* BIZIPoZ KuTSAKOrrA

Ez da erraza baina ideiak hegan joan aurretik harira joango naiz, hona hemen niri buruzko bost sekretutxo, gehiago egongo dira.

Nolabait "ohitura" bihurtu denez, kirolarekin hasiko naiz:
1. Kirola aipatzean, ia guztiok futbolarekin hasi zarete. Nork ez dio ba baloi bati hainbat eta hainbat ostiko jo? Nori ez zaio kotxe baten azpian baloia ez atzera ez aurrera geratu?
Hortik profesionaletara pausu handi bat izan arren (bai ezta, Iñigo?), gure pausua erdibidean geratu zen eta Ikastolako "Multikiroletan" iritsi ginen izarren ligara, pentsa, 13 bat urterekin, Gipuzkoako txapeldunorde geratu ginen garaian eskolartean zegoen futbol talde mixto bakarra ginen Iturburuko 6.Bkoak...
Bestetik, pinponean ere aritu naiz (ez da broma ez, ez nabil katxondeoan, udako arratsalde asko pasa ditugu lehian), eskubaloia eta saskibaloian gure abenturatxoak izanak gara, igeriketako urteetan ere, ez ginen ito...
 Baina kirola kirola gaur egun: Bizikleta gainean bizi dut, astean bizpahiru aldiz goizeko 8tan Spinninera joaten gara lagun bat eta biok (bai, Eibarren moral eta iniziatiba dosiak saltzen dituzte!).
Eta ez hori bakarrik! asteko 4 egunetan (garaiaren arabera 3 izan daitezke) dantzara joaten gara, 3 urte genituela hasi ginen Kezkan. (15. urtea hortaz).  Dantza Tradizionala Kirolaren txokoan sartzea delitua dela onartzen dut, baina Kulturaren itzalean makina bat kamiseta izerditutakoak gara, ez al da hala Oier?
Kirolik onena, lagunartekoa, beti.

2. Gaixo nagoen (eta egon naizen) bakoitzean zorteduna sentitzen naiz. Askoz ere konfiantza handiagoa baitaukat Farmazia eta Kimika munduan baino, orain dela 50 urte erabiltzen zituzten teknika tradizionaletan. Horretarako irakasle bikaina daukat etxetik gertu,beti,  umeen super heroi den Songokuren pare daukat amona.

3. Gizakiaren lagunik onena txakurra baldin bada, ni mundu honetakoa ez naizelakoan nago. Txuri, Argi, Pintto, Beltz, Max eta Has....guztietatik, geroz eta urrunago, hobe.

4. Lurretik normalena baino gorago ibiltzen banaiz (fisikoki diot, egoa tarteka...ejem:P) sekulako ondoez sentimendu txar eta nahasi bat sortzen zait nire barrenean. Ez zaizkit alturak gustatzen, abioietan oso gaizki pasatzen dut, eskiatzen, telesillan igo beharreko uneak amaigabeak egiten zaizkit, balkoietan eta leihoetan, sustorik ez mesedez!....

5. Lagunak, familiak, inguruak, momentu bereziak, jaiak, une goxoak...horrelako zerrenda amaigabeek sentimendu berezi bat sortzen dizkidate (hezur eta haragizkoa naizela ematen du...).
Baina badago Zerbait edo Nonbait, (egunen batean nik aukeratutako hitzik aproposenekin azaltzen saiatuko naizen sentimendua) "aparte"ko leku batean dagoena, bihotzean kanpamendu base tinkoa eraiki zuena, eta ez da inoiz hortik joango. Hori nire herria da, (Bilbotarrak baino okerragoa naizela diote sarritan) herria baino gehiago,  honezkero ongi jakingo duzuenez, Eibar da. Eibarrek bere osotasunean sortzen didan sentimendu kuttun hori azaltzea ezinezkoa egiten zait momentuz. Baina saiatuko naiz...
Horretarako, Eibarren bizitzeaz gain, Eibar bizi behar duzu!


Zure txanda da orain...