Gorroto ditut muxu gezurtiak, ilusioa pizten dutenak, eta geroago aurpegian ukabilkada ematen dutenak. Hitz hutsak, belarriak loraz betetzen dituztenak bihotzera heldu ezinik, izaera faltan. Jasotako laztan galduak, inkontzienteko ahazten ditugunak oroitzapen ona ez direla eta. Mintzen duten gezurrak...
Gorroto ditut zure koldarkeria eta zure zinizsmoa, hainbatetan antzeztu duzun erru sentimendua, lotsa. Horren beharrik ez duzu inoiz izan... Zure jolas krudela, erantzunik eza. Erakutsi duzuna ikusi ote dudan galdetzen nabil gaurkoan ere, kale estu hutsetan galdurik, zuk marraztutako gezurrezko planoari kasu eginik oraindik. Alaitasun izpirik gabeko irripar okertuak agertzen zaizkit, pailazo beldurgarriak. Eta korrika irten nahi dut baina ezinezkoa zait, joan zinenean oinak lurrera iltzatu zenizkidalako...
Gorroto zaitut... agian maite zaitudalaren seinale, hori pentsatu izan dut beti, gorrotoa eta maitasuna gauza bera dira, sentimendu berdinak eta emozio ezberdinak... gorroto zaitut ahaztu nahi ez izate honek min ematen duelako.
"Oso gustuko dut amestea, ametsek momentu batean desiratzen duzuna nolabait bizitzeko aukera ematen dizute, ametsek ilusionatzen gaituzte eta ilusio edo desirak praktikan jartzeko indarra eta gogoa eman diezagukete. Nork ez du amets goxo bat izan noizbait eta esnatzerakoan gauza bera amesten jarraitu nahi izan? Ametsak, errealitate birtuala dira, teknologiarik gabeko errealitate birtuala, itxi begiak eta ireki adimena eta irudimena!"
Erantzunak
Nork: astrozoro.2008/01/06 13:08:45.317 GMT+1
Alde batera edo bestera, baina bizirik sentiarazten zaitu
Nork: joksu.2008/01/07 17:35:49.941 GMT+1
Nork: ....2008/01/15 11:00:16.743 GMT+1