Mikrosupremazismoak #kontzeptugisa

Supremazismoa (hizkuntza-supremazismoa nahi bada) ideologia bat da, aurreiritziz betetako ideologia hobeto esanda. Honen arabera, hizkuntza batzuek beste batzuek baino balio gehiago dute zenbait egoeretarako.Gainera, ustezko dohain horiek ez daude lotuta arrazoi politiko, sozialei, ez; hizkuntza bakoitzaren egiturari lotutako dohainak dira antza. Gehiago sakontzeko irakurri Moreno Cabreraren edozein liburu, hau adibidez.

Matxismoa dago eta matxismo horren ondorioak egunerokoan pairatzen dituzte emakumeak (eta beste batzuk ere). Batzuetan gordin-gordin eta beste batzuetan, berriz, ezkutuago. Eta ezkutuago diren horiei, naturalizatutako bortizkeria forma horiei, ikusiezinak diren horiei mikromatxismo deitu diete. Nik #kontzeptugisa mikrosupremazismoak proposatzen dut.

Eskertuko nituzke mikrosupremazismo adibide batzuk, artikulua hobeto ilustratua gera dadin.