Lizartzan (II)
Beste behin Lizartzan. Beste behin PPko lotsagabeek inbadituta duten herrian. Oraindik gogoan dut: orain gutxirarte bi bandera zeuden udaletxeko balkoitik zintzilik, haizearekin batera dantzan: euskaldun guztion ikurriña eta Lizartzako bandera. Bi horiekin batera, preskoak etxeratzeko eskatzen duen beste bat, preso eta iheslari askoren argazkiekin batera. Iritsi zen ordea PP. Eta jarri zuen aurreko bien gainetik Espainiako bandera, eta kendu zituen presoak etxeratzeko eskatzen duen banderola eta preso eta iheslari askoren argazkiak ere. Herritarren nahiz kanpotarren kexuak ez ziren nahikoak izan. Hor jarraitu zuen Espainiako banderak. Abenduaren 6an erre zuten arte. Espainiarren konstituzioaren egunean erre zuten arte. Eta iritsi zen horren jarraian Regina Otaola alkatea ere. Eta kendu zituen Espainiako banderaren arrastoez gain ikurriña eta herriko bandera ere. Ez da ezer ageri orain Lizartzako Udaletxean.
Iruzkinak
bernardo bidaola 2007-12-20 18:08 #1
Regina horrek (izateagatik, ez da Lizartzakoa, ez hara aldatua, ezta han bizitzeko gai ere), Espainiako sasi-demokraziak eskaintzen dizkion (eta etxeko batzuk uzten dioten) tresna eta azpijokuak baliatuta, Lizartzako alkate baino, "erregina" edota "gobernadore" izendatu du bere burua, herritarren nahiari izkin eta muzin eginez.
Regina angelorum? bai zera! Regina Fascistorum!
amen-ik ez!!!!
Txirrita
Naparra
Ina
herriko preso, errefuxiatu eta errepresaliatu guztiak ere
xaun 2008-01-15 17:25 #2
Aurtengo udaran 10 urte beteko dire "herriaren zaindariek" Lizartzako emakume borrokalari bat tiroz hil zutela. Honatx duela urte batzuk haren omenez (pertsonalki ezagutu ez banuen ere) idatzi nuen olerkia:
ZURE TAUPADAK, ASKATASUNAREN ERRITMOAN
Ahotik ahora zabaldutako berria,
aztoratuta dago Lizartzako herria...
Udarari hegoa moztu diote,
izerdi hotza bizkarrean... ba ote?
Ina, herriko alaba kuttuna
arnasgabetu dute
gure herriaren ustezko zaindariek,
gorrotoa bertute
duten sasikume odolgabe horiek...
Ba ote?
98ko balazorroek lege usaina zuten,
jauntxo modernoen ahotsa
besterik ez zuten entzuten;
bitartean, Inaren bihotza,
bihotz haundi eta eskuzabala
inondik ere,
beste taupada sinfornia batean
murgildua, libre...
Ina Zeberio
gure artetik eramaten
saiatu zen Herio;
alferrik, ordea:
zure oroitzapenari
bizia dario...
eta gure bihotzetan zaitugu gordea.
Gugan irauten duzun artean
biziko zara, Ina,
ez baita hiltzen joaten dena
ahaztua dena baizik
Ezagun, adiskide, senide, lagun, burkide Ina
haundia da zu ezagutu izanaren atsegina,
Euskal Herria maite zenuen
eta Euskal Herriak maite zaitu
Zure ametsek eta ekinbideak
eraindako haziak
askatasuneranzko bidean
lore eder bat utzi digu,
eta borrokaren lekukoa
ez da eskuzurtz geratu.
Gugan bizi zara, Ina
ez baita joaten hiltzen dena
ahaztua dena baizik.
Zure bihotz haundi
eta eskuzabalaren taupadek
askatasunari erritmoa
jarri diote.
Adiorik ez, Ina:
Garaipena arte!
2002-V-30
Liz Artza 2008-01-23 19:58 #3
Datorren aste bukaeran, urtarrilaren 25-26-27an, Lizartzan inauteriak ospatuko dituzte, Regina Angelorum-i gustatu edo ez!!!
Danok Lizartzara! Presoak ere, etxera!
Liz
Utzi iruzkina: