Otsailaren 16an jokatu zen Euskadiko koparako puntuagarria den
hirugarren proba http://www.emf-fvm.com/DetalleActividad.aspx?id=6
Oraingoan Kataluniaraino joan behar izan dute parte-hartzaileek; Vall
Fosca izeneko haran zoragarrira, izen bera duen lasterketan parte hartzeko. www.openvallfosca.com
Proba hau bikoteka egiten da, eta bikoteko bigarren kideak eginiko
denbora hartzen da kontuan. Era honetako probetan garrantzitsua da bi
taldekideen arteko laguntza. Lau Elgoibartar izan dira proban: Iker Leonardo,
Joseba Elustondo, Iñigo Lariz, eta Arkaitz Irureta.
Ia bi aste elurrik bota gabe eta uda giroko tenperaturak izan ostean, elur
gutxi eta kalitate eskasekoa espero genuen. Hala ere, antolatzaileek bete-betean
asmatu zuten lasterketaren nondik norakoan, eta esperotako 1600 m-ko desnibela
barik, 1800 m-tik gorako desnibel positiboa eta 1400 m inguruko desnibel
negatiboa izan genituen. Oso lasterketa polita, baina gogorra.
Antolatzaileen lana handia izan da ibilbide osoan eta tarte zailenetan,
esaterako, jende asko zegoen laguntzen. Bi tunel pasatu genituen, eta antolatzaileek
dena elurrez bete zuten eskiekin pasatu ahal izateko. Eguraldia ere zoragarria
izan zen. Tenperatura egokia, bero gehiegirik ez, eta jaitsieretan “baixada amb
neu pols”, elur hautsa.
Lasterketaren ondoren La pobla de Segur-en bideo emanaldia, afaria eta
material zozketa izan ziren zen. Antolatzaileek proposatuta hainbat ibilbideren
bidez ingurua ikusi genuen igandean. Ikusgarria benetan.
Hurrengo erronka Euskadiko koparen azken txanpa izango da: martxoaren 1ean
eta 2an, Europako Mendietan, bikotekako Andres Regil sarian (http://www.travesiaregil.com/ ). Hala
ere, elgoibartarrak itxaron zerrendan daude oraindik.
Web ofiziala: http://www.openvallfosca.com/
Albisteak: http://www.barrabes.com/revista/articulo.asp?idArticulo=5574
Beste berri bat ere bai. Alberto Agirreazaldegi elgoibartarrak Rajalta
Rajalle izeneko lasterketan hartuko du parte datorren hilean, Laponian. Border
to border (B2B) izeneko lasterketa Errusiako mugatik Suediako mugara ipar
poloaren mugetan egiten den iraupen eskiko proba ezagunena da.
440 km egingo dituzte 7 egunetan.
Eguraldi hotza espero dute eta are zailagoa izango da erronka. Animo eta eutsi
goiari!
Iruzkinak
Utzi iruzkina: