MAIATZEKO KRONIKA I

OATXIS EGUNA Egun ederra!!
2006ko I. Oatxis eguna gogoratuz paseora bueltatu ginen, Txatxamurke Komandoaren deialdiari erantzunez. BOU-a errekan eta BOU-a zubipean; BOU itxurako baltsa ikusgarrian jaitsi ginen ibaizabalen behera, larrialdietako kanoaren laguntza ta guzti. Nahi baino gehiago kostatu zitzaigun lehorreratzea, baina BOUkoen kontzertua entzuteko denboraz heldu ginen behintzat!! Kamiseten zozketa egin eta arratsalde ederra pasatu genuen punk doinuek girotuta.
 


HIP HOP EGUNA
Kartelean genioen moduan, berbaz bete genuen gaztetxea hip hop egunean. Denetarik izan genuen Karabien eta giro ederrean pasatu genuen asko tasko luzatu zen eguna...
  Grafiti tailerrarekin hasi genuen eguna, eta gehienok (Aupa Eli!!) artistak ez garela argi geratu zen arren, honetan ere defendatzen gara harriketarrok. Bertso Hop saioa itzela izan zen, luzaroan gogoratzeko modukoa!! Bertsolariek eta gai jartzaileek ikuskizun ederra eskaini ziguten, barre ederrak bota genituen eta bazkalosterako aukera paregabea izan zen. Soul Flavas taldeko dantzariak etorri ziren ondoren, gasteiztarrek break dance erakustaldi-ikastaroa eskaini ziguten, gaztetxean horrelako zerbait egiten genuen lehen aldia zen eta sano gustora geratu ginen ikusi eta ikasitakoarekin. Ninja swing!!! Harriketarrap!! ikuskizuna izan zen hurrengo emanaldia, hain gustokoa dugun irrati formatoa erabilita rap musikara hurbilketa bat egin genuen, abestiak zuzenean bertsionatuz!!
Amaitzeko, Norte Apache taldeak kontzertu bikaina eskaini zuen, gaztetxeko giroa pil pilean jarriz eta egunari amaiera biribila emanez.