Kultur Errota Lan Taldea

Badakigu, denboraldi bat ixilik eman dugula eta hasierako bultzada iada baretu dela. Hala ere, ez gara geldirik egon eta egin genuen azken bileran eranakitako puntuen informazioa jartzen dugu sarean.

Hemendik aurrera eman beharreko urratsetan hiru egiteko nagusi ditugula aipatu da eta bakoitzarekiko hainbat ekintza zehaztu genituen maiatzaren 5ean egindako bileran (Zintzo Mintzoren egoitzan)

• Proiektuaren txostena idaztea

• Kafe Antzokiaren ikuspegia, helburuak eta kudeaketa eredua idaztea
• Azpiegitura eta alderdi teknikoa lantzea.

• Kafe Antzokiaren proiektura lan-batzrode bat eratzea. Udalak, alderdi politikoak, elkarte eta herritarren artean.

• Zinegotziekin hitz egin eta lehen bilera-data jarri.
• Lan batzorde horrek parte hartzailea beharko luke, eta epe eta ekintza zehatzekin lan egin behrako genuke.

• Proiektuaren gizarteratze-lana

• Prentsak eta hedabideak erabili.
• Atxikimendua lortu. Elkarteak eta herritarrak.
• Jende eta elkarte gehiago lan-talde honetan integrtau, eta proiektuaren estrategikotasunaz herritarrak nahiz elkarteak jabetu daitezen lan egin. Ez dadila lau lagunen edo elkarte jakin baten proiektua izan.

 

Pagotxeta Herri Plataformak, Kafe Antzokiaren inguruko bere gogoetak igorri dizkigu.

Hona hemen:

Pagotxetatik Kafe Antzokira begira

Pagotxetari Kultur Errota taldeak Kultur Etxean bertan Kafe Antzokia integratzearen proposamena interesgarria iruditzen zaio guztiz, gaur egun murgildurik gauden euskal gizartearen joera jana eta edanaren inguruan erraz mugitzen baita.

Kontuan izanik Kultur Etxeak izango dituen baliabide ezberdinak egitura aldetik, talde ezberdin ugari bertan biltzeko aukera emango du, eta eragile ezberdin hauen artean elkartruke bat sortzeko aukera areagotzeko Kafe Antzokiaren proposamena benetan positiboa litzatekeela uste dugu. 

Hala nola, oraindik puntu ugari zehazteke daudela ere badakigu. Nahiz eta proposamena pixka bat berandu datorrela ulertzen dugun, lanak behar adina denbora atzeratzea ez zaigu arazo iruditzen, eta gainera udalak azterketa honekin aurrera egiteko baliabide ezberdinak eman beharko lituzkeela iruditzen zaigu. 

Kafe Antzoki izenarekin definitzen den proiektu berritzaile honek gure herrietan kultur arloan dauden beharrak aseko lituzke, herria kulturberrituko luke, proposamen berri, iraultzaile eta originalak bultzatuz. Gainera kultur dinamika partehartzaile eta integratzailea izango du oinarri. Beraz, benetako kultura motore bihur daiteke, udalen arteko eskaintzarekin koordinatuz gero. 

Baita ere guztiz interesgarri iruditzen zaigu Kafe Antzoki zirkuitoan sartzea. Zer esanik ez herriotan euskararen normalizazioan ekarriko lukeen bultzada, herriotan dagoen kultur eskaintzan euskararen indarraren gabezia nabaria baita. 

Bestalde, puntu garrantzitsu bat Kafe Antzokiaren kudeaketa da, udalaren esku uztea betiko dinamikan erortzea dela deritzogu eta bestetik ez da kultur talde indartsurik antzematen gestioa aurrera atera dezakeena. Garbi duguna talde murriztua izan beharko lukeela da, kulturara zuzenki lotua eta koordinaketara zuzendua. 

Bukatzeko Kultur Errota jorratzen ari den bidea egokia dela iruditzen zaigu, bai kultur talde eta bai talde politikoekin elkartuz hausnarketa sakon bat ateraz. Pagotxeta bide horretan aurrera jarraitzeko prest aurkitzen da.

Larunbara honetarako, hilak 11, bilera deialdia egin nahi dugu:

Gai ordena

1. Orain arte egindako bileren (Alderdi politikoekin...) eta emandako urratsen berri emango da.
2. Aurrera begira emango ditugun pausoak eta estrategia adostu.
3. Lan egutegia zehaztu
4. Norberak dakarrena

Non: Zintzo Mintzo Euskara Elkarteko egoitzan
Ordua: 12:00etan
Noiz: Martxoaren 11n, larunbata

Esan gabe doa, kulturgintzan diarduten eta interesa duen herritar edo talde ororentzat gonbitea luzatzen dugula.

Arratsaldean berriz, Elgetako Kafe Antzokira joango gara bisitan.

Zumarragako EAko Udal Taldeak bere iritzia eman du berriz:

• Goierriko Hitzan
• El Diario Vascon
  

EAJk bere iritzia eman du asteburu honetan Kultur Etxearen inguruan.

Hemen duzue albistea:

• Goierriko Hitzan
• El Diario Vascon

Kultur Etxean Kafe Antzokia kokatzeko proposamen zehatza lantzen hasi gara iada eta denon laguntza ongi etorria izango da.

Hiru atal izango ditu proposamenak:

1. Herriotako kultur egoeraren diagnostikoa
2. Lortu nahi ditugun helburuak
3. Kafe Antzokiaren kudeaketa eredua
4. Espazio fisikoa eta azpiegitura
   

 Inork prozesuan parte hartu nahi badu jarri dadila harremanetan gurekin.

Bilerari hasera emateko deialdiaren zergatia azaldu genuen lehendabizi Kultur Errota osatzen duten kideek. 

Zumarragako kultur etxeaz landutako ikuspegia eta proposamena herriko elkarte eta norbanakoekin eztabaidatzeko nahiak bultzatuta egin genuen deialdia. Guztira 13 lagun elkartu ginen.

1. Udaletxearen proiektua azaldu

Gehiengoa ados agertu da, Kultur Etxearen eztabaidan diseinuaz eta espazioaren antolaketaz bakarrik hitz egin dela, kultur etxeak bultzatu behar duen kultur ereduaz ezer gutxi hitz egin dela alegia. Hala ere, aipatu da prozesuaren hasieran kultur kudeaketaz hitz egiteko Kultura batzordeburuak saiakerak egin zituela, baina Udalak kultur etxearen eraikuntzari segituan eman zion lehentasuna.

Horrez gain, elkarteok ere gure behar propioez aparte (Lokala...), bere garrantzia kendu gabe,  ez dutela ezer asko proposatu azaldu da. Orokorrean ados agertu dira, kultur etxearen proiektuak hartu duen norabidea  kultur ekipamenduaren espazio banaketa berri bat egiteko besterik ez dela izango eta kultur etxearen proiektuak espazioaren eta aurrekontu duen potentzialitateari ez zaiola zukurik aterako.

Kultur etxean herriko zerbitzu kultur zerbitzu guztiak zentralizatuko dira (Liburutegia, KZ gunea…) eta era berean kultur arlo langile guztiak (7 inguru) batera lan egingo dira, eta hori positiboa eta garrantzitsua da. Gainera, Gizarte Zerbitzuetan dagoen azpiegitura gabeziari ere erantzungo lioke eraikin berriak.

Bestalde, kultur etxearen pisua ikusita langile berrien beharra egongo da eta alde horretatik Udalaren asmoa gerentzia bat jartzea omen da.

Ados agertu dira, gerentzia bat jartzea ez litzakeela irtenbiderik onena eta bestelako soluzioak beharko liratekeela (Dinamizatzailea, langileen funtzioen aldaketa, langile polibalentea…).

2. Ereduari buruzko eztabaida

Ereduari buruzko eztabaidan, ados agertu dira kultur eredu parte hartzailea bultzatzea,elkarteon elkarlana, kultura berritzailea eta euskararen zentralitatea bezalako baloreen aitortzean

Honela,  hainbat kezka eta arrazoi azaldu dira Urretxu eta Zumarragako kultur kudeaketa aztertzean:

• Urretxu eta Zumarragako kultur kudeaketa, baliabide eta programazioen deskoordinazioa.
• Bi Udalen arteko gaur egungo harremana lankidetzarako oztopoa da.
• Elkarteon eta kulturgintzan gabiltzanon ahulezia, nahikoa dugu gurea aurrera ateratzearekin.
• Elkarteon sormena eta ideiak aurrera eramateko antolaketa, azpiegitura, tresna eta batzutan sinismen falta.
• Kultur eskaintza eskasa (Kantitatez eta kalitatez) eta desorekatua. (Disziplinei eta adin tarteei begira).

3. Gure proposamena: Kafe Antzokia

Orokorrean Kafe Antzokia kultur etxean kokatzearen ideia ona eta interesgarria dela aipatu da, hala ere, hona hemen, Kafe Antzokiaren ideiaren inguruan eztabaidatzean aipatu diren aldeko arrazoiak eta oztopoak, besteak beste:

Aldekoak:

• Aipatutako kultur ereduarekin duen koherentzia.(Partehartzea...)
• Elkarteontzako tresna garrantzitsua (Elkar ezagutzeko, ...)
• Euskararen normalizaziorako eta euskaldunon elkargunerako.
• Herriotako kulturgintzarako motor papera izan dezake.
• Kafe Antzokien zirkuituan sartzea.
• Espazio fisiko bat izatearen garrantzia

Oztopoak:

• Agian berandu gabiltza proposamenarekin, obren deialdia oso aurreratua dago eta presa du Udalak.
• Kafe Antzokia kudeatzeko ereduaren bilaketa.
• Kafe Antzokiaren eskaintza eta Kultur Etxearen arteko funtzionamendua nola lotu (Deskoordinazioa sor daiteke...).
• Kafe Antzokiaren eskaintza eta herriotako kultur eskaintza nola koordinatu.

4. Proposamena adostu

Gaiaren sakontasuna eta kafe antzokiaren proposamenaoraindik zehaztu gabe zegoenez, beste bilera bat egitea egokitzat jo da. Bilera horretan adostuko dira urrats berriak. Bilera bi aste barru egitea erabaki da.

Honen ondotik, Kultur Errota Lan Taldeak honako konpromisoak hartu ditu:

1. Alderdi politiko guztiekin bilerakegingo dituzte euren proposamena azalduz.
2. Hurrengo bileran alderdi politikoekin izandako bileren berri emango da.
3. Hurrengo bilerarako Kafe Antzokiaren kudeaketarako eredu zehatz bat ekartzea
   

 

Pasa den larunbateko bileraren berri agertu da aste honetan. Horrez gain, Kultura batzordeburuaren esandakoei buruzko gure iritziak ageri dira. Ez da helburua polemika antzurik sortzea, gure borondatea soilik proposamen bat plazaratzea izan da eta hori bultzatzeko nahia.

Guretzat ideia interesgarria da, eta sinestuta gaude, eta horren inguruan eztabaidatu beharko litzatekeela uste dugu.

Hedabideetan azaldu dena duzue hemen:

• Goierriko Hitza
  

Asteburu honetan hedabide desberdinek Zumarragako Kultura Batzordeburuaren erantzuna argitaratu dute Kultur Errota Lan Taldeak egindako ekarpen eta proposamenari.

Hona hemen:

• Goierriko Hitzan
  
• El Diario Vasco-n
  

Goierriko Hitzako webgunean inkesta bat jarri dute Kultur Etxean Kafe Antzokia egitea gustatuko litzaigukeen galdetuz..

Sar zaitez inkestara