Exin Castillos, Jostailu berreskuratua

Orain dela ia 50 urte sortu zen "Exin Castillos" izeneko jostailua...
Kartoizko kutxa bitxien barruan plastikozko pieza pila zetozen "mila eta bat gaztelu" edo gehiago egiteko...
Urte askotan jostailu oso popularra izan zen, eta saltoki guztietan zegoen salgai.
Baina denboraren poderioz bere zorte ona itzali zen, belaunaldi berriak beste eratako jostailuen bila baitziren.
Azkenean 90. hamarkadan "Exin Castillos" klasikoak bere ateak itxi zituen. Hala ere mende berriaren hasieran enpresa berri bat saiatu zen "Exin Castillos" martxan jartzen, eta lauzpabost urtez iraun zuen gaztelu berriak saltzen, baina honek ere amore eman zuen eta "Exin Castillos" jostailuaren fabrikazioa gelditu omen zen betirako.

Segur aski nik bezalako adinetako askok jostailu zoragarri honekin jolastu zenuten noizbait.  Aurten etxeko ganbaran garbiketa bat egiten nintzenean kutxa zahar topatu nuen...Kutxa zabaldu eta ze sorpresa...hor zeuden almenak, gazteluko ateak, teilatuak, leihoak, adreiluak... segituan gogoratu nintzen piezekin base batzuk zetozela gazteluak gainean eraikitzeko... baina tamalez base horien arrastorik ez...orduan pentsatu nuen interneten zer edo zer topatuko nuela eta sarean sartu nintzen informazioaren bila.
Nire sorpresarako, "Exin Castillos" jostailuaren harira bizi-biziko mobida topatu nuen.

Izan ere, nahiz eta zarata handirik ez egin exin-zale amorratuak badabiltza interneten beraien eraikinak erakusten eta "Exin castillos" jostailuari buruz azken berriak zabaltzen.
Web pertsonaletan edo foroetan plastikozko adreiluekin eginez gazteluak ez ezik, katedralak, jauregiak, monumentu klasikoak eta abarrak ikus daitezke.
Eta bitxiena da enkante-orri famatuenetan gertatzen ari dena.  Plastikozko piezak, batez ere zaharrenak  txoratzeko prezioetan saltzen dira eta... urrez eginda dirudite...eta kutxa zahar berezi batzuk, pieza bitxi eta esklusiboak dauzkatenak 1000 eurotan baino gehiago trukatzen dira.
Azkenean furixara berri-zahar honek harrapatu nau eta gazteluz-gaztelu nabil azken bolada honetan. Poliki-poliki pieza gehiago lortu ditut eta gero eta eraikin handia eta konplexuagoak egiten ari naiz. Hona hemen nire azken gazteluak, ea gustatzen zaizkizuen!!