Ondarroako udal gestorak berriro ekin dio Errenteriako lurretan poligono industrial bat eraikitzeko proiektuari. Bere asmoa, poligonoarekin batera, Eroskiren zentro komertzial erraldoi bat egitea da. Non eta Ondarroak industriarako dauzkan lur bakarretan! Azken finean, ez dakigu poligonoa industria sortzeko den, edo Eroski Ondarroara ekartzeko.
Gure taldea Errenterian poligono industriala egitearen alde dago, zelan ez! Baina poligono horrek herrian dauden enpresak sendotu eta berriak erakarri eta lanpostuak sortzeko izan beharko luke. Ostera, Eroski erraldoi bat ipinita, herriko denda askok itxi egin beharko dute, lanpostu piloa galduko dira eta herriak bizitasuna galduko du. Gainera, Eroskik ekarriko duen kontsumo eredua jasan ezina izango da (kotxearen erabilpena, baserritar eta arrantzaleei prezioak inposatu, publizitate agresiboa...).
Horretaz gain, proiektu honekin aurreikusten da Errenterian orain dauden enpresei euren fabrikak botatzea, espazio txikiagoa ematea eta fabrika berriaren kostu asko eurek ordaintzea. Baina zelan ordainduko dute enpresa hauek euren fabrika berriaren eraikuntza, asko krisiak jota badaude?
Itxura denez, krisi ekonomikoari aurre egiteko Ondarroako udal gestorak daukan plana Errenteriako enpresak kiebrara eramatea eta denda txikietako langileak kaleak uztea da. Horren trukean, galduko direnak baino lanpostu gutxiago eta prekarioagoak sortuko ditu Eroskik.
Geuk ere Errenterian industria modernoa ezartzea nahi dugu, argi daukagulako hori dela lanpostu duinak herrira ekartzeko modu bakarrenetarikoa. Baina horrekin batera, Errenterian eta herrian gaur egun dauden lanpostuak ere babestu eta defendatu behar dira.
Plan Bereziak Errenteriako enpresak kolokan jartzen dituela salatu dute
Ekonomia Berriatuko eta Ondarroako hautetsi independentistek alternatiba ekonomiko eta soziala aldarrikatu dute
Berriatuko eta Ondarroako hautetsi independentistek eredu
ekonomiko eta sozial alternatiboen aldeko apustua egiten dutela
adierazi dute. Horrela, Errenteriako industrialdearen inguruan
Berriatuko Udalean egon zen eztabaidaren inguruan egiten duten
hausnarketa publiko egin nahi izan dute.
Prentsaurrekoan plazaratu dute hautetsiek euren hausnarketa.
«Gure aldetik, argi laga nahi dugu Sprik proposaturiko hitzarmenari
ezetza esaten diogula baina industrialdea egitearen aldekoak garela»,
adierazi dute berriatuarrek. Ez dute bat egiten momentu honetan arau
horiek erabilera finkatzeko dituzten irizpideekin. «Arau horiek
erabilera komertzial handia egiteko aukera ematen dute une honetan, eta
ez dugu pentsatzen erabilera hori denik garrantzisuena. Gure ustez,
industrialde batek, kasu honetan Errenteriakoak,enpresa txiki eta
ertainen industri jarduerari eman behar lioke lehentasuna, holakoa
baita momentu honetan bertan dagoen jarduera nagusia eta inguruko
enpresa txiki eta ertainek behar dutena».
Udalen jarrera
Ondarrutarren ustez, «Berriatuak herria entzuteko eta kontuan
hartzeko borondatea» dauka, eta Ondarroako Udal Kudeaketa Batzordeak,
ostera, ez: «Gestorakoek, ezkutuan eta isilpean,herritarrei bizkarra
emanez, kanpoko interes ekonomiko jakin batzuei erantzunez, beraien
neurrira egindako Plan Berezia dihardute prestatzen». Industrialdeari
eta Eroskiri baietza emateko asmoa jada hartuta daukala leporatzen
diote. «Zeregin horretarako, Eusko Jaurlaritzako SPRILUR sozietate
publikoaz baliatu nahi dute, bertako industri enpresak desjabetzeaz
kanporatzeko planteamenduagaz, eta ia 60 lanpostu inguru desagertzeko
arriskuan jarriz». Horietxek dira, Ondarroako hautetsien iritziz, Plan
Bereziaren planteamenduak kolokan jarriko dituen lanpostuak, «eurentzat
berkokatzeko aukerarik ez delako aurreikusten. Beraz, ondorio larriak
ekarriko dituen jarrera da, testuinguru ekonomikoak aintzakotzat
hartuta». Beste datu bat ere eman dute. «Errenteriako poligonoan
Eroskik hartzen duen espazioa ezingo da erabili industri jarduera
berriak sortzeko edo Ondarroan hain beharrezkoa den industria
berkokatzeko».
Eztabaida premia
Berriatuako hautetsien esanetan, «eskualde osoaren etorkizunean
eragingo duen eta epe luzera eginda dagoen proiektu baten prozesuak»
alde guztien arteko eztabaida sakona eta informazio argia izatea
eskatzen du, «horren erantzule zuzenak direlarik udala moduko
erakundeak».
Orain arte, informazio eza eta presioa egon direla salatu dute
berriatuarrek. «Horrek zalantza asko sortarazten ditu, eta presa eta
presioak ez dira lagun onak horrelako proiektuen gainean erabakitzeko».
Alternatibak eta aukera ezberdinak egon badaudela diote, inguruan
bertan, Markina-Xemein eta Gizaburuaga aitatuta.
Ondarrutarrek euren aldetik gogoratu dutenez, eskualdean
mugimendu indartsua sortu da herri bizitasunaren eta eredu ekonomiko
eta sozial alternatiboen alde. «Sindikatu, arrantzale, ekologista,
nekazari, dendari, alderdi, gazte erakunde eta beste hainbat
herritarrek hainbat arrazoi eman dituzte Eroskiren merkataritza gune
handi baten kontra».
Besteak beste, Eroskik egin nahi duen moduko saltoki handiek herrietako sare sozialak deuseztatzen dituztela salatu dute.
a. alkorta
Herenegun iluntzean, Berriatuko udaletxean batzar informatiboa
egiten zen bitartean, Ondarroako herritar talde batek Errenteriako
industrialde berrian Eroskiren saltoki handirik ez eraikitzeko exijitu
zuen. «Azken urte hauetan, Lea-Artibai eskualdeko herrietan mugimendu
sozial indartsu bat eratu da saltoki handien kontra eta herri
bizitasunaren eta eredu ekonomiko eta sozial alternatiboen alde».
Herritar horien esanetan, «arrazoi asko» daude lur horietan
Eroskirik ez egiteko. «Saltoki handiek herrietako dendari txikiak lanik
barik uzten dituzte, eta ondorioz, herriek hilda amaitzen dute».
Halaber, Eroskik Errenterian eskainiko duen zerbitzua dagoeneko
inguruko herrietan eskaintzen dela argitu zuten. «Lanpostuak kentzeaz
gain, beste lanpostu prekario batzuk sortuko ditu Eroskik, aberastasuna
kontzentratuz eta eskualdetik kanpora lagaz».
Saltoki handiak lehenengo sektorean ere eragina edukiko duela
aurreratu dute herritarrek. «Komertzio gune handiek arrantzaleen eta
nekazarien produktuei prezio desegokiak ezartzen dizkiete, eta
ondorioz, gure nekazaritzaren eta arrantzaren etorkizuna kolokan
jarriko dira».
Autoz joateko gune «handia»
Merkatal gune berriak okupatuko duen lur eremua ere
«gehiegizkoa» dela salatu zuten atzo. «Espazioa ezingo da erabili
Ondarroan hain beharrezkoa den industria berria sortzeko».
Faktore horiei guztiei beste bat gehitu zieten atzo Berriatuko
udaletxe aurrean elkartu ziren herritarrek. «Gune berri horretara
joateko autoa beharrezkoa da, eta ondorioz, errepideetan zirkulazioa
handituko da, eta azkenean, ustez dirutan aurrezten dena erregaietan
eta aisialdian gastatzen da».
Horrez gain, saltoki handiek herrietan dendarien, erosleen eta
kaleko beste pertsonen artean sortzen diren sare sozialak deuseztatzen
dituztela salatu zuten.
ZER: Elkartaratzea, EROSKiren zentro komertzial berri baten aurka NON: Berriatuako Udaletxe aurrean NOIZ: 2009ko martxoaren 24an, martitzena, arratsaldeko 20.15
EROSKIrik BARIK HOBETO!
2009ko martxoaren 24an, martitzena, Berriatuko Udalbatzak bilera egingo du 20.30etan eta bertan, besteak beste, Ondarroako Errenteria auzoko poligono industrial berria onartu edo ez erabakiko da.
Poligono berri horretan EROSKIk zentro komertzial handi bat ipini nahi du. Eta Ondarroako Udal Kudeaketa Batzordeak poligonoari eta EROSKIri baietza emateko asmoa jada hartua dauka.
Horrexegatik, martxoaren 24an, martitzena, arratsaldeko 20.15etan Berriatuko Udaletxe aurrean elkartaratzea egingo dugu, Eroskirik barik hobeto gaudela aldarrikatu eta Berriatuako zinegotziak zentro komertzial erraldoi horren kontrako jarrera hartzera animatzeko.
Azken urte hauetan Lea Artibai eskualdeko herrietan mugimendu sozial indartsu bat eratu da zentro komertzial handien kontra eta herri bizitasunaren eta eredu ekonomiko eta sozial alternatiboen alde. Sindikatu, arrantzale, ekologista, nekazari, dendari, alderdi, gazte erakunde eta beste hainbat herritarrek hamaika arrazoi eman dituzte Eroskiren zentro komertzial handi baten kontra. Eta martitzenean ere arrazoi horiek errepikatuko ditugu Berrituan:
Zentro komertzial handiek herrietako dendari txikiak lanik gabe uzten dituztela, eta herriek hilda amaitzen dutela.
Errenteriako Eroskik eskainiko duen zerbitzua jada badaukagula gure herrietan ere.
Zentro hauek lanpostu prekarioagoak sortzen dituztela eta aberastasuna kontzentratu eta eskualdetik ateratzen dutela.
Komertzio gune handiek arrantzaleen eta nekazarien produktuei prezio injustuak ezartzen dizkietela, gure nekazaritza eta arrantzaren etorkizuna kolokan jarriz.
Errenteriako poligonoan Eroskik hartzen duen espazioa ezingo dela erabili Ondarroan hain beharrezkoa den industria berria sortzeko.
Zentro komertzial hauek kotxea erabiltzera derrigortzen dutela eroslea, errepideak gehiago saturatuz, kutsadura gehiago sortuz eta, azkenean, ustez dirutan aurrezten dena erregaietan eta denbora librean gastatzen dela.
Zentro komertzial erraldoiek herrietan dendarien, erosleen eta kaleko beste pertsonen artean sortzen diren sare sozialak deuseztatzen dituztela, kontsumismo masibo eta indibidualista bat bultzatuz.
Horretaz gain, salatu nahi dugu administrazioek (eta batez ere Ondarroako Udalak) proiektu hau sekretismorik handierakin daramatela aurrera, eta ez diotela kasurik ere egin azken urte hauetan EROSKIren zentro komertzial erraldoiaren aurka sortu den mugimendu sozialari.
Entzun dezatela gure aldarrikapena: GURE HERRIAK BIZI-BIZIRIK NAHI DITUGU! EROSKIRIK BARIK HOBETO GAUDE! ZENTRO KOMERTZIALIK EZ!
La gestora ha encargado a Sprilur que
gestione un proyecto que ocupará una
superficie de 80.000 metros cuadrados
La Sociedad para la Promoción de Suelo y Construcciones Industriales,
Sprilur, prepara un nuevo plan especial para impulsar definitivamente
la puesta en marcha del polígono industrial de Rentería, en Ondarroa.
La entidad, adscrita al Departamento de Industria, Comercio y Turismo
del Gobierno Vasco, se encargará de desarrollar todo el proceso
necesario para impulsar el primer área industrial de la localidad desde
que la gestora (PNV) asumió hace más de año y medio las riendas del
Consistorio.
Errenteriarako plan berria prestatzen ari da Sprilur eta udal biei aurkeztu die
Berriatuko eta Ondarroako udalek PERI berriari buruz erabaki egin behar dute; Errenteriako lantegiek ez dakite ezer.
Errenteriako industria gunea garatzeko Barne Antolaketarako Plan
Berezi berria (PERI modura ezagutzen den dokumentua) prestatzen ari da
Sprilur sozietate publikoa. Lehen proposamena landu dute jada, eta
Ondarroa zein Berriatuko udal ordezkariei aurkeztu zieten pasa den
abenduan.
Proposamena aztertu eta lehenengo oniritzia ematea zegokien,
ondoren, udal biei. Berriatuko Udalari dagokionez, abenduaren 22an
egindako osoko bilkuran «Errenteriako poligonoa garatzearen alde»
agertu zen udalbatza. Baldintza bat ezarri du, hala ere: «Berriatuko
lurretan industriarako erabilpena izan dezala, eta ez merkataritzarako
erabilpena».
Ondarroako Udal Kudeaketa Batzordeak gaiaren gainean ezer erabaki ote duen ez du publikoki argitu, momentuz.
Euskal Herriko zenbait herritan alarma piztu da. Dendariak oso
arduratuta azaldu dira, saltoki handiak edo hipermerkatuak egiteko
dauden proiektuak ezagututa. Eusko Jaurlaritzak egindako Saltoki
Handien Legearen Berrikuspenak hautsak harrotu ditu gainera. Noraino
luza daiteke hipermerkatu baten itzala? Hori jakiteko hipermerkatua
eraikiko duten herri batera jo dugu, Ondarroara (Bizkaia), eta bertan
garbi esan digute: “Merkataritzarik gabe, bizitzarik gabeko herria
izango da”. Desertua itsasertzean, alegia.
Jose Allende ekonomia aplikatuko katedradunak saltoki handien
inguruan idatzitako txosten batean (Manu Robles-Arangiz Institutuak
argitaratua) ondorio argigarriak eskaintzen ditu “hiper” ereduaren
inguruan: hiri jasangarrien kontrakoa da, enplegua deusezten du eta
produktore txikien distribuzio kanalak desegiten ditu, monopolioa
sustatuz.
«Ondo atera da». Aurreko egun eta asteetan edukitako ezinegona kendu, eta Errenteria auzoan egin nahi den saltokiaren aurkako kanpaldiaren gaineko balorazio ona egin dute antolatzaileek. Pozik daude egindako lanagaz eta jasotako erantzunagaz. Jarraitu HEMEN
Berrian Mieltxo Monfort-ek:
(...)Aipatu leloa baino Zerua horitzen ari da dioena nahiago dut nik, Ondarroako gazteek aukeratutakoa beste multinazional baten aurka egiteko: ondarrutarrek ez dute nahi uda urdin horrek edo euskal kooperatibismo handiak bultzatutako merkataritza gune handi batek herri horren etorkizuna hipotekatzea. Are gutxiago urdintzea. Dena irakurri HEMEN
Hona hemen akanpadako egitarauaren nondik norakoak:
Uztailak 7
14:00- Akanpalekuaren zabalera (300 bat pertsonentzako lekua egongo da) Arratsaldean- Musikherriaren rock maratoia eta Sorkun.
Uztailak 8
10:00 - Gosaria.
11:00 - Hitzaldia: Kapitalismoa eta multinazionalen eragina.
12:30 - Tailerrak: Akuilu nekazari gazteek tailer bat
eskainiko dute. Eragile berri honen sorreraz ere mintzatuko dira.
Bestetik, sabel dantza tailerra ere izango da.
16:30 - Txikizioaren inguruko mahai ingurua. Besteak beste
Itoitzko solidarioek, AHTaren aurkako koordinadorak, gaztetxe eta gazte
asanbladetako kide batek eta Eguzkik hartuko dute parte.
17:30 - Bertsolariak.
19:30 - Manifestazioa eta ondoren ekitaldia.
Ondoren kontzertuak: Zea Mays, Pal' Keli (O'Funkillo ohiak) eta Etsaiak
Egun guztian zehar: azokak, titiriteroak, bokatak, umeen jolasak,
trikitilariak, zirkua, gaztelu puzgarriak, funbolin erraldoia...
Ondarroan Eroskik merkatal zentru handi bat egin nahi du. Honek, beste leku askotan gertatu den modura, herriko bizitasuna eta herritar askoren lanpostuak deustestatuko ditu. Bestetik, sortuko dituen lanpostuak prekarioagoak eta gutxiago izango dira.
Horretaz aparte, Eroskik okupatuko duen lurra Ondarroan lana sustatzeko duen lurzoru bakarra da. Eroskik ez digu etorkizuna hipotekatuko.
Ondarroako udal gestorak berriro ekin dio Errenteriako lurretan poligono industrial bat eraikitzeko proiektuari. Bere asmoa, poligonoarekin batera, Eroskiren zentro komertzial erraldoi bat egitea da. Non eta Ondarroak industriarako dauzkan lur bakarretan! Azken finean, ez dakigu poligonoa industria sortzeko den, edo Eroski Ondarroara ekartzeko. 
