Eskerrik asko Belen

2007/03/27 09:47:45.811 GMT+2

Atzo pasatu zen Korrika Txorierritik. Derion korritu egin nuen kilometro bat, euripean eta jende askorekin (ordua eta euria kontuan hartuz). Kilometroa amaitu eta kotxera. Eta handik Larrabetzura, Artola ondoko markesinara. Txorierriko azken kilometrora. Pankarta kotxetik atera, lorak, dantzariak, organizazioko furgona lotu, 200 pertsona baino gehiago zain, ...

Belen Gana, Txorierriko AEKko arduraduna, AEKko beteranoa, beterano-beteranoa. 30 urte Txorierri euskalduntzen eta alfabetatzen. Korrika honetan emakumeei omenaldia egin behar zitzaien. Hori dela eta, Txorierriko batzuei okurritu zitzaie(gu)n Beleni omenaldi sorpresa egitea. Esan eta egin. Euskararen inguruko saltsa guztietan ibili da (eta dabil), Derioko Tximintx elkartean, Aikor aldizkarian, ...

Eta Olga Loroño. Larrabetzuko irakasleak ere badaki zer den Korrika antolatzea. 12 urte daramatza Txorierriko AEKn eta berari ere aitorpena egin zitzaion atzo, sorpresa ere. Oso une hunkigarriak bizi genituen atzo Txorierriko mugetan.

Lehen bi argazkiak aikor.com-etik hartuak.

Azken argazki hau larrabetzu.org-etik hartua.

Nork: garaigoikoa.2007/03/27 09:47:45.811 GMT+2
Etiketak: txorierri korrika15 belen aek korrika omenaldia | Permalink | Erantzunak (1) | Errenferentziak: (0)

Erantzunak

Saiatu naiz mezua editatzen eta mezu hau sartzen, baina ezin izan dut. beraz, erantzunetan sartu behar.

Txepetxatik pasa naiz ni ere, irakasle gisa, pare bat urte. Eta Belen arduradun. Tximintx sortu eta bera ere eragile eta partaide. Lan asko egin du eta egiten ari da. Protagonismorik gura barik, lan zikina, beti euskara normalizatzearen alde. Maite zaitugu Belen, benetan. Musu asko eta jarraitu, oraindik lan asko dago egiteke-eta.

Nork: txerra.2007/03/27 12:10:05.051 GMT+2
http://www.blogak.com/garaigoikoa