Bueno zelan doiez oporrak?? Ba espezialistok elegante gabitz...atzo anbotora fan gitzen eta marin kobazuluen eon gitzen. Bista elegantiak daz bertan, baina Mari ez gauen inun ikusi e, nahiz eta bertan nahiko pertsona bildurgarri eon, Antton, Joxerra, Urrutia, Iñigo, Iker eta neu Iñaki!! Ala ba oin eztauket denpora haundirik hemen idazteko...monitore eta espezialistak afaitxen dabitzen bitxartien ni lanien nau...baina lanien be gogoratzen naz zurizaz eta bertako jentiaz e... Ala ba ondo segi ta zintzuak izen!!
Hemen gaz danok ibilaldixa hastiar...emuten dau sekula eztouela ogi bat ikusi, danok ogixai begira gabitz eta.
Hemen danok anboto puntan!!
Hemen ia anbototik beherutz, beitu Iñigo ahuntzak moruen!!
Hemen ia marin kobarutza...
Hemen kobazulorako bidien...
Antton
Iker (Betiko moruen posetan)
Urrutia
Iñigo (Profesionalak moruen)
Joxerra bere maskuria husten...
Hemen ia bueltan... Ta argazki hontan betiko moruen Ikerrek atentziñua deitxu biedau eta beste danak zintzo zintzo dazen bitxartien bera kirkilak topetan dabilela emuten dau...
Bueno atzenien igo dot bidixua google- videora hainbat buruhausten ostien baina bueno...hau da informatika!! Ala ba espero dot danon gustokua izetia e!! Argazkixek kalitate asko galtzen daue eta aber konpontzen doten hori zelabaitx...
Aurten Xabi Arenaza jaunak hongo pila bat jasoitxue ta horren ondorioz begirale eta espezialistak honguak jateko aukeria euki dou. Earrak euzen e... pentsau Joxerrak bere platerrekuakin nahikua ez eta ingurukuetatik lapurrien ibili zan...bromia da e!! Eskerrik asko Xabi!! Xabin ezizen barrixa PREDATOR!!! Kar kar kar!! Ondo segi eta jarraitxu hemen idazten e!!!!
Gaur azken eguna izanik, goiza lasai hartu dugu. Gosaldu
8,45etan egin dugu. Bukatzerakoan maletak egitera joan gara (9,30ak aldera izan
da). Gauzak jaso, gelak hustu eta 11ak aldera inkesta betetzera joan gara.
Ondoren txandan zehar ateratako argazkien bilduma ikusi dugu. Bazkal aurretik
ohiko argazkiak atera ditugu eta 13etan bazkaltzera joan gara. Autobasarekin
13,30 eta geldituta geunden baina aurrez etorri da eta gu prisa gabe ibili
gara.14ak aldera atera da autobusa etxeruntz. Ordurako
Unai,Eñaut,Iñazto,iñigo,Iker, Antton eta Aitor Otsagi aldera abiatuta zeuden
tirolina montatzeko. Guztiok Zuaztin elkartu eta etxeruntza abiatu gara.
Autobus gidaria nahiko azkar ibili denez Eskoriatzara arratsaldeko 6,30etarako
iritsita zegoen. Azkarregi, beraz bertan denbora egiten egon gara. Hala eta
guztiz Aretxabaletara azkarregi iritsi gara eta zenbait guraso iritsi gabe egon
dira. Iñazto eta Iñigo gelditu dira bertan.Arrasaten azkenekoak utzi eta
Almenera joan gara furgonetak deskargatzera. Aurtengoa ere bukatu da.
Gaur ere eguraldi ona,
orain arte egun beroena izan dugu. Goizeko 8,30etan gosaldu dugu. Aktibitateak
egin ditugu. Aurreko egunean bi talde eskaladan izan zirenez gaur bi talde kobara
joan dira. Eta hirugarrena erreka jatsiera egitera. Eguna apartekoa izan denez
aktibitateak ere horrela irten zaizkigu. Txanda bukatzeko ezin hobeto. Koban
izan diren taldeek galeria berri bat aurkitu dute, oso ikusgarria iruditu zaie.
Egia esan ekarri dituzten argazkiak horrelakoak izan dira. Datorren urterako aztertu
behar da gai hau nola planteatu, igoera ez omen da nahiko erraza eta.
Gaur mendira joateko eguna aukeratu duguna. Goizean goizetik
eguraldi bikaina, beraz aktibitate berria eiteko oso ondo. Nekea nabari da,
goizean jaikitzea kosta egin zaigu baina 8,15etarako gosaltzen ari ginen.
Motxilak prestatu, eta bi bidaietan denok Linzako aterpe aurrean. Mendira
abiatzeko goizeko 9,40ak ondo joak zeuden. Aukeratutako mendia Atxerito(Mallo
de Atxerito). Ibilaldia Gamuetako basoa, plana de Diego, bertan lehen
geldiunea, zerbait jateko.
Aurrez Aiertek buelta eman behar izan du. Txalotzekoa izan da
bere jarrera, nahiz eta mina izan berak aurrera egin nahi zuen. Aitorrek eta
Iñigok lagundu dute kanpineko bidean.
Hainbat geldiune egin eta elurretan nahiko jolas egin ondoren
arratsaldeko 3etan iritsi gara tontorrera. Bistak izugarriak ziren, eguraldia
primerakoa. Ordu bete tontorrean, argazkiak egin, bokata jan eta berriz
berantza. Abiatutako talde osoa lortu du tontorrera iristea, bikain. Beherakoa
errazago egin dugu eta 6,30etarako askaria egiten aritu gara. Ondoren
lasai-lasai beste ordu erdi batean furgonetara.
Azpimarratzekoa izan da talde osoa batera ibili garela, ez dugu
gure arteko diferentzia handirik izan.
Afaltzeko: Entsalada eta Barazki purea/Oilaskoa patatekin
Eguraldi nahiko argiaz esnatu gara. Entzierroa ikusi eta
gosaltzera joan gara. Gaurko berriz aktibitateekin jarraitzeko asmoa dugu.
Zenbait lesionatu ditugunez medikuarengana joatea erabaki dugu. Horrela Unaiek,Iker,
Eñaut, eta Aiert eraman ditu Isabako medikuarengana. Txanda hartu behar izan
dugunez goizeko 11,30etarako eman digute, beraz kobakoak eskaladakoekin batera
ibili behar izan dute. Hirugarren taldea erreka jetsiera egitera joan da. Eta
aktibitate honetan ere beste lesionatu bat izan dugu, makurtzerakoan belaunean
min hartu du. Errekatik atera eta hau ere arratsaldeko 6ak aldera berriz
Isabara medikuarengana.Gauza handirik ez!!.
Besteok oso gustura ibili dira.
Afaria: Paella/Solomoa patatekin/Mousse de limon delakoa.
Goizeko 8,30etan gosaldu dugu. Ondoren Orientazio Proba egitera
joan gara. Eguna lainatua esnatu da baina hasera ondo portatu da. Proba Linzako
aterpetik hasi dugu. Goiz erdian izugarrizko zaparradak botatzen ekin dio, hasieran
aurrera egitea erabaki badugu ere ikusita nola jartzen ari zen suspenditu behar
izan dugu.
Bi talde basoan sartuta zeudenez nahiko kostatu zaigu
lokalizatzea baina eguerdirako denok geunden kanpinean. Bertan kafesne edo
kolakao beroa hartu, dutxatu eta bokatak jatera joan gara ondoko aterpera.
Arratsalderako pelikula bat ikusteko asmoa izan dugu eta
horrela prestatu dugu dena. Baian eguraldia jaso egin duenez gehienak kanpo
ibiltzea erabaki dute. Tartean Zaragozako talde baten aurkako futbol partida
ere izan delarik.Giroa eskasa izan da, haserrealdi ugari etab. Baina enpantean
bukatu dugunez gaitz erdi. Pelikula ikusten asko jota 10bat gazte izan dira.
Afaria: espaguettiak/albondigak/Yogourta
Afal ondoren talde bat futbol zelaian jolasean ari zirela
mutiko batek banku baten kontrako talka izan du. Kolpea nahiko handia izan
denez medikura eraman dugu. Sustoan gelditu da.
Jaiki gara mendira joateko asmoarekin baina gosaltzerakoan
eguraldiaren inseguritatea dela eta plan aldatzea erabaki dugu. Mendira joan
beharrean aurrena buelta txiki bat eman eta ondoren tirolina muntatuko dugun
ingurura bertaratu.
Neska-mutilak Tatxeraseko artzai txabolak aldera joan diren
bitartean tirolina muntatu dute.
Eguerdiko 12ak aldera etorri dira bueltan neska-mutilak baina
eguraldi nahiko ona zegoenez aurrena errekan bainatzea erabaki dute.
Tirolinan denek parte hartu dute 4 neska mutiko izan ezik.
Aurten istripu txikiak izan ditugu bi monitore eta haur bat sokarekin erredurak
izan dituzte. Gauza larririk ez baina zaindu beharrekoak.
Arratsaldeko 6ak aldera kanpinera etorri gara eta bertan
jinkana txiki bat antolatu da. Ondo atera da eta gustura ibili dira.
Aurreikusita genuen moduan 8,30etan gosaria. Ondoren egin behar
genituen ekintzatan banatu gara: Erreka jeitsiera/ Eskalada/ Koba.
Eguraldia paregabea izan dugu. Neska-mutilak oso gustura ibili
dira. Koba taldeak bainatzea aurreikusita zegoen putzura joaterakoan ura oso
hotza zegoela eta Tatxeras aldera etorri dira eguzki-begi baten bila. Bestalde
koban barruraino ezin izan dira sartu ur-putzu ugari zeudelako.
