ametsen atzetik nabil hegan

Berdea: itxaropena, gorria: pasioa Denak du kolorea, zelakoa da askatasuna? Urdina behar du izan, zeruak bezala, txoriek bertan libre ematen baitute. edo agian zuri izango da, edo beltza, inmensidadea eta ezereza aldi berean. Askatasunaren kolorea jantzi nahi dut, eta inoiz ez erantzi, azala bailitzan. Soilik era honetan jakingo dut zer den urdina usaintzea, zuria dastatzea, beltza ukitzea, denak ikusi eta entzun… Zentzu guztiak bizi ditut, askatasuna, osotasunean, sentitzeko gai izateko.