EUSKARAZOAK

Badirudi blogetan idazten dugunok gero eta inportanteagoak bihurtzen ari garela. Internetak eta interneten erabiltzen diren tresnek, sekulako aukera ematen digute gure gauzak lau haizetara zabaltzeko, eta gainera era demokratikoena,   ia denok interneteko konexioa daukagu eta.

Ez da gauza makala, orain edonork bere gauzak azaldu ditzake blog baten bitartez, eta edonork irakur ditzake besteak idatzi duena eta horretaz gain iradokizunak ere bidal daitezke besteak esaten duena komentatzeko. Horrela interneten edukiak aberatsagoak dira eta gero eta gertuagoak, blogetan agertzen istorioak gu bezalako beste batzuek idazten dituztelako.

Gaur Blogosfera ( interneten dauden beste tresna batzuk bezala) hedabide indartsu bat bihurtu da eta horregatik hedabide klasikotik gero eta arreta gehiago lortzen ari da.

Horrela izateagatik edo, beste egunean, nire blogan erantzun bat jaso nuen. Maitena zen mezua bidaltzen zidana eta EITBtik deitzen zidan. Proposamen bat  zeukan eta telefonoz azalduko zidala. Berehala deitu nion eta hauxe proposatu zidan: Saio berri bat antolatzen ari dira eta nire kolaborazioa eskatu zidan. Katalunian arrakasta handia izan duen saio antzerako bat egiten ari dira. Kontua da euskal familiek beren eguneroko bizitza filmatzea. Bi astetan zehar protagonistek, beraiek, bideo kamara digital txiki batzuk erabiliz, euren errealitatea filmatuko dute. “Aniztasuna, originaltasuna, benetakotasuna eta naturaltasuna bilatzen da era positibo, entretenigarri eta atseginenean”.