Garaigoikoa

Agindu legez, bi termino horiek definitzen saiatuko naiz.

Hizkuntza soziologia: terminoa Joshua Fishman-ek amsatu zuen. Izenak dioen bezala, hizkuntza soziologia soziologiaren adarra da, besterik ez. Hizkuntzaz arduratzen den soziologiaren adarra, hain zuzen ere.

Soziolinguistika: termino honek bi adiera ditu nagusiki. Adiera hertsiaren arabera, soziolinguistika hizkuntzalaritzaren adarra da, hizkuntzak jendartean dituen arazoez arduratzen dena: adibidez, argotak, haur hizkera, soziolektoak,  klaseen artean dauden hizkuntza aldaerak, ...
Adiera zabalaren arabera, soziolinguistika anabasa bat da, bertan sartzen baita hizkuntza eta gizartea  harremanetan jartzen duen oro. Eta horren barruan egongo lirateke: ikuspegi soziologikoa, gizarte psikologiarena, etnografikoa, antropologiarena, ...

Espainia mailan soziolinguistika unibertsitate giroan  hizkuntzalaritzaren  adarra gisa hartzen da, baita wikipedian ere. Euskal Herrian, berriz, bigarren adiera hartzen da nagusiki. Adibidez, Soziolinguistika Klusterra, UEUren Soziolinguistika saila, Eusko Jaurlaritza ... Katalunia aldean ere adiera honekin hartzen da terminoa.

Honen aurrean zer? Nik hizkuntza soziologiaren aldeko hautua egiten dut. Nire ustez, soziolinguistikan gailentzen den ikuspegia soziologikoa da. Horrek ez du esan gura bestelako diziplnak ez direnik kontuan hartu behar: psikologia, etnografia, antropologia, ingeniaritza, politika, zuzenbidea, ... Baina tresna gehienak soziologikoak dira.