Lehortetik ihesi

Niri bost pornografiaren zaporea eta filmetan isuritako odola.

Trixtea: Linternak kandelari eman dion ostikoa eta linterna zelan itoko den gerora, bere kabuz.

Italieraren begi urdinak eta gauaren beltza.

Pantailako pixelek harrapatzen ez duten espresio insinuatzaile hori eta harrapatzen dituzten milaka gauza ezgauza.

Letrak eta zenbakiak eta letrak eta letrak. Eta taxuzko ezer ez.

Gogorra: Kontrabandoan ibili behar hori, jakin barik, bihar, zilegi denean, ez zaiola inori interesatuko.

Gose direla diotenak egarri dira. Ez da inor gose, baina, denek diote egarri direla.

Negar egitearen kontu hori ez da hiztegian agertzen.

Mina sentitzeko arrazoiek linealak behar omen dute. Atxiki didazun izerdiak ez du geometriaz ulertzen, ordea.

Inork ez du geometriaz ulertzen.

Nik ere ez.

Sexua parabolikoa da. Plazera maldan behera dator. Doa.

Estratan barna doa hankak oteaz urratuz. Orain artean bezala eta aurrerantzean egingo duen moduan, odoltsu.

Bihar ere iratzargailuak joko du, zurean eta nirean.

Enbor beretik kimu berdinak.

Bizi zirkularra.

Niri bost pornografiaren zaporea.