opus nigrum

Bueno, bueno… Bekatariak konfesatu behar izaten dira, eta ni konfesatu beharrean nago. Aste asko izan dira, gehiegi, tarte honetan bizi seinalerik eman ez dudala. Nolabait justifikatze aldera, aitortu behar dut Cardozo gaztea gurera ez zetorrela jakin nuenean hasi zela dena. Arritmia bortitz bat jasan nuen, gorputza dardarka jarri zitzaidan eta Fuentesen izena hamaika aldiz madarikatu nuen.

Orain, ordea, gainditua dut trauma latz hori, bizipoza berreskuratu dut. Bai, iritsi da opus nigrumeko hautsak berriz harrotzeko ordua.

Baten bat suziriak jaurtitzen ariko da une honetan bertan, Ama Birginaren mirakulu hau bedeinkatuz.