Urgazi Triatloi Taldea

Mendi-lasterketa zaleek gozatu ederra hartu zuten atzo Anbotoko I. Kilometro bertikalean. 5 kilometroko ibilbidean 1000 metroko malda metatua gainditu behar izan zuten korrikalariek. Gogorra, oso gogorra  omen da lasterketa, antolatzaileek eurek web orrian azaldu dutenez. Izan ere, Bizkaiko mendi ospetsuenaren magaletik abiatu eta bide zuzenena hartuta, goia hartu behar zuten parte-hartzaileek.

11 emakumek eta 154 mutilek hartu zuten parte guztira. Mutiletan Raul Garcia izan zen garaile, 42 minutu eta 22 segundoan egin zuen bidea. Nesketan, berriz, Alizia Romero izan zen azkarrena, 54 minutu eta 38 segundoko marka eginez. Elgoibartik hiru bat lagun izan ziren, Pilar Arriola ere tartean (sailkapena moldatu egin dugu, gizonezkoen eta emakumezkoen postuak bereiz emateko).

Neskak:

Postua	Izena	Denbora
11	Pilar Arriola	1:10:53

Mutilak:

Postua	Izena	Denbora
16	Iñigo Lariz	46:35
89	Asier Arrieta	57:31

Sailkapen osoa: http://www.brinean.com/KILOMETRO_V/Castellano/Clasificaciones.htm

Bideoa: http://www.gara.net/bideoak/anboto/