Musu truk

GEU

  

Irakurle maiteok:

 

Gabonak hurbiltzen dira eta festetan zure lagunak aho-zabalik utzi nahi badituzu gomendatuko dizugu gabon Zaharreko afarirako edo Eguberriko bazkarirako pintxoak prestatzea.

 

Hori dela eta aldizkariaren zenbaki honetatik aurrera eta urtarrila arte bai sukaldari onenetariko batek egindako pintxo baten errezeta, bai mahaia ondo apaintzeko aholkuak, bai ontziteria berriari buruzko inrformazioa aurkituko dituzu.

 

Emango dizugun informazioa interesgarria eta erabilgarria izan dakizula espero dugu..

 

 

--------------------------------------------------------------------- 

 

TORTILLA “LA UNION” (bost pentsonentzat)

 

 

Jatetxea: La Unión

Helbidea: Plaza Berria 4, Gasteiz

Sukaldaria: F. Javier Maeztu

Osagaiak:

 

9 arrautza

Txorrotada bat esne

Kilo erdi patata, gutxi gora behera

Ekilore olioa

Gatza

 

Eskukada bat ziazerba

Baso bat oliba olio

Baratxuri ale bat edo bi

 

Tomate bat

 

150 gramo bakailao

Piper berde bat

Bi piper gorri

Kipula bat

           

kostua:  17€

 

Prestaketa:

 

Tortilla hau egiteko, ordena  honetan jarriko ditugu lau parte hauek: patata-tortilla, alioli saltsa ziazerbekin, tomatea eta bakailao-tortilla.

 

Lehenengo eta behin, baratxuria zuritu, txikitu eta oliba oliotan sartuko dugu, olioak baratxuri zaporea hartzeko. Patata-tortilla egiten hasiko gara: patatak zuritu, zatitu eta gorrituko ditugu ekilore oliotan. Patata egiten den bitartean, bost arrautza irabiatuko ditugu esnearekin eta gatz pizka batekin. Patata eta arrautzak nahastuko ditugu eta zartaginean ekilore oliotan patata-tortilla egingo dugu. Buelta eman eta platerean jarriko dugu.

 

Bigarren partea alioli saltsa izango da, baina ziazerbekin. Horretarako, baratxuriekin geneukan olioa ontzi batean ipiniko dugu, baratxuririk gabe, eta arrautza bat eta gatz pitin bat erantsiko diogu. Saltsa aioli irabiagailuarekin egingo dugu mahonesa saltsa bezala. Bukatzeko, ziazerbak gehituko ditugu saltsan eta azken pasada emango dugu irabiagailuarekin. Saltsa hau zabalduko dugu patata-tortilla gainean.

 

Jarraian, hirugarren geruza prestatuko dugu: tomatea.Tomatea zuritu eta xerretan zatituta alioli saltsa gainean jarriko dugu.

 

Bukatzeko, bakailao-tortilla prestatuko dugu:  Kipula eta piperrak gorritzen jarriko ditugu eta eginda daudenean; bakailao ere botako dugu. Ez da komeni bakailao  denbora luzez izatea gorritzen. Segidan, hiruzpalau arrautza irabiatuko ditugu eta bakailao -tortilla egingo dugu. Hori da gure azken geruza, beraz, besteen gainean jarriko dugu.

 

Hona hemen gure tortilla “La Unión”. On dagizula!

 

 

 

TURISMOA PINTXOEN BIDEZ

 

 

Ongi etorri Euskal Herrira!

 

Hemen tradizioa, historia eta kultura elkartzen dira sentzasioz beteta dagoen mundu ezezagun bat bisitari erakusteko.

 

Gure kostaldean itsasoaren indarra eta uraren hoztasuna sentituko dituzu.

Gure mendiek amets eragingo dizute.

Gure erreketatik urtean zehar gertatutakoa adieraziko duzu.

Gure jendeak kondaira eta ipuin zaharrak kontatuko dizkizu, igarotako garaietara eramango zaituztenak.

 

Baina seguraski sukaldaritza izango da gehien gustatuko zaizuna, eta sukaldaritzaren izarra pintxoa da. Alde batetik, hazia ereiten dugunetik jakia prestatzen dugun arte, elikagaiak zaintzen ditugulako lur honetatik onena zuri  eskaini nahian. Eta beste aldetik, euskal sukaldaritza, eta batez ere pintxoa, zentzuentzat plazer hutsa delako:

 

Lehenik, pintxoa jaten baduzu ikusmena edirengo duzu. Edozein tabernatan pintxoz beteta dagoen barra aurki dezakezu eta zure begiak pintxo batetik bestera mugituko dira non gelditu jakin gabe.

Geroxeago usaimena dator. Gernikako piper berdearen edo Idiazabalgo gaztaren usaina munduko usainik gozoena irudituko zaizu.

Eta azkenean dastamena dago. Mina, gozoa, gazia, gazi-gozoa, une horretan zure gustukoa izango dena aukeratzeko.

 

Pintxoa miniaturan egiten den  sukaldaritza da eta hemen pintxoa artelan bihurtzen da.

 

Dasta itzazu!

 

“Aramaioko errege sagar errea, alga berde-urdin karamelatuak, Mendaroko txokolate beltzarekin eta almendra txigortuekin”

Osagaiak:

1. Aramaioko errege sagarra, hiru ale
2. Kantauri itsasoko alga berde-urdina, berrehun gramo.
3. Glas-azukrea, ehun gramo.
4. Mendaroko txokolatea, txokolate tableta beltz bat, berrehun eta berrogeita hamar gramo.
5. Litro erdi esnea.
6. Almendra txigortua, berrogeita hamar gramo. 

Elaborazioa:

Errege sagarrei, labean sartu baino lehen, bihotza kendu behar diegu, jarraian berotu labea 200 gradutara eta jarri barruan errege sagarrak hogei minutuz. Errege sagarra erre ondoren zuritu behar da.

Hori gertatzen den bitartean denbora aprobetxatu eta lapiko batean Kantauri itsasoko alga berde-urdinak gehi ehun gramo glas-azukrea berotzen jarri . Karamelatzea lortu ondoren, azkar azkar plater zapal batean zabaldu eta hoztu izozkailuan.

Txokolatezko saltsa egiteko litro erdi esne eta txokolate tableta beltz txikitua elkarrekin biziki berotu. Oreari eragin osagaiak ongi nahas daitezen. Nahasketa irakitzea lortu ondoren jarri su txikian eta jarraitu nahasten erre ez dadin.

Almendra txigortua zati txiki txikietan txikitu behar da.

Aurkezteko gomendioak:

Erabil itzazu plater handiak eta zapalak.

Platerean ezer jarri baino lehen txokolate saltsa kokatu. Plateraren erdian errege sagar errea eta zuritua aurkeztu. Alga berde-urdin karamelatuak erabiliz sagarra inguratu eta almendra txigortu batzuk barreiatu alboan.

Postre hau zerbitzatu aurretik komenigarria da labean minutu bat platera eta guztiz berotzea. Horrela egiten badugu, postrearen ehundura indartuko dugu.

Nutrizio-informazio:

Energia                        74,22 kcal

Proteinak                        1,90 gr

H.C.                        17,73 gr

Fibra                        1,69 gr

Gantz-azido aseak                        0 gr

Gantz-azido mono-asegabeak                        0 gr

Gantz-azido poli-asegabeak                        0 gr

Kolesterola                        0 mgr

Ca                        5 mgr

Fe                        0,4 mgr

Zn                        0,15 mgr

Bitamina A                        3 mikrogramo

Bitamina C                        9,13 mgr

Azido folikoa                        4,27 mikrogramo

 

Asmatzaileak:

Gozo Gozotegi eta Mikatz Gozotegi.

“Aramaioko errege sagar errea, alga berde-urdin karamelatuak, Mendaroko txokolate beltzarekin eta almendra txigortuekin” 

Aspalditik Iparraldeko gastronomia aldatzen ari da. Frantzian ez ezik Euskal Herrian ere aldaketa hori gero eta nabarmenagoa da. Aipatzekoa da bai Bizkaian bai Gipuzkoan eta bai Araban ostalaritza eskola dagoela. Beraz, zenbat eta prestakuntza onaren jabe den ostalari gehiago egon orduan eta erakargarriagoa da Euskal Herrian egiten duten janaria.

            Euskal Herrian ondo jateko ez da beharrezkoa mahai batean eserita egotea. Beste aukera edo ohitura bat ere badago, hau da, tabernaz taberna joatea txikitoak edanez eta pintxoak janez.

            Euskal Herrian dugun ohitura probatu nahi baduzue, aurten Gasteizko V. Pintxo lehiaketako txapelduna dastatzea gomendatuko dizuegu. Hona aurkezten dizuegu “Aramaioko errege sagar errea, alga berde-urdin karamelatuak, Mendaroko txokolate beltzarekin eta almendra txigortuekin”. “Batek daki!” tabernan baino ezin izango duzue dastatu. Asmatzaileak bi anaia izan dira Gozo Gozotegi eta Mikatz Gozotegi Arabako ostalaritza eskolan aritzen direnak.

            Epaileek diotenez aurtengoa erabakia hartzeko urterik zailena izan da. Badirudi lehiakideek oso maila altua izan dutela. Epaileen iritziak, besteak beste, hurrengoak izan dira:

• -Pintxo hau ahoan dastatzerakoan benetako esperientzia berezia izan da. Kantauri itsasoko gatza eta Mendaroko txokolatea biak batera nahastean, jateko orduan inoiz sentitu ez dudana sentitu dut. Harritzekoa izan da.
• -Nahiko ausarta izan da pintxo berberan zapore gazia eta gozoa nahastea. Nahiz eta apustu arriskutsua izan, emaitza bikaina izan da.
• -Elaborazio erraza izan arren, erakartzeko moduan eginda dago. Dastamenarekin ez ezik ikusmenarekin ere gozatzeko pintxo bat da.

Denok dakigu irudi batek mila hitzek baino gehiago balio duela, baina kasu honetan gauzak ez dira horrela. Irudi hau ulertzeko beharrezkoa da pintxo hau probatzea, ahoan sartzea eta ikusmenarekin ez ezik dastamenarekin eta usaimenarekin ere gozatzea.

 

Hauxe da gure gomendioa: Dasta ezazu irabazi duen pintxoa eta eman zure iritzia.