Goierriko AHT Gelditu! Elkarlanaren bloga

Azken asteotan zorigaiztoko ustegabe bat izan dugu,”ustez” AHTren aurkako den alderdi batetako gazteriak azpiegitura honen aurkako ekintza bat gaitzetsi baitu. “Ustez” diogu, alderdi berbera Euskal “Y”ari nafar korridorea deitua gehitzeko eskatzen duen hautes zerenda baten parte baita, Euskal Herrietan abiadura haundiko zatia 200km izatetik 400km baino gehiagokoa izatera iragango litzateke. Aldiberean, alderdiko idazkari nagusia behin eta berriz nafar korridorea aldarrikatuz ibili da. Horrela ba, ez da ziurra AHTren aurkako ekintzak gaitzesten dutuzten horiek benetan beronen aurkakoak ote diren. Gai honek are garrantzitsuagoa den beste bat planteatzera garamatza: batzuek AHtren aurkako ekintza eta mobilizioak babestera daramatzana ez al da izango gehiago interes partidista bat benetako aurkakotasuna baino? manifestuak izenpetuz nolabaiteko onurarik eskuratzeko esperantzarik al dute? AHTren aurkako borroka ezinbestean,neurri haundiago edo txikiago batean, bizi garen gizarte ereduaren gaineko hausnarketa kritiko bati lotua dago. AHTren gatazka soilik trenbideen kudeaketa arazo batetara murrizten bada, borroka honi bere oinarrizko izaera lapurtzen ari zaio. Bestalde azkenaldian PNV-EA-PSOE bultzaten dituzten lan guztietara zabaltzen ari da borroka antidesarrollista. Lekeition, Bakion, Getxon edota Mutrikun txikizioaren aurkako gero eta jarrera gogorragoa dago: barianteak, harrobiak, supeportuak, hazkunde urbanistikoak...Guzti honen aurka gaitzespen moralak ez du balio, borrokatu egin behar da. AHT parte bat da... Txikitzaileak txikitu.