Urretxu Zumarragako Bertso Eskola

Atzo gauean, martxoak 2, hasi zen Martxoan Bertsoaren 5. edizioa The Intrepid Fox tabernan jokatu zen herriko bertsolari txapelketako kanporaketarekin.

Bigarren kanporaketa gaur gaueko 23:00etan jokatuko da Motz tabernan. Bertan lau taldek parte hartuko dute: Klasikoak, Motozaleak eta Ginz-Ginz-Ginz, Bioladores del vertso eta Egin Kantu.

Klasikoak: Ojan, Eros eta Ganuza. Hiru hauek ia bide luzea egin dute txapelketa honetan, duela bi urte txapela lortzeraino. Esperientzia handiko taldea.

Motozaleak eta Ginz-Ginz-Ginz: Manex, Asier Auzmendi eta Aitor Lizarazu (Ginz). Iazko bi txapeldunei beste txapeldun ohi bat gehitu zaie, Ginz. Bertsoera freskoa eta sakontasuna uztartzen dituen taldea.

Bioladores del vertso: aurreko edizio guztietan azken kanporaketan kantatu ondoren, aurten lehen asteburuan finkatu nahiko lituzkete finalerako euren aukerak. Bi zumarragarrek zestoarra izango dute taldekide berriro ere.

Egin Kantu: Amaia Iturriotz, Edurne Plazaola eta Gorka Azkarate. Bertso eskolako eta Martxoan bertsoko alma materrak haurren bertso eskolako bi neskatilen laguntza izango du gaur.

Kanporaketa honetan ere giroa gori-gori egongo da. Egin zuen apustuak!!