Basquing in the sun

OIANONE «Munduyan ezta gauçaric hayn eder ez plazentic, nola emaztia guiçonaren petic buluzcorriric» (Mossen Bernart Detchepare) Gelan sarthu ginenean Guerditan, ilhunean, Munduan egin zan mutu Zuten izarrek kantatu, Biok etzan ginenean. Oianone! Oianone! Gau hunetan zaitut ene Larru legun eta zuri, Bulhar samur, sabel guri, Nire neska Oianone. Ezti bakhanez bethea Zure matxantto maitea Urtzen zan ene ahora, Zabalik lore antzora Eta gozokiz bethea. Zure baratzeko borthan Arrotz batek jo du. Bertan Sarbidea emaiozu Zama bat baithakar pisu, Ez dezazula utz borthan! Gauko oihanetan lasterka Zure gainean zaldizka, Behor zalhu eta bizkor, Gau-bideetan gaindi, mozkor Banaramazu lasterka. Ezpain likhits, esku lizun, Atseginetan jakintsun, Bulharretik belhaunera Haragi biok ikhara, Jauzten zaitut, neska lizun! Hiltzen naizela dirudi: Batetan mila su-ziri, Ene burmuinetan sarthu... Botz-uhinak uzten gaitu Hilik garela irudi. Egin du irri Ilhargiak; Hesten zaizkiola begiak Neskatilak erraiten dau Esker onetan othoitz haur, Dantzularik Ilhargiak: «Gora izan hadi, Suge, Hi haizenik ene Rege, Hi haizenik ene Jainko Gau huntan eta bethiko, Urrhe-buztaneko Suge! Hathorkit berriz laztanik; Janhari gozo badut nik Ene baratzean are Ezti gehiagorik Hire, Bil ezak berriz laztanik». Suge laztana nekhatu Zan, ordea... loak hartu... Ezti-loreetan etzanda Atseden hartzen ari da, Gaixoa baita nekhatu. Ene maitea, moxu bat Has dezantzat bertze hainbat! Sugea baitatza lotan Indarren bihurtzekotan Oi! emaiozu moxu bat... (Jon Mirande, 1930) http://www.armiarma.com/baroja/baro04.htm Eta, Oianonek, lanean ari denean, eta bere lana mekanikoa denean, erraz igaro dezake ametsetan eguna, gaueko sugearen zain. Eta zerbaitek, nahi gabe, bere bular punta ikutzen badu, mahaiak esate baterako, zirrara zabaltzen zaio uhinetan handik bere gorputz guztira, zure atzamarraren puntak ikutzen duenean bezalaxe, txokolate.

Barka poemaren ahalpaldiak ez direlako ondo ageri idatzita (ustez ondo jarri ditut bertsoak zatituta, baina, antza, robota naiz eta ez dakit asko informatikaz). Jarritako web-gunean daukazue ondo.

Rumi ezizeneko poeta sufi Afghanistarrak, Jelaluddin Balkhik (1207 Irailaren 30ean jaioa) halan idatzi zuen, Kamasutraren hatsetik gertukoa begitandu zait (eta aspaldi eskegi nuen hementxe http://www.vc.ehu.es/e-hizkuntza-t/Prolegomenoak#_Toc43109932):

Maitale izatea: Goizaldeko Pitxi-gorria

“Goizaldeko Errubia”

 

Goizeko izarretan,

Eguzkiak irten baino aurretixe, maitale-maitatuak esnatu dira

Eta ur zurrutada bat edan dute.

 

Emakumeak dio, “neu maite nauzu ala zeure burua gehiago?

Benetan, esadazu egia”.

 

Gizonezkoak dio, “Ez da nigandik ezer lotzen.

Pitxi-gorria bezalakoa naiz goizeko printzen begitan jarria.

Harria ote da ondino, ala mundu bat

gorriz egina? Ez baitu jazartzerik

eguzkiaren argiari.” (...)