Seko nazkatzen nau mendi punta batera igo eta hilerri bihurtu dela ikusteak. Jendeak, antza, uste du maite duen pertsona baten heriotza oso gogoangarri dela mundu guztiarentzako, eta are uste du hori nahikoa arrazoi dela guztiona den ondare naturala izorratzeko. Tontor eta magal asko eta asko daude hilarriz, plakaz eta gurutzez josiak.
Kuriosoa da, mendia hainbeste maite omen duten horiexek dira mendi hori bera zikintzen eta desitxuratzen dutenak
Hori dena etorri zait burura, azken inbentzio xelebre hau irakurri dudanean. Kontxo, ulertzen dut futbol taldeek edozein bide bilatzea dirua lortzeko. Ulertuko nuke Realak ere ideia hori hartuko balu, ez dago-eta dirua oparitzeko moduan. Baina, ez al da urrunegi joatea? Ez al da ehorzketen kontua gehiegi fribolitzatzea?
Eta, are gehiago.. hildako batzuen gainean eserita egotea gustuko izango al dute zaletuek? Eta, bestalde, hildakoak jasaten hasita, ez al da nahikoa zelai gainean txuriurdinez jantzita dauden hildako moduko batzuk pairatu behar izatea?
.
Erantzunak
Nork: patxi lurra.2008/10/08 05:55:34.589 GMT+2
www.asapala.org/mahatsorriak/patxilurra
Patxi,
jokalariei etengabe pisua arintzen ibiltzeak ez du zentzurik. Ez naiz ni izango jarraitzaile txuriurdinaren berotasuna defendatuko duena. Baina, larunbatean adibidez, ez zegoen zaletu bero askorik Sevilla Atletico pizteko, eta begira...
Nork: Lutz Long.2008/10/08 09:26:54.886 GMT+2