Apirila zen eta hala ere elurra ari zuen Istanbulen. Mezkitetan sartzeko erosi nuen pashmina buruan ondo bilduta neraman.
Mehmetek gauza interesgarriak kontatzen zizkigun, bere herrialdeari
barre egitea gustuko zuen. Begira gizon guztiak, tabernan, lanik ez dagoelako
kexuka, eta begira hor emakumeak, lanean egun osoan, gelditu gabe.
Guk ere egiten genuen barre.
Norbaitek galdetu zion: Mehmet, zergatik daude Turkiako banderak balkoi guztietan zintzilik?
Kurduengatik, esan zuen, pasa den astean, beren ospakizun batean, gure banderak erretzen ibili ziren. Eta ezin dugu hori onartu, ezta? Ezta?
Apirila zen eta hala ere, elurra ari zuen Istanbulen
Erantzunak
Nork: Amaixa.2009/01/20 12:12:46.621 GMT+1
Ni irailean egon nintzen Istambulen, Ramadana zen gainera, eta aitortu behar dut ez nuela horrelako herrialde zoragarria aurkitzea espero.
Betirako geratu zait sartuta bihotzean hiri maitagarri honen zati bat baita jendea ere.
Ni dena-den, oso kritikoa naiz kurduekin egiten ari direnarekin, guztiz onartezina da. Eta gehien harritu ninduena kurduz beterik eta hauek gure borroka politika ondo ezagutzen dutela izan zen.
Nork: sergio.2009/02/24 17:25:11.803 GMT+1