Baga, biga, bloga!

Ezagutzen dituzu. Traje eta gorbataz beti -egoki da eta zuzen- “zerbait” direlakoan, gizajoak. Gustuko dituzte jatetxe garesti bezain diskretoetako oturuntzak, lan bazkariak, alegia; konpromisozkoak, badakizu. Eta gero putetxera. Zuk eta biok ordaintzen dizkiegu bazkari garestiok. Eta putak, putak ere bai. Mespretxatzen (*) zaituzte, irakurle, zuk haiek beste. Ez; oker nabil, zuk haiek baino gehiago, zati bat gehiago.

Larritasuneraino perfumaturiko arima erakutsiz, igande goizean Meza Nagusira joango dira emazte eta seme-alabak inguruan dituztela.

____________________________________________________
(*) Mespretxatu aditza hautatu dut; baduzue, ordea, aukera zabala beste ordezko bat nahi izanez gero:

despreciar vt.

·      1 mespretxatu, arbuiatu, erdeinatu, gutxietsi, nardatu, apaletsi, oinperatu

·      2 desestimar: gaitzetsi, aintzat ez hartu

·      3 injuriar, deshonrar: laidotu, iraindu, deshoratu

·      4 rechazar: iraitzi, ezetsi