* BIZIPoZ KuTSAKOrrA

        Ordenagailua itzali dezakezu oraingoan, zaila da baina ordu batzuz bada ere, ez da ezer gertatzen (Ekhi, ez, ez da ezer gertatzen).
          
        Noizean behin haizea hartzea ere ez da gaizki etortzen. Haizea airea izan daiteke, egokitua askotan, tabernetako keak  (eta beste hainbat efektuk) hurrengo egunean eragina izaten baitute. Gogorra izaten da hurrengo eguna, baina merezi du.

       Pantailaren beste aldean dagoenak ere ordenagailua itzali du. Hezur eta haragizko norbait dela frogatzen duzu, askotan, bihotza gorputzean kabitzen ez zaien horietakoekin topo egiten duzu. Ez da pantailarik, ez arratoirik, ez auskalo zenbat hizkiz osatutako teklaturik behar. Ahotsa eta umorea %110 izatearekin nahikoa da.

       Biter Kas, kolakaua eta ura bera ere edaten dutenek ere, haizearen eraginagatik agian, Ginebra, Kalimotxoa edo auskalo zein nahaste nahiago izaten dute ordenagailutik urruntzen diren heinean.

       Orduak winzipak baino gehiago murrizten dira horrelakoetan, baina lasai, merezi izan du, teknologia berriek lagundu egin zaituztela konturatuko zara, eta asko gainera.

       Momentu horietan, izotza ere urtuz doa, bai, izotza; ez, ez da Ginebraren edalontzian botatzen duten izotz dozena, Untzaga plazako izotz pista da. Frogatuta geratu zen, Errege gaua bezain magikoak dira hurrengo eguneko bixamonak.

       Horrelako gauetan ez da patiñikan behar izotz gainean ongi pasatzeko. Urtzear zegoenak ere, tinko eusten dio pantailaren inguruan berriketan aritzen direnen txutxumutxuak entzun bitartean.

     Oroitzapenak argazkietan grabatuta gelditu dira, eta argazkiak flickerrera bidean, patiñekin edo patin gabe, ordenagailuarekin kontaktua berriz hasten da.



                      ...ta bihar ere, hemen izango nauzu...