Pyrenea, neguko triatloi gogorra

---

Aurreko igandean, martxoaren 30ean, PYRENEA triatloi proba jokatu zen Frantziako Pirinioetan. Pauetik Gouretteko pistetara bitartean, hiru proba egiten dituzte korrikalariek: korrika, bizikletan eta mendi eskia. Aurten ere, Jendetxa taldekoek ez dute hutsik egin.

Lehen zatian, 17km egin dituzte korrikalariek Pauetik Rebenac herrira. Ondoren, 40 km bizikletan Rebenacetik Gouretteko pistetara. Igoera gogorra da, 1.000 metroko desnibela eta tartean %13ko maldak baitaude. Azkenik, 7 km mendi eskian, eta 700 metroko desnibela tartean.

Proba honen berezitasuna da kirolariek bakarka ez ezik taldeka ere egiten dutela lasterketa. Elgoibartarrek esan digutenez, giro herrikoi nabaria izan dute, gazte, nagusi, emakume eta gizonak elkarren kontra giro onean lehiatu baitira.

Imanol Santosek bakarrik ekin zion proba osoari, eta Arkaitz Iruretak esan digunez, “bera izan da zezenari adarretatik eusten ausartu den bakarra” . Taldekako atalean, bi taldek hartu zuten parte: Jendetxa 1 taldean Ibon Gabilondo lasterka, Ion Urbieta bizikletan eta Gaizka Astorkiza eskian aritu ziren; Jendetxa 2 taldean, berriz, Aber Arriaga korrika, Aitor Romera bizikletan eta Arkaitz Irureta eskian.

Horiek animatzen makina bat elgoibartar izan ziren eta txalo zaparrada eta oihu artean laguntza handia eman zieten guztiei.

Gustura ibili dira eta datorren urtean ere aurtengoa hobetzeko asmoz joango dira Gourettera.

Proba	Modalitatea	Korrikalaria	Denbora	Postu Partziala
Bakarka	Korrika	Imanol Santos	1:13:15	20
	Bizikleta	Imanol Santos	2,06,18	111
	Mendi Eskia	Imanol Santos
Jendetxa 1	Korrika	Ibon Gabilondo	1:12:25	15
	Bizikleta	Jon Urbieta	1:52:2	61
	Mendi Eskia	Gaizka Astorkiza	54:57	48
Jendetxa 2	Korrika	Abel Arriaga	1:41:50	133
	Bizikleta	Aitor Romera	1:57:30	74
	Mendi Eskia	Arkaitz Irureta	43:03	11

Sailkapen osoa: http://jfcouf.club.fr/triathlon.htm