke ostiral gau xume bat pasatzeko!
Hemen uzten zaituztet bideo batekin!

Zumaiako udala akordio batera iritsi da Babes Ofizialeko Etxebizitzak alokairuan jartzeko. Puntanuetan, adibidez, 200 Babes Ofizialeko Etxebizitza eraikitzea zegoen ikusita, baina orain 100 gehiago eraikiko omen dituzte. Horietatik 164 alokairuan jarriko omen dituzten.
Bazen garaia horrelako zerbait egitekoa. Gazteak asko gara Zumaian, emantzipatu nahi dugunak, eta egun etxebizitzan sartzeko arazoak direla-eta, askorentza ezinezkoa da.
Ederki bada! Hala eta guztiz ere, oraindik lan asko dago egiteko!

Egia esan, niri dexente kostatu zait Firefox erabiltzen hastea. Gure irakaslea den Joxek klasero esaten digu firefox erabiltzen hasteko, baina inoiz ez naiz hortan jarri.
Ariketa hau egiteko firefox erabiltzeari ekin nion eta berehala ohartu nintzen honek dituen onuraz. Joxen blogeko komentarioekin bat egiten dut guztiz:
- XUXEN euskarazko zuzentzailea lotzeko modua dago.
- Abiadura eta pestainen aukera.
- IExplorer plataforma bakarreko softwarea da. Firefox guztietan dabil.
- Sistema aldetik eta diseinu aldetik berezia da.
- Segurua da, akats gutxi ematen dituena. Eta ematekotan 4-5 egunetan konponduta dago, IExplorerrek, berriz, askotan hilabeteak behar izaten ditu.

Nire etxea! map

 

Aste Santu hauek Zumaian igaro ditut, nire herrian. Ez dut izan aukerarik kanpora ateratzeko, eta horrela, nire lagunekin hemen geratu naiz herriko festen zain. Eguraldia txarra izan arren, paregabeak izan dira egun hauek, azkenean, deskantsatzeko denbora izan baitut!

Hauxe da guk ikasten dugun lekua!
Tagzania: Josebe

 

 

La innovación social y la economía social. Perspectiva Québec. Marie Bouchard.

Honek, ekonomia soziala eta ekonomia solidarioa berdintzat jotzen ditu. Lehenengoan esaten du diziplinatua izan beharra dagoela eta, bigarrengoak, definizioa ugari dituela eta denborarekin aldatzen joango direla.

Egun ez dago adostasunik ekonomia sozial eta politikoan.

Ekonomia sozialean ingurugiroa aldatzen ari da. Egun, eskera sozial handitzen ari da, itxaropen berriak sortu dira emakumeengan, talde komunitario saiatu bat sortu da (enpresa sozialak)… Ikerkuntzan ere aldaketak eman dira: gizarteratzea eta esperientziak elkar banatzeko sareak.

Horrez gain, teoria ezberdinak sortu dira, baina kontraste handiak daude iparraldearen eta hegoaldearen artean. Horrela, berrikuntzarako sistema berria: el modelo de la triple hélice. Sistema honek enpresen, unibertsitateen eta estatuaren arteko hitzarmen bat proposatzen du.

Ekonomia solidarioan aspektu politikoak daude.

Ikerkuntza ezagutzea beharrezkoa da.

 

La dimensión autogestionaria en la experiencia cooperativa de Mondragón (I y II). Adrian Zelaia (I) eta Jon Sarasua (II)

Helburua: garapen enpresarialaren eta lanaren sorketaren bidez aberastasuna lortu, kooperatibismoa baldin bada nahiago.

Baloreak: gizarte baloreak mugitu. Pertsonak bazkide egitea. Langileak behar batzuk ditu, horrenbestez, behar horien arabera enpresa bat sortu langilearen beharrak asetzeko.

Erantzukizun sozial bat dute, eta hori garatzeko beharrean aurkitzen da.

Mondragon Corporación Cooperativa: kooperatibismoan zentratutako enpresa esperientzia; auto-kudeaketa estrukturen sorkuntza.

Honek, garrantzia handia ematen dio auto-kudeaketari. Hain zuzen ere, pertsonen auto-kudeaketa. Bertako aspekturik garrantzitsuena pertsonak dira, eta hauen parte-hartzea.

Esperientzia euskalduna

Pertsonetan zentratutako erakundeak sortzean dago gakoa. Solidaritateak eta garapenak lan egitea eta elkartzea bideratzen du.

Ze falta nabaritzen da? Aspektu demokratiko eta garapen soziala duena. Horrenbestez, Mondragon Corporación Cooperativa (MCC) kooperatibismo izaera duen enpresa errentagarri bat da. Honek erakutsi ahal izan du arrakasta izatea posible dela enpresa kooperatiba bat izanda eta, gainera, gizartearekin konprometitua egotea aldi berean. Esperientziak bideratzen du dena, eta kasu honetan esaten du auto-kudeaketa beharrezkoa dela.

MCC seilu euskaldun eta ezaugarri historikoekin sortzen da.

MCCk ondorengo ekarpenak egin ditzake:

• Hezkuntzarako estrategia.
• Errentagarritasunean kokatu.
• Lan egitearen ideia zentrala.
• Elkar kooperazioa.
• Auto-estruktura auto-sustentableak sortu.
• Konpromiso soziala gizartearekin.
• Parte-hartzea bi alderditan: sozio-estruktura eta tekno-estruktura.
• Gizartean oinarritutako plangintza.

Gaurko klasean Google calendar ikasi dugu. Hortik, nire kalendarioa sortu dut, publiko dagoena, norbaitek ikusi nahi badu. Saiatuko naiz kalendarioa osatzen joaten.

Besterik gabe,

Hurrengora arte!